Daniel 3:8 - La'aqtaqa Ñim Lo'onatac 'Enauacna 2013

⁸ Qalaxaye huo'oi co'ollaxa soua Caldea lashe' da iqopitaxanapec da ỹauo'o da lasouaxashet so judiopi, da ỹa'axateua'a so Nabucodonosor,

Daniel 3:8 Referans Kwoze

Hechos 28:22

Qaq ỹoqo'oye qomi' sauoqtaique da 'am ña'axaỹaxanaxa ca 'eetec ca 'arhuennataxac. Cha'aye saỹaanaq da 'enauaque naua 'aleu' qanpa'agueetega de'era dalaxaic na'amqaanataxanaxac maye 'aua'axattac.

Daniel 2:10

Nache 'enauac som ỹaanaxanaxaicpi ỹasateguet so nta'a, 'eeta': Ana 'alhua qaica ca ishet da 'am ỹa'axatem som 'auchoxootega. Qataq da lỹa 'eeta': Saỹauano' da huo'o ca nta'a, na'aictoxo' da 'amaqtaqaic qataq 'añaxaic, da iỹaxanot cam huo'o da no'onataguec, qataq ca ilaviigui ca lỹa, qataq ca ỹaanaxanaxaic da iỹaxaneua'a ca 'eeta'am de'era maye 'auỹaxaataique.

Ester 3:6

qalaxaye souaxat da somaye mashe qaỹa'aqtaxanem co'ollaxa da so Mardoqueo Judá le'ec, nache lhuennataxac da sa ỹaỹamaxañi da nachesota somaye da ỹauo'o ca nhuaxanaguec, nache nmitaique ca lataxac da ỹalauat 'enauac so Judá le'ecpi, maye hueta'a so 'alhuapi maye ilotague' so Asuero.

Daniel 1:4

Qaq camayepi, iuen da nsoxoppiolec maye ỹataqta nalochiyiñi da lataxa'c, qataq qaica ca lque'emaxa na lo'oc, qataq ỹataqta nalaua'a da nauattonaxanaxac, qataq da naỹaanataxanaxac, qataq ỹaanataxanaxaicpi, qataq sanqalat da huo'o ca qaỹapaxaguenec, qataq nalaua'a da do'onataxaneua'a ñi lma' lta'araic ñi nta'a. Qaq camayepi qaỹapaxaguenec qome da neraxanaxac, qataq na la'aqtacpi na caldeopi.

Daniel 2:2

Qaq huaña nache damaxasoxoneuga 'enauac som 'oiquiaxaipi, qataq som ilaviigui ca lỹa, qataq so 'iyaxaic lo'opi, qataq so ỹaanaxanaxaicpi, da yaqto' somayepi da'aqtaxanem somaye ca naigui se'eso lchoxonaxacpi. Nache somayepi jec da nachaateua'a so nta'a,

Daniel 3:7

Qaq ỹoqo'oye se'eso qalota shiỹaxauapi, co'ollaq choche hua'axaỹa da l-lamaxa 'enauac aso nviquepi, nache ỹa'alyiñi naua l-llecte da ỹo'oxoren se'eso ne'enaqtac oro.

Daniel 4:7

Nache anac co'ollaxa 'enauac so 'oiquiaxaipi, qataq so ilaviigui ca lỹa, qataq so ỹaanaxanaxaicpi, qataq som napaxagueetegapi ana huaqaañipi na Babilonia, nache aỹem sa'axatem so ichoxonaxac, qalaxaye somayepi saishet da ỹañoxot da aỹem da'aqtaxanem cam naigui somaye.

Daniel 6:4

Qaq ỹoqo'oye som nauaatalec so nta'alpi, qataq som nta'alpi, nmittaique co'ollaxa da lataxac da ỹauo'o da lasouaxashet da 'eetega qauem da lo'onataxanaxac da ilotague' yi'iye 'alhua, qalaxaye so Daniel ye ỹataqta ỹaỹamaqchiguiñi da lo'onataxanaxac, nache saishet da qaỹanata ca lasouaxashet, qaq ỹoqo'oye saishet da qaỹañoxot da qoỹaneuo ca lasouaxashet da qaỹataỹa'aguet somaye.