Daniel 3:6 - La'aqtaqa Ñim Lo'onatac 'Enauacna 2013

⁶ Qaq 'enauac qome ca saishet da ỹa'alyiñi naua l-llectel da ỹo'oxoren ñi'iñi ne'enaqtac, nache saqaỹaỹaloxon qome da qaỹasaxaigui aca nqatelaxanaxaqui maye 'ettaigui.

Daniel 3:6 Referans Kwoze

Mateo 13:50

Nache na qauemaicpi qaỹasaxaña ca nhuaxanaqa' na 'etaxaloxoicpi. Huaña, nache nỹeetac qataq ỹataqta inaga't naua lhue, souaxat da nqui'ic.»

Mateo 13:42

Qaq na ỹamaxashecpi ỹasaxaña namayepi que'eca nhuaxanaqa' na 'etaxaloxoicpi, huaña nache ỹaguec da nnoinaxac qataq inaga't naua lhue da nqui'ic.

Jeremías 29:22

Yaqto' nam qanqateeguesop co'ollaxa ye Judá maye netaña nagui ye Babilonia da huo'o ca ỹasaxalec ca qauem la'aqtac ca lỹa qalaq, 'eeta': Ñim Nataxala', 'am ỹo'otec qome ca 'eeta'am dam ỹo'otec co'ollaxa soua Sedequías qataq so Ahab, maye ñi nta'a ye Babilonia ỹauo't co'ollaxa.

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

Daniel 3:11

qaq ca saishet da ỹo'ot damaye, nache qaỹasaxaigui aca nqatelaxanaxaqui maye 'ettaigui.

Apocalipsis 14:11

Qaq na lmala'q ca norec maye ỹo'ot da nque'eenaxac qalaq nache 'eetai' da ncheteguisheguem, cha'aye nam natameetacot som shiguiỹac leguemaxaic qataq so ne'enaqtac maye lqui'i somaye qataq na qaỹa'an da qaỹa'anaxana da le'enaxat somaye, saishet da vi'iiguet da nque'eenaxac ye na'a'q qataq ye pe.»

Apocalipsis 9:2

Qaq co'ollaq asomaye da ỹauatoigui so lasom so ñegueuo maye taỹaña ca ncoñetaxanaqa', nache chegoqchiguingui se'eso auac so 'eeta'am na lmala'q ana late'erai nqatelaxanaxaqui, qaq se'eso lmala'q, nache napalñi naqa'en, cha'aye ỹapolec añi nala'.

Marcos 6:27

Nache sa ỹaỹaloxon da ỹamaq so 'oonolec huataxanaq le'ec da ndouo ca lqaic so Juan. Nache jec so huataxanaq le'ec da taua'a aso ncoñetaxanaxaqui, nache icheguec so lqaic so Juan,

Mateo 4:9

Nache 'enapeco': –Aỹem 'am sami' 'enauac ne'ena, da ishet da 'aua'alyiñi naua 'arllectel da aỹem 'avio'oxoren.

Daniel 6:7

'Enauac na nta'alpi maye ilotague' na 'alhua, huo'o so laỹonaxac, som huaigui da qanasachigui da 'am qaiỹaxanot da 'aỹa'an cam 'erec maye huetalec ca 'aramaxasoxonaxac, da ivittre'c caua treinta na'axa'te, da qaica ca ishet da iỹaxaatacot ca lỹa atamnaxala', huo'otaq ca shiỹaxaua, nache 'amta, 'am nta'a da 'am qaiỹaxaatacot. Qaq cam saỹalaq, nache iuen da qaỹasaxangui añi nshere maye laỹe' na llonpi.

Daniel 3:21

Qaq 'era da 'eetec se'esoua tres nsoxorolqa da ñaq ỹaatrañi co'ollaxa soua alogo maye lataxau' da huo'o da la'amaqchec lo'onataxanaxa'c, co'ollaq qaicoñerai'salo nache qaỹasaxaiguilo aso nqatelaxanaxaqui maye 'ettaigui.

Daniel 2:5

Nache so nta'a 'enapeco': Mashe secoua'ai cam 'eetec so ichoxonaxac, qalaxaye qami' da saishet da aỹem qaua'axachem cam 'eetec som ichoxonaxac, nache qami' qailaxachiguilo qome, qataq na qarma'aipi 'eeta'am qome ca logosheguem lasogoñi.

Isaías 44:17

Qaq cam lli'iỹoxot 'epaq, qalaq do'ogoxona da ỹo'ot ca le'enaqtac atamnaxala', ime nache ỹa'atto'oto naua l-llecte da natameetacot camaye qataq nachoxoreetacot nache 'enapega, 'eeta': «Aỹem 'anca'alaxatec cha'aye 'am ñatamnaxala'»

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Génesis 19:28

Nache ỹamata'ague da pa'aigue ye Sodoma qataq ye Gomorra, qataq 'enauac so ca'amegue, nache ila'a da 'enauac se'eso 'alhua nchetapiguisheguem na lmala'q, 'eeta'am aca nqatelaxanaxaqui.

Daniel 3:7

Qaq ỹoqo'oye se'eso qalota shiỹaxauapi, co'ollaq choche hua'axaỹa da l-lamaxa 'enauac aso nviquepi, nache ỹa'alyiñi naua l-llecte da ỹo'oxoren se'eso ne'enaqtac oro.

Daniel 5:19

Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec.