Daniel 3:4 - La'aqtaqa Ñim Lo'onatac 'Enauacna 2013

⁴ Qaq som qaipataxaguet da ỹa'axat da qanayecot da qaỹo'ot se'eso naỹonaxac na'axannec da lavilỹaxac da detaqa 'eeta': Qami' nhuo' le'ecpi, qataq qami' ỹotta'a't shiỹaxauapi, qataq qami' maye ỹotta'a't naua qara'aqtaqalle', ña qana'axaỹaxañiichiguiñi:

Daniel 3:4 Referans Kwoze

Daniel 6:25

Qaq huaña nache so nta'a Darío, ỹauo'o so lerec da taỹa'a naqa'en na ỹotta'a't shiỹaxauapi, qataq nam ỹotta'a't naua la'aqtaqa maye netalec se'eso 'alhua, nache 'eeta': «Huo'o qome da qarlagaxayiqui, qataq qaica ca qaviñiitaique,

Daniel 4:1

Qaq aỹem nta'a Nabucodonosor, sanem da ỹa'aqtac 'enauac na nhuo' le'ecpi, qataq na ỹotta'a't shiỹaxauapi, qataq na ỹotta'a't naua la'aqtaqa maye netalec ne'ena 'alhua, da sauotaique da namayepi nquictauec da l-lagaxayec.

Miqueas 6:16

Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.

Oseas 5:11

Nache na Efraín, qaica qome ca nyacnataguec qataq qaica ca naigui qanqa'en, souaxat da maiche quegue nam atamnaxala'pi maye qaica ca naigui.

Daniel 4:14

nache somaye na'axannec da detaqa, 'eeta': Qaua'axasoxoñiiñi ara'ara qo'oipaq qauchiquiiuec qome ana lcouepi qataq qanqache ana lauepi, qataq qalagaxache ana alapi. Qataq datauec qanqa'aiñi na shiguiỹacpi maye hueto'ot na lpaqal, qataq na maỹopi maye netaigui ana lcouepi aramaye.

Isaías 58:1

Ñim Nataxala' aỹem 'enapega, 'eeta': «'Anlamaxaren qome da 'aua'alaq saishet da 'añe'etac, 'ana'axannec da 'arvilỹaxac 'eeta'am 'anqa'en aca nasheere, ỹataqta sa 'auala'ac da qonapega na ỹalamaxat nhuo' le'ecpi souaxat da saỹalaq, nam chegoxoguetpi so Jacob souaxat nam lasouaxashetpi.

Isaías 40:9

'Am Sión maye 'auachetac da no'on na'axaỹaxac 'aunotsheguemec qome añi ỹataqta qaỹoqotcheguemec qasoxonaxa, nache ỹataqta 'anlamaxaren qome da 'aua'axat dam no'on na'axaỹaxac. 'Am Jerusalén, saishet da 'añe'etac da 'ana'axannec da 'arvilỹaxac da 'aua'aqtaxanem ye huaqta'a't nỹecpi maye ỹotta'a't naua nañalo ye Judá, qoneta': ¡'Ena nam Qanatamnaxala'ai!

Ester 8:9

Qaq nache sa qaỹaỹaloxon da qaiỹaxaneuga so leraxanaxanecpi so nta'a. Qaq damaye huetoigui so na'a'q veintitrés so ca'agoxoic tres, som le'enaxat Siván, nache 'enauac som damaxasoxoolecpi so Mardoqueo, qoỹiyiñi da yaqto' taỹa'a so judiopi, qataq so nta'alpi maye ilotague' so laỹepi 'alhuapi, qataq so laỹepi nataxala'pi maye hueta'a so ciento veintisiete 'alhuapi, chegoqchiguiña ye la India, nache ivitta'a ye Etiopía, qaq aso nerepi qalaq qoỹettaleguete naua maiche la'aqtaqa, qataq dam maiche leraxanaxac som shiỹaxauapi maye hueta'a nam 'alhuapi. Qaq nataqa'en qoỹerelec asomaye naua la'aqtaqa, qataq da maiche leraxanaxac so judiopi.

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

Daniel 3:3

Nache 'enauac se'eso 'amaqtaqaicpi shiỹaxauapi yi'iye 'alhua laỹona't, hueta'a so naña so ne'enaqtac da yaqto' ỹo'oxoren, da qoỹaneuo somaye.

Daniel 3:7

Qaq ỹoqo'oye se'eso qalota shiỹaxauapi, co'ollaq choche hua'axaỹa da l-lamaxa 'enauac aso nviquepi, nache ỹa'alyiñi naua l-llecte da ỹo'oxoren se'eso ne'enaqtac oro.

Daniel 3:10

'Am nta'a, 'auamaxasoxoolec co'ollaxa da 'enauac na netalec na 'alhua da ỹa'alyiñi naua l-llecte da ỹo'oxoren ñi ne'enaqtac oro da choche hua'axaỹa da l-lamaxa ana nviquepi,