Daniel 3:27 - La'aqtaqa Ñim Lo'onatac 'Enauacna 2013

²⁷ nache 'enauac so nta'alpi yi'iye 'alhua maye ỹalectauo, nquigueua'alo se'esoua shiỹaxau', qaq da lo'ocỹaxa'c soomaye qalaq qaica ca lliguiñi so norec, qataq qaica ca choche 'oonolec laue da huo'otaq ivigaxa't, qataq soua alogo saishet da huo'otaq huo'o ca ỹavic, huo'otaq da huo'o ca laita na lmala'q so norec.

Daniel 3:27 Referans Kwoze

Isaías 43:2

Qaq da huo'otaq 'aua'axasoxoolec ca 'etaxat, qalaq Aỹem 'am soota'aguet qome, qataq da 'aua'axasoxoolec ca tala qalaq saishet da 'am 'ogaxaic, qataq da huo'otaq qoquetangui ca norec, qalaq saishet da 'am ỹavigaxat, qataq nam le'eraxa camaye saishet da 'am ỹavigaxat.

Hebreos 11:34

qataq ỹalamat na lta'araic le'eraxa na norec. Qataq naneltaxaneguet da nalaataguec da qaira'a ca ỹeelonec. Qataq ỹaconeguet da la'añaxac da mashe ivita da qaica ca la'añaxac. Qataq da huo'o ye alaataxac qalaq ỹataqta 'añaxaicpi, ỹoqo'oye nauec na nalleppi na npa'aguenaxauapi.

Hechos 27:34

Qaq ỹoqo'oye nagui qami' ñachoxonnoiguilo da no'on da qauqui'i. Cha'aye iuen da huo'o ca qara'añaxaqui, cha'aye qaica ca ileu souaxat de'era souaqaigui.

Mateo 10:30

Qaq ivira'a na laue ñi 'oonolec da qoñiita, Ñim Lo'onatac 'Enauacna ỹaỹaten ye lcata.

Isaías 26:11

'Am Nataxala', na 'arhuaq mashe lhuotta da 'auaxan namayepi, qalaxaye namayepi saishet da ila'a, qaq qom ila'a da lta'araic 'arauotaxanaqtaic nam 'aralamaxat nhuo' le'ecpi, nache namayepi huo'o qome da la'aloxo. ¡Qaq 'onaxaictoxo' da na le'eraxa da 'aralemataic ỹavigaxatta qome namayepi!

Salmos 83:18

Yaqto' namayepi ỹaỹateeta da nache 'Am Nataxala', qataq da nache 'amta da 'Anataỹaña 'Enauacna, maye 'aulo'ogue 'enauac ana 'alhua.

2 Reyes 19:19

Qaq ỹoqo'oye nagui, 'Am Nataxala' maye Qanatamnaxala', ñaq qomi' 'anca'alaxateeguesopa da la'añaxac ye Asiria, yaqto' 'enauac na ỹotta'a't shiỹaxauapi ana 'alhua, ỹaỹaten da nache 'amta 'Am Nataxala', da 'Am Atamnaxala'.»

Daniel 3:21

Qaq 'era da 'eetec se'esoua tres nsoxorolqa da ñaq ỹaatrañi co'ollaxa soua alogo maye lataxau' da huo'o da la'amaqchec lo'onataxanaxa'c, co'ollaq qaicoñerai'salo nache qaỹasaxaiguilo aso nqatelaxanaxaqui maye 'ettaigui.

Hechos 26:26

Qaq 'iñi ñi nta'a Agripa qomi' ỹalectaiguilo, ñimaye ỹataqta ỹaỹateeta de'era. Qaq ỹoqo'oye aỹem saishet da ñeteltapiguiñi da aỹem hua'aqtega ñimaye da sa'aqtaxaatac, cha'aye saỹaten da ñimaye nataqa'en ỹaỹateeta 'enauac de'era. Cha'aye damaye saishet da huo'otaq ỹapogoñi ca lataxac; damaye ỹataqta ỹaatec.

Daniel 6:7

'Enauac na nta'alpi maye ilotague' na 'alhua, huo'o so laỹonaxac, som huaigui da qanasachigui da 'am qaiỹaxanot da 'aỹa'an cam 'erec maye huetalec ca 'aramaxasoxonaxac, da ivittre'c caua treinta na'axa'te, da qaica ca ishet da iỹaxaatacot ca lỹa atamnaxala', huo'otaq ca shiỹaxaua, nache 'amta, 'am nta'a da 'am qaiỹaxaatacot. Qaq cam saỹalaq, nache iuen da qaỹasaxangui añi nshere maye laỹe' na llonpi.

Daniel 6:23

Qaq huaña nache so nta'a ỹataqta machiguiñi, nache damaxasoxoolec da qanqatsheguem so Daniel. Qaq co'ollaq mashe qanqatsheguem, nache saishet da huo'o ca qailalec lque'emaxa, cha'aye ỹataqta huo'o da lpi'iỹaxac Ñim Natamnaxala'.

1 Reyes 13:28

ime nache jec somaye, nache ilalec so lo'ocỹaxac se'eso shiỹaxaua maye ileu huetangui so nqa'aic, qaq som llon qataq som 'ashena ñaq netraña yemaye, qaq som llon saishet da chec somaye huo'otaq da ỹe'egueeta'a da ỹalauat so 'ashena.