Daniel 3:25 - La'aqtaqa Ñim Lo'onatac 'Enauacna 2013

²⁵ Qalaxaye aỹem selota'alo daua cuatro shiỹaxau' maye huesotrauec, coleetrapoigui na le'eraxa na norec qalaq saishet na na'axa't, qaq da lataxac da 'oonolec de'eraua cuatro shiỹaxau', qalaq 'eeta'am da lataxac ca namaxashec piguem le'ec.

Daniel 3:25 Referans Kwoze

Isaías 43:2

Qaq da huo'otaq 'aua'axasoxoolec ca 'etaxat, qalaq Aỹem 'am soota'aguet qome, qataq da 'aua'axasoxoolec ca tala qalaq saishet da 'am 'ogaxaic, qataq da huo'otaq qoquetangui ca norec, qalaq saishet da 'am ỹavigaxat, qataq nam le'eraxa camaye saishet da 'am ỹavigaxat.

Hechos 28:5

Qalaxaye so Pablo ichegoxongui so norec se'eso na'araxanaq.

Marcos 16:18

qataq ishet da ỹacongui na na'araxanaq, qataq nỹomgui na deshenataxan, qalaxaye qaica ca 'eetec. Nataqa'en da ỹashel-lec na sa no'onpi, nache no'oita.»

Da na'aqtaguec so Job 1:6

Qaq huo'o so na'a'q da nachaateua'a Ñim Nataxala' som lamaxashecpi piguem le'ecpi, nache nataqa'en nachatteuo so Pa'aguenataxanaxaic, da ỹalectoigui somayepi.

Daniel 3:28

Qaq huaña nache so Nabucodonosor na'axannec da nqaqaañi, 'eeta': «¡Qaỹo'oxoren qome Ñim Natamnaxala' da Sadrac, Mesac qataq da Abednego, cha'aye namaq so lamaxashec piguem le'ec da yaqto' nca'alaxatrec daua lamaxa'she maye ỹataqta laxaraiqa, cha'aye daamaye saishet da ỹalaxareguet da lamaxasoxonaxac na nta'a, nacherata da lca'aua'alo da ileu', qaq saishet da ỹa'aroto naua l-llectel ca lỹa atamnaxala', da saishet da nacheñi Ñim Natamnaxala'!

Salmos 34:7

Qaq so lamaxashec piguem le'ec Ñim Nataxala', npaxattalec qataq nca'alaxatec, nam huo'o naq 'enec naqa'en Ñimaye.

1 Pedro 3:13

Qaq ỹoqo'oye ¿negue'tom ca ishet da qami' ỹo'oteque ca sa ỹaỹamaxañi, da huo'otaq nache 'eetai' da qauo'ocheetac ca ỹaỹamaqchiguiñi? ¡Qomye qaica!

Daniel 3:18

Qaq na'aictaxa da saishet da qomi' nca'alaxatrec Ñim Qanatamnaxala', qalaxaye 'am nta'a, 'auaỹateeta da qomi' saishet da ñatamnaqot nam 'anatamnaxala'pi, qataq saishet da sa'araqoto naua qarllectel ñi'iñi ne'enaqtac oro.

Da na'aqtaguec so Job 38:7

Qataq co'ollaq do'onaxaatagui ana huaqaañipi yo'oxoñi lalaqtepi, qataq ỹalecteguet da ntonaxac na ỹamaxashec piguem le'ecpi?

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Proverbios 30:4

¿Negue'tom ca ishet co'ollaxa da tasheguema na piguem qataq ñe'eguelaxañi? Qataq ¿negue'tom ca ishet da nllañi na la'at da ỹauota'a na lhuaq? Qataq ¿negue'tom ca ishet da ỹauo'o ca lpataxaalec na 'etaxat aso auaxai? Qataq ¿negue'tom co'ollaxa ca ỹo'o't naua loga'te ana 'alhua? Qataq ¿negue'tom ca ỹaỹaten ca le'enaxat Ñimaye qataq ca le'enaxat ca llalec?

Jeremías 1:8

Qaq saishet qome da huo'o ca 'aye'etega, cha'aye Aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Jeremías 1:19

Namayepi 'am delogui' qome, qalaxaye saishet qome da 'am loxonec, cha'aye aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Jeremías 15:21

Aỹem 'am sesoueeguesop qome da la'añaxac na qauemaicpi, ¡qataq 'am ñeca'alaxateeguesop da la'añaxac nam qaica ca ireetac!»

Daniel 3:24

Qaq huaña nache so Nabucodonosor, ỹataqta ỹe'elaq nache sanaỹaloxon da nachaañi, nache 'enapega so ltauapi, 'eeta': ¿Saisheto' da tres soua shiỹaxau' som sasaxasoxoreua'q? Nache somayepi, 'eeta', aja' nache 'eetec.

Daniel 6:23

Qaq huaña nache so nta'a ỹataqta machiguiñi, nache damaxasoxoolec da qanqatsheguem so Daniel. Qaq co'ollaq mashe qanqatsheguem, nache saishet da huo'o ca qailalec lque'emaxa, cha'aye ỹataqta huo'o da lpi'iỹaxac Ñim Natamnaxala'.

Da na'aqtaguec so Job 5:19

Qaq ỹataqta ỹe'eguelaqtalec da 'am nca'alaxateeguesop da lchecỹaxac, qaq que'eca pa'atec nache ỹoqta 'am sa ỹasheneguet na qauemsat.