Daniel 3:24 - La'aqtaqa Ñim Lo'onatac 'Enauacna 2013

²⁴ Qaq huaña nache so Nabucodonosor, ỹataqta ỹe'elaq nache sanaỹaloxon da nachaañi, nache 'enapega so ltauapi, 'eeta': ¿Saisheto' da tres soua shiỹaxau' som sasaxasoxoreua'q? Nache somayepi, 'eeta', aja' nache 'eetec.

Daniel 3:24 Referans Kwoze

Daniel 6:22

Ñim Ñatamnaxala' namaq so lamaxashec piguem le'ec, qaq somaye ỹapogui na alap na llonpi, da yaqto' saishet da aỹem ique'emaqchet, cha'aye Ñim Lo'onatac 'Enauacna ỹaỹaten da aỹem qaica ca ỹasouaxashet, qataq qaica ca so'ot qauem da 'am hueto'ot 'am nta'a.

Daniel 6:7

'Enauac na nta'alpi maye ilotague' na 'alhua, huo'o so laỹonaxac, som huaigui da qanasachigui da 'am qaiỹaxanot da 'aỹa'an cam 'erec maye huetalec ca 'aramaxasoxonaxac, da ivittre'c caua treinta na'axa'te, da qaica ca ishet da iỹaxaatacot ca lỹa atamnaxala', huo'otaq ca shiỹaxaua, nache 'amta, 'am nta'a da 'am qaiỹaxaatacot. Qaq cam saỹalaq, nache iuen da qaỹasaxangui añi nshere maye laỹe' na llonpi.

Hechos 26:27

Qaq 'am ita'a Agripa, ¿'aua'amaqten peta'a da la'aqtaxanaxac som la'aqtaxanaxanecpi Ñim Lo'onatac 'Enauacna? Aỹem saỹaten da 'am 'aua'amaqten.

Hechos 26:13

Qalaxaye co'ollaq huangui so nqa'aic, 'am ita'a Agripa, mashe na'a'q laiñi, nache aỹem sela'aguet so ne'eraxa, ỹataqta napacalec na le'eraxa añi nala', chegoqo'ot na piguem. Nache somaye souaigui, nataqa'en soua ñenaictegueto.

Hechos 12:13

Qaq somaye co'ollaq iuaxaatapegueua'a so lasom som qasoxoc, nache huo'o aso qa'añole, le'enaxat Rode, npa'auga da choche nalleuga da negue't so deỹaxaatac.

Hechos 9:6

Nache so Saulo ỹataqta iviloxolaqchet da lcolanaxa, nache 'enapeco': –'Am Ỹataxala', ¿chaq negue't ca 'auauotaique da so'ot? Nache So Qarataxala' 'enapego' somaye, 'eeta':] –Qoñisheguem, nache 'anqo'oneua'a ye nỹecpi. Nache huaña qome da 'auaỹaten cam 'auo'ot.

Daniel 5:18

«Ñim Lo'onatac 'Enauacna maye nataỹaña 'enauacna, ỹanem co'ollaxa da la'amaqchec, llo'oxoyec qataq da 'enec, so nta'a Nabucodonosor, som 'arta'a.

Daniel 5:6

nache ỹataqta napagaqtec, qaq souaxat da lcolanaxa nache ỹataqta iviloxol imauec na lo'oc.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Daniel 4:22

qaq asa'aso qo'oipaq qalaq nache 'am, 'am nta'a, da 'anquictasheguem qataq 'am 'añaxaic. Qataq da 'ara'amaqchec 'am nta'a nquictauec, nache ivira'a da iviro'ot na piguem, qataq da 'aro'onataxanaxac imattalec ana 'alhua.

Daniel 3:17

Cha'aye Ñim Qanatamnaxala' maye sho'oxorenaqtac, Ñimaye ishet da qomi' nca'alaxateeguesopa na le'eraxa aca nqatelaxanaxaqui, qataq qomi' nca'alaxateeguesopa 'enauac nam qauem maye huotaique da qomi' 'auo'oteque 'am nta'a.

1 Samuel 17:55

Qaq so Saúl, co'ollaq ỹauaateueegue so David da ñaq taỹauga so filisteo, nache inattaco' co'ollaxa so Abner, som lataxala' so nalleppi, 'eeta': Abner, ¿chaq negue't llalec se'eso nsoq?

2 Crónicas 22:4

Qaq somaye ỹo'ot co'ollaxa na ỹataqta saỹaỹamaxarenpi Ñim Nataxala', 'eeta'am da 'eetec so llalaqpi so Ajab. Cha'aye co'ollaq mashe ileu so lta'a Ocozías, nache so llalaqpi so Ajab, ỹaata'am na qauem lqataxacpi da yaqto' iqataqchet somaye.

Daniel 3:23

qaq se'esoua tres nsoxorolqa nache qaicoñettai'salo co'ollaq qaỹasaxaroigui aso nqatelaxanaxaqui.

Daniel 3:25

Qalaxaye aỹem selota'alo daua cuatro shiỹaxau' maye huesotrauec, coleetrapoigui na le'eraxa na norec qalaq saishet na na'axa't, qaq da lataxac da 'oonolec de'eraua cuatro shiỹaxau', qalaq 'eeta'am da lataxac ca namaxashec piguem le'ec.