Daniel 3:20 - La'aqtaqa Ñim Lo'onatac 'Enauacna 2013

²⁰ ime nache ỹama'q soua ale't maye ỹataqta 'añaxaiqa ỹachegoxotaigui som nalleppi somaye, da icoñerai'salo soua Sadrac, Mesac qataq so Abednego, da yaqto' ỹasaxaroiguilo na le'eraxa aso nqatelaxanaxaqui.

Daniel 3:20 Referans Kwoze

Hechos 16:25

Qalaxaye co'ollaq mashe laiñi so pe, nache so Pablo qataq so Silas, soomaye nqouagaxaueeta'ape qataq do'onaxaata'ape, ỹo'oxoreetrac Ñim Lo'onatac 'Enauacna. Qaq som laỹepi ncoñeteguishecpi na'axaỹaxaategalo soomaye.

Hechos 16:23

Qaq co'ollaq mashe qalota da nhuaxanague'c, nache qaỹamaxaroigui aca ncoñetaxanaxaqui. Nache qoỹenapega som ilotague' aso ncoñetaxanaxaqui da ỹataqta ilo'oguelo.

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

Daniel 1:7

qaq som lataxala' som do'onataxaategueua'a so nma' lta'araic, somaye naralaxa't naua le'enaqa'ate soomaye. So Daniel ỹanagui da Beltsasar, so Ananías qalaq ỹanagui da Sadrac, so Misael qalaq ỹanagui da Mesac, qaq so Azarías qalaq ỹanagui da Abednego.

Daniel 3:19

Qaq so Nabucodonosor co'ollaq hua'axaỹa de'era la'aqta'c soomaye, nache ỹataqta ntoguec na lashec souaxat da lauel da ỹalleto'oto soua tres nsoxorolqa. Huaña nache damaxasoxoolec da siete da qaỹe'eguelaxalec da qaỹalonoigui aso nqatelaxanaxaqui, napacalec ye lcata naxa da qaỹalonoigui asomaye,

Daniel 3:21

Qaq 'era da 'eetec se'esoua tres nsoxorolqa da ñaq ỹaatrañi co'ollaxa soua alogo maye lataxau' da huo'o da la'amaqchec lo'onataxanaxa'c, co'ollaq qaicoñerai'salo nache qaỹasaxaiguilo aso nqatelaxanaxaqui maye 'ettaigui.