Daniel 3:19 - La'aqtaqa Ñim Lo'onatac 'Enauacna 2013

¹⁹ Qaq so Nabucodonosor co'ollaq hua'axaỹa de'era la'aqta'c soomaye, nache ỹataqta ntoguec na lashec souaxat da lauel da ỹalleto'oto soua tres nsoxorolqa. Huaña nache damaxasoxoolec da siete da qaỹe'eguelaxalec da qaỹalonoigui aso nqatelaxanaxaqui, napacalec ye lcata naxa da qaỹalonoigui asomaye,

Daniel 3:19 Referans Kwoze

Daniel 3:13

Nache so Nabucodonosor ỹataqta dalemata, nache damaxasoxoneugalo da qanauegueua'a somaye, so Sadrac, Mesac, qataq so Abednego. Qaq co'ollaq ivildeuo soomaye

Levítico 26:24

nache Aỹem qome nataqa'en, qaltaq siete da she'eguelaxalec da qami' seuaxa'n souaxat da qaye'etaxalqoi.

Proverbios 21:24

Ca ño'oxonnaxaic, na'amqaanaxaic, qataq ca sairen ca lỹa, camaye qailonec da sancherapec, souaxat da ỹagaqnauec da napagaqaanaxac.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Hechos 5:33

Qaq co'ollaq hua'axaỹa de'era so nta'alpi maye 'amaqtaqaicpi qataq so lataxala'pi na judiopi, nache somayepi ỹataqta dalemata, nache huotaique da ỹalaua't soomaye.

Daniel 5:6

nache ỹataqta napagaqtec, qaq souaxat da lcolanaxa nache ỹataqta iviloxol imauec na lo'oc.

Salmos 76:10

Da lalemataic ca shiỹaxaua qalaq nmeneguet da 'año'oxonnataguec, ivira'a ca saq 'amaqtaq lalemataic qalaq ỹo'ot da 'ayo'oxoyec.

Levítico 26:21

Nache da ñaq 'eetalec da Aỹem qandaqaitapeeguet, qataq saishet da Aỹem qaualaqaiguet. Qaq huaña, nache qaltaq siete da she'eguelaxalec qome da qami' seuaxa'n souaxat da qaye'etaxalqoi.

Levítico 26:18

Qaq da ñaq 'eetalec da saishet da Aỹem qaualaqaiguet, nache siete da she'eguelaxalec da qami' seuaxa'n souaxat da qaye'etaxalqoi.

Hechos 7:54

Nache som nmit na nasouaxashet somayepi co'ollaq hua'axaỹa de'era, nache ỹataqta dalemata, qataq 'eeta'am da inaga't naua lhue da lquiỹaxa so Esteban.

Daniel 6:24

Qaq huaña, nache so nta'a damaxasoxoneuga da qanauegueuo so shiỹaxauapi maye ỹauo'o so lasouaxashet so Daniel, nache somayepi l-llañe' qanqa'en aso lhuapi, qataq so llalaqpi da qaỹasaxangui aso laỹe' so llonpi, qaq somayepi naxa da saxanaxa da iviyiña na pa'aguiñi aso nshere, nache so llonpi parenaxaneguet nache icolaxattac.

Isaías 51:23

Qaq sanem qome nam ỹo'ottac da 'anque'eenaxac, nam 'am 'eetega naxa, 'eeta': ‹¡'Anqapaxanguet na 'alhua yaqto' 'am sapiaqteguelec!› ¡Qaq 'am 'anqapaxaneguet co'ollaxa na 'alhua, da yaqto' namayepi 'am petapigui 'eeta'am naqa'en ca namoxoỹaxa!»

Proverbios 16:14

Da lalemataic ca nta'a ỹa'axata'a da nleuaxa, qalaxaye naua la'aqtaqa ca ỹaanaxanaxaic ishet da nmanaqchet camaye.

Ester 7:7

Nache so Asuero ñisheguem, ỹataqta nlaqchigui da lalemataic, nache ca'ai so huaña so nquia'axac, nache tauga so nanaxanaqa' se'eso nma' lta'araic. Qalaxaye so Amán, co'ollaq ỹauatton da so nta'a mashe lhuennataxac da ỹaneguet da nleuaxa somaye, nache somaye no'onañi da yaqto' nachoxonnot aso Ester da nca'alaxatec somaye.

Génesis 31:2

Qaq so Jacob nataqa'en ỹauatton da so Labán saishet da no'on da lasheguiỹaxac da ỹamato'ot somaye, qaq saishet da 'eeta'am so hua'autec.

Daniel 2:12

Qaq so nta'a, co'ollaq hua'axaỹa de'era, nache ỹataqta dalemata, nache damaxasoxoolec da qaỹalauat 'enauac so ỹaanaxanaxaicpi ye Babilonia.

Daniel 3:20

ime nache ỹama'q soua ale't maye ỹataqta 'añaxaiqa ỹachegoxotaigui som nalleppi somaye, da icoñerai'salo soua Sadrac, Mesac qataq so Abednego, da yaqto' ỹasaxaroiguilo na le'eraxa aso nqatelaxanaxaqui.

Ester 3:5

Qaq so Amán co'ollaq ỹaỹaten da so Mardoqueo saishet da ỹa'alyiñi naua l-llectel, huo'otaq da naqñi naxa da nateugueye somaye, nache ỹataqta nlaxagui da lalemataic,