Daniel 3:18 - La'aqtaqa Ñim Lo'onatac 'Enauacna 2013

¹⁸ Qaq na'aictaxa da saishet da qomi' nca'alaxatrec Ñim Qanatamnaxala', qalaxaye 'am nta'a, 'auaỹateeta da qomi' saishet da ñatamnaqot nam 'anatamnaxala'pi, qataq saishet da sa'araqoto naua qarllectel ñi'iñi ne'enaqtac oro.

Daniel 3:18 Referans Kwoze

Mateo 10:39

Qaq ca nshetaique da maiche nca'alaxatec da maiche nachaalataxac, nache camaye deqat. Qalaxaye ca saishet da iteetega da nachaalataxac souaxat da Aỹem quetague', nache camaye nca'alec.

Apocalipsis 12:11

Cha'aye da l-leuaxa Ñi Qagueta Llalec, qataq da na'aqtaguec Ñimaye, nachera da iqallem. So qarqaỹañicpi saishet co'ollaxa da ñe'etac, nachaqrata da ỹan da nachaalataxac da qaỹalauat.

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»

Daniel 3:28

Qaq huaña nache so Nabucodonosor na'axannec da nqaqaañi, 'eeta': «¡Qaỹo'oxoren qome Ñim Natamnaxala' da Sadrac, Mesac qataq da Abednego, cha'aye namaq so lamaxashec piguem le'ec da yaqto' nca'alaxatrec daua lamaxa'she maye ỹataqta laxaraiqa, cha'aye daamaye saishet da ỹalaxareguet da lamaxasoxonaxac na nta'a, nacherata da lca'aua'alo da ileu', qaq saishet da ỹa'aroto naua l-llectel ca lỹa atamnaxala', da saishet da nacheñi Ñim Natamnaxala'!

Proverbios 28:1

Ca qauemaic qalaq datauec na'aictaxa da saishet da qaicaatac, qaq na no'on da lataxac qalaq 'eeta'am na llon da qaica ca ndaqtaique.

Da na'aqtaguec so Job 13:15

Na'aictoxo' da aỹem ỹalauat Ñimaye, qalaxaye nache 'ena'am seuata'aguet, yaqto' ishet da sataỹa'aguet Ñimaye, da ñepaxaalec da ỹataxac.

Hechos 4:19

Nache so Pedro qataq so Juan 'ena'apo': –Maicheye qami' qauennataxañi da huo'otaq Ñim Lo'onatac 'Enauacna ishet da ỹaỹamaxareeta da qami' salaxasoxoleguete, qalqo' salaxasoxoguet Ñimaye.

Levítico 19:4

Saishet da qanqo'oñiỹa da huo'o ca qoñiitapeguec ca ne'enaqtac lqui'ipi na atamnaxala'pi, qataq saishet da huo'o ca ỹo'ot ca le'enaqtac lcat, cha'aye Nachaỹem Nataxala' maye Qanatamnaxala'ai.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Mateo 16:2

Qalaxaye So Jesús 'enapeco': –Qami' da ivita ye avit, qalaq qoñiita': «Ỹoqta da 'onaxaic ca na'a'q qonte', cha'aye ỹataqta toc da avit.»

Hebreos 11:25

Qataq saishet da ỹaỹamaxaren da nque'etaxaachigui nam ishet da ỹo'otpi qataq nam ishet da ỹaconeguet da neto'ot asomaye, cha'aye damaye huetaigui da nqopitaxanaqtaic qataq da ñe'etaxaloxo. Nachaqrata da lca'aua'a da na Egipto le'ecpi sa iyacnapec somaye da 'eeta'am so laỹepi nhuo' le'ecpi maye lalamaxatpi Ñim Lo'onatac 'Enauacna.

1 Reyes 19:14

Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi, ỹauota'a so ỹeelonec. Qaq nachaỹemta da ño'onañi, qalaq aỹem qanmittaique da huotaique aỹem qaỹalauat nataqa'en.»

1 Reyes 19:18

Qalaxaye aỹem, no'onañi ñaqa'en ca siete mil na Israel le'ecpi, maye saishet co'ollaxa da ỹa'aldoto naua l-llecte so Baal, qataq saishet da napigoxoi'.»