Daniel 3:17 - La'aqtaqa Ñim Lo'onatac 'Enauacna 2013

¹⁷ Cha'aye Ñim Qanatamnaxala' maye sho'oxorenaqtac, Ñimaye ishet da qomi' nca'alaxateeguesopa na le'eraxa aca nqatelaxanaxaqui, qataq qomi' nca'alaxateeguesopa 'enauac nam qauem maye huotaique da qomi' 'auo'oteque 'am nta'a.

Daniel 3:17 Referans Kwoze

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Lucas 1:37

De'era ỹachaxan da Ñim Lo'onatac 'Enauacna ỹataqta qaica ca ỹaqalanapec.

Hebreos 7:25

So Jesús ishet da chochaq tatec naqa'en da lca'alaxa nam huotaique da ivira'a da nauochaxaua Ñim Lo'onatac 'Enauacna chegoqchigui Somaye. Cha'aye Somaye, nache 'eetai' da nca'altauec, qataq nache queto'ot da iỹaxaatacot Ñim Lo'onatac 'Enauacna da iỹaxaateguelec namayepi.

Jeremías 1:8

Qaq saishet qome da huo'o ca 'aye'etega, cha'aye Aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Hechos 21:13

Qalaxaye so Pablo 'enapec: –¡Saishet da qanỹiñiitac, cha'aye da nache qoñiita'ac de'era, nache aỹem qauaquicoqchichi! Aỹem ỹataqta sauotec So Qarataxala', qaq ỹoqo'oye aỹem lhuotta. Qaica ca shectega da aỹem qaicoñe', qataq na'aictaxa da seleualec Somaye da huaña ye Jerusalén.

Da na'aqtaguec so Job 5:19

Qaq ỹataqta ỹe'eguelaqtalec da 'am nca'alaxateeguesop da lchecỹaxac, qaq que'eca pa'atec nache ỹoqta 'am sa ỹasheneguet na qauemsat.

Isaías 12:2

Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»

Salmos 115:3

Ñim Qanatamnaxala' neto'ot na piguem, Ñimaye ỹo'ot 'enauac nam huotaique co'ollaxa da ỹo'otpi.

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

Daniel 6:27

Ñimaye nacheñi ñi nca'alaxaqui qataq huesochiguiñi naqa'en ca shiỹaxaua, Ñim ỹo'ot na na'anecpi maye huo'o da llo'oxoyec, da huo'ot naqa'en na piguem qataq ana 'alhua. Ñimaye, nacheñi ñi nca'alaxateeguesop ñi Daniel, naua nna'ache na llonpi.»

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

1 Samuel 17:46

Qaq nagui Ñim Nataxala' aỹem ỹanem da 'am ỹoxonec, nache 'am salauat, qataq sequesoxouec na 'arqaic, qaq nachena ne'ena na'a'q da sanem na maỹopi piguem le'ecpi, qataq na huauec shiguiỹacpi da lo'ocỹaxac na nalleppi na filisteopi, yaqto' 'enauac na huetalecna ỹaỹaten da huo'o naq 'enec Ñim Natamnaxala' na Israel le'ecpi.

1 Samuel 17:37

Qaq Ñim Nataxala' maye aỹem nca'alaxateeguesop naxa na llon qataq na oso, Ñimaye nataqa'en aỹem nca'alaxateeguesop qome da lhuaqỹaxac de'era filisteo. Huaña nache so Saúl, 'enapeco': 'Aue qojec, qaq Ñim Nataxala' nache 'am nnaictague' qome.

Génesis 18:14

¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Isaías 54:14

Da nalochiguiñi lataxac, nachera qome da ỹo'ot da 'ara'añaxac, qaq huaña nache imeuo qome da 'am qaipataqta'a't qataq da 'ayi'iỹaxa, qataq da lchec saishet qome da qaltaq 'am sa ỹalemaxat.

Da na'aqtaguec so Job 34:29

Qaq Ñimaye da nañaxaañi, qaq ¿negue't ca ishet da ỹo'ot ca nhuaxanaguec? Qataq da ỹoxooñi da lashiguiỹaxac, nache ¿negue't ca ishet da ila'a? Qalaxaye Ñimaye nauaatalec na ỹotta'a't shiỹaxauapi qataq ñi 'oonolec namayepi.

Salmos 73:20

Cha'aye qom ivita da 'anachaañi 'Am Nataxala', qalaq qoneta'am ca do'ocheta maye cheta'ague da nlouec, nache ỹataqta 'auo'otan da saq'en lataxac namayepi.

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

2 Corintios 1:10

Qaq Ñimaye, nacheñi ñi qomi' nca'alaxateeguesopa co'ollaxa da lchec da nleuaxa. Qataq huo'o da qanaquitaxac da queto'ot da qomi' nteltegalo,

Salmos 37:40

Qaq Ñim Nataxala' itauan namayepi da yaqto' qoỹetauec, ỹeltaxaneguet na qauemaicpi, nache nca'alaxatec, cha'aye namayepi ỹataqta pi'iỹa'a Ñimaye.

Jeremías 15:20

Aỹem so'ot qome da qoneta'am ca mpaqtaxanaxat bronce maye huo'o da lqalaic da qanlaxaañi da 'aualectaigui ne'ena nhuo' le'ecpi. 'Am qailoquiaxan qome qalaq saishet da 'am noxonec, cha'aye Aỹem 'am soota'aguet qome da 'am ñepaxattalec qataq 'am ñeca'alaxatec. Qaq 'era da ỹa'aqtac, Aỹem Nataxala'.

Jeremías 15:21

Aỹem 'am sesoueeguesop qome da la'añaxac na qauemaicpi, ¡qataq 'am ñeca'alaxateeguesop da la'añaxac nam qaica ca ireetac!»

Daniel 3:26

Qaq co'ollaq ime da nasaxauec de'era so Nabucodonosor, nache nquigueua'a so lasom aso nqatelaxanaxaqui, nache na'axannec da lỹaxanaxac, 'eeta': ¡Sadrac, Mesac, Abednego, maye qami' lamaxa'she Ñim Lo'onatac 'Enauacna maye Nataỹaña 'Enauacna, ña qampa'aiuec qome nache qananaiuecna'a! Nache se'esoua tres, nnoxoorec chegoqtroigui so le'eraxa so norec,

Daniel 6:16

Qaq huaña, nache so nta'a damaxasoxoneuga da qanauegueuo so Daniel, da yaqto' qaỹasaxangui aso nshere maye laỹe' so llonpi. Qalaxaye co'ollaq saxanaxa da qaỹacoolec dam nhuaxanaguec somaye, nache so nta'a 'enapega so Daniel, 'eeta': ¡Ñim 'Anatamnaxala', ñim 'auo'onataxaatacot maye ỹataqta 'aualaxaguet naxa, 'am nca'alaxatec qome!

Daniel 6:23

Qaq huaña nache so nta'a ỹataqta machiguiñi, nache damaxasoxoolec da qanqatsheguem so Daniel. Qaq co'ollaq mashe qanqatsheguem, nache saishet da huo'o ca qailalec lque'emaxa, cha'aye ỹataqta huo'o da lpi'iỹaxac Ñim Natamnaxala'.

Miqueas 7:7

Aỹem, qalaxaye seuata'aguet qome Ñim Nataxala', qataq sacheto'ot da ñaquitaxac Ñim Lo'onatac 'Enauacna maye ica'alaxaqui, cha'aye Ñimaye aỹem hua'axaỹa qome.

Salmos 37:39

Da lca'alaxa na ỹalleppi maye no'on da lataxac, chegoqo'ot Ñim Nataxala', Ñim lle'eguenaxala' da huo'o da lqalaic.