Daniel 3:13 - La'aqtaqa Ñim Lo'onatac 'Enauacna 2013

¹³ Nache so Nabucodonosor ỹataqta dalemata, nache damaxasoxoneugalo da qanauegueua'a somaye, so Sadrac, Mesac, qataq so Abednego. Qaq co'ollaq ivildeuo soomaye

Daniel 3:13 Referans Kwoze

Daniel 3:19

Qaq so Nabucodonosor co'ollaq hua'axaỹa de'era la'aqta'c soomaye, nache ỹataqta ntoguec na lashec souaxat da lauel da ỹalleto'oto soua tres nsoxorolqa. Huaña nache damaxasoxoolec da siete da qaỹe'eguelaxalec da qaỹalonoigui aso nqatelaxanaxaqui, napacalec ye lcata naxa da qaỹalonoigui asomaye,

Daniel 2:12

Qaq so nta'a, co'ollaq hua'axaỹa de'era, nache ỹataqta dalemata, nache damaxasoxoolec da qaỹalauat 'enauac so ỹaanaxanaxaicpi ye Babilonia.

Hechos 24:24

Qaq soua lỹa't na'axa'te, nache qaltaq nvi' so Félix nnaictague' aso lhua Drusila, asomaye judío lashe. Nache somaye damaxasoxoneuga so Pablo da yaqto' na'axaỹaxana da ỹa'axat ca llec da qaipi'iỹa'a So Jesucristo.

Lucas 21:12

Qaq qom saxanaxa da yo'oq 'enauac de'era, nache qami' qaỹaconeua'alo qome, qataq qami' qaicaata'ape. Ime, qaq qami' qaỹauegueua'alo ana napaxaguenaxaquipi na judiopi, nache qami' qaicoñe't. Ime, qataq qami' qaỹauegueua'alo na nta'alpi maye ilotague' naua 'aleu' qataq nam maiche lta'alpi namayepi, souaxat da qami' ỹapaxaguenataqa.

Lucas 6:11

Qalaxaye so shiỹaxauapi ỹataqta dalemata. Nache chegoqchiguiña da nmittaique ca lataxac da dataỹa'aguet So Jesús.

Marcos 13:9

Qalaxaye maxatchaxa qome. Cha'aye qami' qoỹaneua'alo qome na lataxala'pi na shiỹaxauapi, nache qami' iuaxaata'ape da huaigui ana napaxaguenaxaquipi na judiopi. Huaña, nache qami' qanachaalataxaneua'alo na nta'alpi maye ilotegueto naua 'aleu', qataq na lta'alpi namayepi souaxat da Aỹem qoquiitague'. Qalaxaye huaña qome, nache Aỹem qaua'axache da qaua'aqtaxañim namayepi.

Mateo 10:18

Qataq ivira'a qome da qami' qaỹauegueua'alo nam ilotegueto naua 'aleu', qataq na lta'alpi namayepi da yaqto' Aỹem qaua'axache da qauataito'ot namayepi, qataq nam chegaqauec, cha'aye qami' ỹapaxaguenataqa.

Proverbios 29:22

Ca sa qaỹaloxonguit da lalemataic ỹo'ot da loquiaxac, qataq ca sancherapec camaye qalota na lsomaxac.

Proverbios 27:3

Na coma'pi qataq na lsoche namaye ỹataqta qapa'atta, qalaxaye ỹactec da qapa'atta da lalemataic ca qaica ca ỹaỹaanapec.

Proverbios 17:12

Ỹataqta huo'o naq naigui da qanatena'aguet aca potai maye denotegueleguete caua llalqa, qaq saq 'ena'am ca qaica ca ỹaỹaanapec maye ỹo'ottac da no'oopashaxac.

Génesis 4:5

qalaxaye saishet da 'eetec de'era da ỹamaateguet so Caín, ivira'a aso lachetaqtaxanaqte. Ỹoqo'oye so Caín ỹataqta dalemata, nache qauem naqa'en da lashiguiỹaxac.

Daniel 1:7

qaq som lataxala' som do'onataxaategueua'a so nma' lta'araic, somaye naralaxa't naua le'enaqa'ate soomaye. So Daniel ỹanagui da Beltsasar, so Ananías qalaq ỹanagui da Sadrac, so Misael qalaq ỹanagui da Mesac, qaq so Azarías qalaq ỹanagui da Abednego.