Daniel 3:11 - La'aqtaqa Ñim Lo'onatac 'Enauacna 2013

¹¹ qaq ca saishet da ỹo'ot damaye, nache qaỹasaxaigui aca nqatelaxanaxaqui maye 'ettaigui.

Daniel 3:11 Referans Kwoze

Daniel 3:6

Qaq 'enauac qome ca saishet da ỹa'alyiñi naua l-llectel da ỹo'oxoren ñi'iñi ne'enaqtac, nache saqaỹaỹaloxon qome da qaỹasaxaigui aca nqatelaxanaxaqui maye 'ettaigui.

Daniel 3:10

'Am nta'a, 'auamaxasoxoolec co'ollaxa da 'enauac na netalec na 'alhua da ỹa'alyiñi naua l-llecte da ỹo'oxoren ñi ne'enaqtac oro da choche hua'axaỹa da l-lamaxa ana nviquepi,

Daniel 3:12

Qalaxaye 'am nta'a, huo'oi soua judío maye 'anema co'ollaxa da lo'onataxanaxa'c da ilo'ogue na 'alhuapi na Babilonia, maye saishet da huo'o naqa'en ca qonec 'am nta'a, qataq saishet da ỹo'oxoren nam atamnaxala'pi qataq ñi ne'enaqtac oro maye 'auamaxasoxoolec co'ollaxa da qanauaxaỹaxaasheguem. Qaq soomaye nachesoua so Sadrac, Mesac qataq so Abednego.

Daniel 6:7

'Enauac na nta'alpi maye ilotague' na 'alhua, huo'o so laỹonaxac, som huaigui da qanasachigui da 'am qaiỹaxanot da 'aỹa'an cam 'erec maye huetalec ca 'aramaxasoxonaxac, da ivittre'c caua treinta na'axa'te, da qaica ca ishet da iỹaxaatacot ca lỹa atamnaxala', huo'otaq ca shiỹaxaua, nache 'amta, 'am nta'a da 'am qaiỹaxaatacot. Qaq cam saỹalaq, nache iuen da qaỹasaxangui añi nshere maye laỹe' na llonpi.

Daniel 6:13

Qaq somayepi nache queto'ot da detaqtac, nache 'eeta': Qalaxaye ñi Daniel, ñim 'oonolec nam judiopi maye ncoñeteguishecpi, saishet da huo'o ca 'enec naqa'en 'am, qataq som qalapaxañi nqataxac maye qaỹa'axatec, cha'aye ñimaye sauanaqchigui da tres naxa da ỹo'ot da natamnaxac ye na'a'q.

Hechos 5:23

'eeta': –Qomi' semetenaqtac añi ncoñetaxanaxaqui da ỹataqta qaỹapochigui, qataq huo'oi daua huataxanaq lashe' maye nauaata'ape naua laso'omi. Qalaxaye so sauataxaigui, nache saishet da huo'o ca selaqa'a na pa'auo.