Daniel 2:49 - La'aqtaqa Ñim Lo'onatac 'Enauacna 2013

⁴⁹ Qataq souaxat da lquiquiaxac so Daniel, nache so nta'a ỹanema soua, Sadrac, Mesac, qataq so Abednego, da no'onataxanaxac maye huo'o da la'amaqchec yi'iye 'alhua Babilonia, qaq so Daniel qalaq nache ỹalectaigui so ltauapi so nta'a.

Daniel 2:49 Referans Kwoze

Daniel 1:7

qaq som lataxala' som do'onataxaategueua'a so nma' lta'araic, somaye naralaxa't naua le'enaqa'ate soomaye. So Daniel ỹanagui da Beltsasar, so Ananías qalaq ỹanagui da Sadrac, so Misael qalaq ỹanagui da Mesac, qaq so Azarías qalaq ỹanagui da Abednego.

Ester 2:19

Qaq soua na'axa'te co'ollaq so qa'ampi, qaỹauega so lỹa nỹec maye naigui so lma' lta'araic som 'alpi, nache so Mardoqueo nso'ootañi hueta'a so lasom so lma' lta'araic so nta'a.

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

Ester 2:21

Qaq so Mardoqueo co'ollaq ñaq nso'ootañi netaña so lasom so lma' lta'araic so nta'a, nache hua'aqchiguilo co'ollaq detaqtega't soua Bigtán qataq so Teres, som lataxala'ate som nauaatalec so nta'a maye hueta'a so ñegueuo so nma' lta'araic. Qaq soomaye ỹataqta dalematai' co'ollaxa, nache detaqtrapigui ca lataxac da yaqto' ỹalauat so nta'a Asuero.

Daniel 2:17

Qaq ime co'ollaxa nache taỹa so lma', nache da'aqtaxanema 'enauac de'era soua lỹa't, Ananías, Misael qataq so Azarías,

Daniel 1:17

Qaq Ñim Lo'onatac 'Enauacna ỹanema se'esoua cuatro nsoxoye da laỹaane'c, qataq da laỹaanataxanaxa'c da ỹaỹateetegueta 'enauac ana nerepi, qataq 'enauac na laỹepi naỹaanecpi. Qaq so Daniel qalaq nataqa'en ỹaỹaten da ỹa'axategue da naigui na nauanaqchecpi, qataq na nchoxonaxacpi.

Jeremías 39:3

qataq 'enauac som nataxala'pi maye ltauapi so nta'a ye Babilonia, pa'auo nache naña ñim lasom lta'araic maye ỹataqta ñegueuo. Qaq som pa'auopi, nacheso so Nergal Sarezer, qataq so Samgar Nebo, qataq so Sarsequín som 'amaqtaqaic nataxala' som lma' lta'araic so nta'a, qataq so lỹa Nergal Sarezer som nataqa'en 'amaqtaqaic som nta'alpi.

Proverbios 28:12

Da ivita da dauegaxan na no'on da lataxac, nache qaỹo'ot ca lta'araic na'ashaxac, qaq da dauegaxan na qauem da lataxac, qalaq nqañoxooñi na shiỹaxauapi.

Ester 3:2

Qaq 'enauac som do'onataxaatacot so nta'a maye hueta'a so nma' lta'araic, ỹa'alyiñi naxa naua l-llecte, qataq naqñi naxa da nateugueye, huo'otaq naxa da datateguet so Amán, cha'aye som nta'a nache lamaxasoxonaxac de'era, qalaxaye so Mardoqueo saishet co'ollaxa da ỹalaxaguet se'eso namaxasoxonaxac.

Daniel 6:2

Qaq ỹauo'oi soua tres da yaqto' ilo'ogue somayepi, da yaqto' nauaatalec da lo'onataxanaxac so nta'alpi, da yaqto' saishet da talec ca qauem so nta'a. Qaq so 'oonolec soomaye, nacheso so Daniel,

Daniel 3:1

So nta'a Nabucodonosor damaxasoxoolec da qaỹo'ot so ne'enaqtac nda'a't oro, qaq somaye ivi' treinta metros ye lshequitcheguemegue qataq tres metros ye lcachiguiñi, nache damaxasoxoolec da qoỹanaña so nalochiguiñi 'alhua ye Dura, maye huaigui ye 'alhua Babilonia.