Daniel 2:47 - La'aqtaqa Ñim Lo'onatac 'Enauacna 2013

⁴⁷ Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.

Daniel 2:47 Referans Kwoze

Daniel 2:28

Qalaxaye huo'o Ñim Lo'onatac 'Enauacna maye neto'ot na piguem, maye ishet da ỹachaxan cam saqcha'a, qaq Ñimaye nacheñi ñi 'am ỹaỹaanaxanaxanec cam ñaq taỹa'a da yo'oq. 'Am nta'a, aỹem 'am sa'aqtaxanen som 'archoxonaxac qataq so 'arauanaqchec co'ollaq 'auo'ocheta:

Daniel 2:22

Ñimaye ỹachaxan cam huo'o da lqalaic qataq cam saqcha'a, qataq ỹauatton cam huetaigui na napalaxa, cha'aye Ñimaye huetaigui na yo'oqchiguiñi.

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Daniel 11:36

Qaq que'eca nta'a maye lma' da sheu', ỹo'ot qome 'enauac cam maiche 'eetapeguec. Qaq huo'o qome da ño'oxonnaxac, nache 'eetega napacalec 'enauac nam atamnaxala'pi, qataq qauema qome naua la'aqtaqa da isheueetac Ñim 'eesa da Lo'onatac 'Enauacna, nache 'enauac qome da saq na'aigue nam ỹo'otpi, choche ivitta'a da Ñim Lo'onatac 'Enauacna namaxa ca nhuaxanaguec camaye, cha'aye cam huotaique da ỹo'ot Ñim Lo'onatac 'Enauacna, qalaq ipacchigui qome da ỹo'ot.

Deuteronómio 10:17

Cha'aye Ñim Nataxala' maye Qanatamnaxala'ai, Ñimaye nataỹaña 'enauac na ỹotta'a't atamnaxala'pi, qataq Ñimaye Lataxala' na nataxala'pi. Ñim Lo'onatac 'Enauacna, Ñimaye 'amaqtaqaic, 'añaxaic qataq ncolanaxat, Ñimaye saishet da lca'atagui na shiỹaxauapi qataq saishet da ipactaique da qaisheeten da huo'o ca ỹo'ot.

Apocalipsis 19:16

Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»

Apocalipsis 17:14

Ime, nache se'eso shiguiỹac leguemaxaic qataq soua diez nta'al deloguito So Qagueta Llalec. Qalaxaye So Qagueta Llalec qataq som ca'attague'pi nauec soomaye. So Qagueta Llalec dauegaxan, cha'aye nacheso so ỹactec da 'amaqtaqaic, saq 'ena'am na laỹepi nataxala'pi qataq nacheso so ỹactec da la'añaxac napacalec na laỹepi nta'alpi. Somaye hueta'aguet nam ca'attague'pi. Ñim Lo'onatac 'Enauacna iỹaxana namayepi qataq lca'aguishecpi, cha'aye nache 'eetai' naxa da ỹalaq.»

1 Timoteo 6:15

qaq ca laloqo' de'era, nache maiche pa'aỹo'ot Ñim Lo'onatac 'Enauacna maye ỹo'oxoraic. Cha'aye Ñimaye nachaqñita 'oonolec da ilotague' 'enauacna; Ñimaye maye lta'a na nta'alpi, qataq lataxala' na nataxala'pi.

Daniel 2:37

'Am nta'a, 'am ỹataqta 'am 'amaqtaqaic, 'anapacalec 'enauac na laỹepi nta'alpi, cha'aye Ñim Lo'onatac 'Enauacna maye neto'ot na piguem, 'am ỹanem co'ollaxa da 'aro'onataxanaxac, qonec, 'ara'añaxac qataq da 'ayo'oxoyec

Salmos 136:2

Qaỹa'añiỹot da qana'achecỹaxaqui Ñim Atamnaxala', Ñim Lataxala' 'enauac na atamnaxala'pi, cha'aye da lauotaxanaqtaic chochaq tatec.

Salmos 82:1

Ñim Lo'onatac 'Enauacna nachaañi da ilo'ogue da laponaxac na laỹepi atamnaxala'pi, nache huetangui namayepi da lapaxañi da lataxac da huo'o ca nmit.

Salmos 72:11

Qataq 'enauac na nta'alpi ỹa'aroto naua l-llecte camaye, qataq 'enauac na ỹotta'a't shiỹaxauapi do'onataxanot qome.

Génesis 41:39

Nache so faraón 'enapego' so José, 'eeta': «Ỹataqta qaica ca ỹactec da ỹaanataxanaxaic qataq ỹaanaxanaxaic da 'eeta'am 'am, cha'aye Ñim Lo'onatac 'Enauacna 'am ỹaỹaanaxanaxanec 'enauac de'era.

Daniel 4:32

cha'aye 'am qanqateeguesop qome na shiỹaxauapi, nache 'aualectaigui na shiguiỹacpi, qataq qollectac qome ana huoue qoneta'am ca nauegaxanaxala'pi huacapi, ivittrec caua siete vi'iye, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.»

Daniel 4:17

Qaq 'era da lapaxañi la'aqtac som qui'itta namaxashecpi maye nauanaxanaxanecpi, yaqto' 'enauac na shiỹaxauapi ỹaỹaten da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue 'enauac da lo'onataxanaxac na shiỹaxauapi, Ñimaye ỹanem da no'onataxanaxac cam taalec da ỹanem, qataq ỹo'ot da lataxala' na ỹotta'a't shiỹaxauapi cam qaica ca la'amaqchec da ỹalectaigui na shiỹaxauapi.

Daniel 2:19

Qaq nacheso se'eso pe da so Daniel, qaỹachaxana som saqcha'a, huaigui so lauanaqchec, qaq huaña nache so Daniel ỹo'oxoren Ñim Lo'onatac 'Enauacna maye neto'ot na piguem

Da na'aqtaguec so Job 12:19

Ñimaye deuotaxanec da lo'onataxanaxac na ntaxaỹaxanaxanecpi, qataq nqateeguesop da la'añaxac na 'añaxaicpi.

Josué 22:22

«Ñim Nataxala' maye Lo'onatac 'Enauacna maye nataỹaña 'enauac na atamnaxala'pi, Ñimaye ỹaỹaten da saishet da so'otaq de'era da yaqto' sataỹaqa'aguet huo'otaq da qolaqa'ai Ñimaye. Qaq Ñimaye ỹaỹaten de'era, qataq 'enauac da qami' ỹaỹaanaxanaxaneque, qaq da huo'otaq saq 'en de'era, ¡nache qomi' ỹalaua't nagui!

Daniel 4:25

Qaq 'am nta'a, 'am qanqateeguesop qome na shiỹaxauapi, nache 'aualectaigui qome na shiguiỹacpi, nache qollectac qome ana huoue qoneta'am ca nauegaxanaxala'pi huaca, nache na 'aỹa ỹapapiaxat na 'aro'oc. Qaq 'era da qome da 'eetec da 'anachaalataxac que'ecaua siete vi'iye 'am nta'a, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.

1 Corintios 14:25

Qaq 'enauac na saqcha'a lhuennataxacpi maye huetaigui añi lquiyaqte ishet da ya'aqalec. Ime, qaq ishet da ỹa'aroto naua l-llectel Ñim Lo'onatac 'Enauacna da ỹo'oxoren, qataq ỹa'axattac da 'eesa da Ñim Lo'onatac 'Enauacna ỹataqta qami' hueta'agueta.

Salmos 136:3

Qaỹa'añiỹot da qana'achecỹaxaqui Ñim Lataxala' na nataxala'pi, cha'aye da lauotaxanaqtaic chochaq tatec.

Ezequiel 26:7

Aỹem Nataxala', shenapec: «chegoqtegue ñaqa'en qome da sheu' ñi Nabucodonosor ñim nta'a ye Babilonia ñim nta'a maye ỹataqta 'añaxaic, yaqto' iloquiaxan ye Tiro. Ñimaye anac qome ỹauota'a lalo caipi qataq aca nnaigonapi qataq ca nalleppi maye netalec na caipi qataq ca ỹataqta qalota nalleppi.

Daniel 2:29

'Am nta'a, co'ollaq qouetalec so 'armala', nache 'auennataxaateguelec cam ñaq taỹa'a da yo'oq, qaq Ñim ỹachaxan cam saqcha'a, 'am ỹachaxana damaye.

Daniel 2:30

Qaq nataqa'en aỹem ỹaỹaanaxanaxanec de'era saqcha'a, qalaxaye saishet da souaxat da aỹem ỹaanaxanaxaic da ñapacalec 'enauac na laỹepi shiỹaxauapi, maye nacherata da yaqto' aỹem 'am sa'aqtaxanem 'am nta'a dam naigui so 'archoxonaxac, da yaqto' 'am nta'a ishet da 'auaỹaten som 'arhuennataxac maye 'am nvita co'ollaxa.

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

Daniel 3:28

Qaq huaña nache so Nabucodonosor na'axannec da nqaqaañi, 'eeta': «¡Qaỹo'oxoren qome Ñim Natamnaxala' da Sadrac, Mesac qataq da Abednego, cha'aye namaq so lamaxashec piguem le'ec da yaqto' nca'alaxatrec daua lamaxa'she maye ỹataqta laxaraiqa, cha'aye daamaye saishet da ỹalaxareguet da lamaxasoxonaxac na nta'a, nacherata da lca'aua'alo da ileu', qaq saishet da ỹa'aroto naua l-llectel ca lỹa atamnaxala', da saishet da nacheñi Ñim Natamnaxala'!

Daniel 3:29

Qaq nagui aỹem san da ỹa'aqtac da camachaqca shiỹaxaua da qauem ca la'aqtac, da ỹasaxalec Ñim Natamnaxala' de'eraua nsoxorolqa, nache camaye qaichecapigui qome, qataq qailaxachigui ca lma' nache lapoosheguem qanqa'en qome na coma', qaq saishet da qoỹectega cam chegoxoguet lauo' le'ecpi, huo'otaq cam na'alhua, huo'otaq da ỹaqa'alo naua la'aqtaqa, cha'aye qaica ca lỹa atamnaxala' da ishet da 'eetec de'era da deca'alaqtaxan.»

Daniel 5:11

cha'aye de'era 'aro'onataxanaxac, huo'o ñim ỹale maye hueta'aguet so saqcha'a la'añaxac nam atamnaxala'pi maye qui'itta. Cha'aye som 'arta'a co'ollaq nta'a, nache ñi'iñi ỹale ỹachaxan co'ollaxa da hueto'ot da ỹataqtegue da ntoonaxac, qataq naỹaanataxanaxac, qataq ỹaanaxanaxaic 'eeta'am na atamnaxala'pi. Qaq ỹoqo'oye so nta'a Nabucodonosor maye 'arta'a, ỹanem co'ollaxa ñi'iñi ỹale da lataxala' 'enauac na 'oiquiaxaipi, na ilaviigui ca lỹa, na ỹaanaxanaxaicpi, qataq nam napaxagueetega ana huaqaañipi maye hueta'a ne'ena 'alhua,

2 Reyes 5:15

Huaña, nache so Namán qataq 'enauac so nnaictague'pi, ỹe'eguelaxa co'ollaxa so netaña so Eliseo maye la'aqtaxanaxanec Ñim Lo'onatac 'Enauacna. Nache co'ollaq ivireua'a somaye, nache so Namán, 'enapeco': ¡Nagui, saỹateeta da 'enauac ana 'alhua, qaica ca lỹa maye Lo'onatac 'Enauacna, nachaqñita Ñim Natamnaxala' na Israel le'ecpi! Qaq ỹoqo'oye nagui 'am ñachoxonnot da 'auaconeguet na lachetaqtaxanaxat, ne'ena 'aramaxashec.

Salmos 96:4

Cha'aye Ñim Nataxala' ỹataqta lta'araic qataq 'itchiguiñi da ishet da qaỹo'oxoren. Ñimaye ỹataqta huo'o da lchec napacalec 'enauac na laỹepi atamnaxala'pi.