Daniel 2:46 - La'aqtaqa Ñim Lo'onatac 'Enauacna 2013

⁴⁶ Qaq huaña nache so nta'a Nabucodonosor, ỹa'aroto naua l-llectel so Daniel, qataq nqollemñi nache iviraxata'aguet na latap na 'alhua, ime nache damaxasoxoolec da qoỹaneuo aca nachetaqtaxanaqte qataq ca nchenaxanaxat maye ama na laita.

Daniel 2:46 Referans Kwoze

Hechos 14:13

Qaq ỹoqo'oye so ilotague' aca ño'oxonnataxanaxaqui da qaỹo'oxoren cam 'añaxaic le'enaxat Zeus, maye naña cam ñegueuo se'eso nỹecpi, somaye nauectrauo soua huaca lhuaraiqa qataq ndouo ana lauoxo ana nañiguishe. Nache somaye qataq 'enauac na shiỹaxauapi huotaique da natamnoto so Pablo qataq so Bernabé, nache ỹalaua't soua huaca lhuaraiqa da ỹavigaxa't da ỹauo'o lachetaqtaxanaqte.

Hechos 10:25

Qaq so Pedro co'ollaq ivireua'a ca nỹec, nache so Cornelio ca'ata'aguet somaye, nache ỹa'aroto naua l-llectel cha'aye huo'o naq 'enec naqa'en.

Esdras 6:10

Cha'aye sauotaique da camayepi qom ỹavigaxat ca lachetaqtaxanaxat nache ỹataqta ỹaỹamaxareeta Ñim Lo'onatac 'Enauacna maye neto'ot na piguem, qataq da nqouagaxaueelec da ñachaalataxac qataq na ỹalaqpi.

Apocalipsis 22:8

Qaq aỹem Juan sa'aqchigui qataq sauaachigui 'enauac ne'enapi. Qaq can ime da sa'aqchigui qataq sauaachigui, nache aỹem sa'aroto naua illecte so namaxashec piguem le'ec maye aỹem ỹachaxaatega 'enauac ne'ena da sauotaique da ñatamnot.

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Levítico 26:31

Qataq nlachiguiñi ñaqa'en ca qaralamaxache huaqta'a't nỹecpi, qataq dolachigui ñaqa'en ca qanatamnaqa'aipi, qataq sevira'a da saishet da sesheteguet da laitaỹaxac aca qarachetaqtaxanaqche maye samaateguet co'ollaxa.

Apocalipsis 11:16

Nache soua veinticuatro nqueroxonqa maye nso'ootrañi datato'ot Ñim Lo'onatac 'Enauacna, ỹa'alyiñi naua l-llectel qataq iviraxatra'agueta naqa'e'n na latap na 'alhua. Nache ỹo'oxoreetrac Ñim Lo'onatac 'Enauacna,

Hechos 28:6

Nache 'enauac somayepi iuatta'a da huo'otaq somaye nalauat na lhuaq, huo'otaq da nque'elaxatta da huañi da ileu. Qalaxaye co'ollaq mashe qaỹoqtegue da qaiuatta'a, nache co'ollaq qaila'a da qaica camachaqca, nache somayepi naralaxat da lhuennataxa. Nache qoỹeetega somaye da nachena na chegaqasheguem 'añaxaic maye ishet da qanatamnot.

Lucas 17:16

Nache ỹa'aroto naua l-llectel So Jesús, ỹataqta iviraxata'aguet naqa'en na latap na 'alhua, nache ỹaatacot da na'achec Somaye. Qaq se'eso ỹale, somaye lma' ye Samaria.

Daniel 3:5

Qom choche qaua'aqaỹa da qaỹashiiyigui aca nasheere, flauta, cítara, lira, salterio, gaita qataq 'enauac aca ỹotta'a't nviquepi, nache qaua'ayiiyiñi qome naua qarllectelli' da qanatamñiỹot ñi ne'enaqtac oro maye damaxasoxoolec co'ollaxa ñi nta'a Nabucodonosor da qaỹo'ot.

Daniel 3:7

Qaq ỹoqo'oye se'eso qalota shiỹaxauapi, co'ollaq choche hua'axaỹa da l-lamaxa 'enauac aso nviquepi, nache ỹa'alyiñi naua l-llecte da ỹo'oxoren se'eso ne'enaqtac oro.

Daniel 8:17

Qaq huaña, nache somaye aỹem nquigueua'a. Qaq aỹem ỹataqta she'e, nache sa'alyiñi naua illecte, seviraxata'aguet na ỹatap na 'alhua, qalaxaye somaye aỹem 'enapega, 'eeta': «'Am shiỹaxaua llalec, iuen da 'auaỹateeta de'era 'arauanaqchec da ỹa'axatta'alo caua pa'atrec na'axa'te.»