Daniel 2:40 - La'aqtaqa Ñim Lo'onatac 'Enauacna 2013

⁴⁰ Qataq anac qome ca lỹa nta'a, maye ỹataqta 'añaxaic 'eeta'am na lcat, nache camaye 'eeta'am qome na lcat da huo'o na ilaxachigui, qaq 'era da 'eetec que'eca nta'a da ilaxachigui qome 'enauac ca laỹepi nta'alpi.

Daniel 2:40 Referans Kwoze

Daniel 7:7

Qaq som pa'atec shiguiỹac maye sela'a co'ollaq huaigui so ỹauanaqchec, somaye ỹataqta chaqaic, qataq ỹo'ot da ñi'iỹaxa, qataq qaica ca 'ena'am da la'añaxac. Somaye huo'oi soua ỹataqta late'el lhue lcat, nache chec 'enauac nam huo'o, qataq icolaxattac, qataq petapigui nam lli'iỹoxot. Qaq se'eso shiguiỹac ỹataqta huaỹoqtec da lataxac, saishet da 'ena'ama soua lỹa't maye sela'alo co'ollaq sechoxootac, cha'aye na lqaic somaye diez aso lcouepi.

Juan 11:48

Cha'aye qomi' da sa'axasoqta'a Somaye, nache 'enauac na shiỹaxauapi ỹa'amaqten da nacheso So Lca'aguishec Ñim Lo'onatac 'Enauacna. Nache anac na romanopi, nache ilaxachigui añi qaro'onaxanaxaqui late'erai qataq nam qarhuo' le'ecpi.

Amós 1:3

Da la'aqtac Ñim Nataxala', 'eeta': na Damasco le'ecpi ỹataqta ỹapacauec na lasouaxashetpi, qaq saishet qome da saxaañi da sauo'o na nhuaxanaguecpi, cha'aye namayepi ỹataqta ilaxachigui co'ollaxa na lma' ye Galaad, ỹauota'a ana namoxoỹaqtaxanaqte lcat.

Daniel 9:26

Qaq qom inoxoorec caua sesenta y dos semanas, nache qanqat da nachaalataxac cam nataxala' maye nca'aguishec. Nache ye Jerusalén qataq añi atamnaxaqui ilaxachiguilo qome cam shiỹaxauapi maye nalleppi cam nta'a maye anac qome. Qaq ỹataqta nque'elaxatta qome que'eca loga't, 'eeta'am da lviraxac ca ndep. Qataq huo'o qome ca nlaqtaxanaxac qaq camaye vi'iiguet qom ime ca alaataxac.

Daniel 8:24

Qaq camaye ivira'a qome da ỹataqta 'añaxaic, qalaxaye saishet da nachera da maiche la'añaxac, camaye ỹataqta ilaxachigui qome 'enauacna, qataq da huo'o ye ỹo'ot qalaq dauegaxaatai'. Ilaxachigui qome 'enauac nam shiỹaxauapi maye 'añaxaicpi qataq cam qalota na nhuo' le'ecpi maye lalamaxat Ñim Lo'onatac 'Enauacna.

Daniel 2:33

qaq naua lchel qalaq lcat, qaq naua lapia'ate qalaq huo'o na huaña na lcat qataq nqatelliguishec 'alhua.

Jeremías 15:12

«¿Negue't ca ishet da ỹacagaxat so lcat maye chegaqa'ague da sheu' qataq som lcat bronce?

Da na'aqtaguec so Job 9:17

Nache Ñimaye yo'oqta da aỹem iuaxanec ca la'at lta'araic, nache nquigaxatec na ique'emaxapi, na'aictaxa da qaica ca la'amaqchec ca sasouaxat,

Daniel 2:39

Qaq 'am nta'a, qom ime de'era 'aro'onataxanaxac, nache huo'o qome ca lỹa nta'a maye nquicchiguiñi da la'amaqchec, qaq qom ime camaye nache huo'o ca lỹa nta'a maye nachera da naigui so lcat bronce, nache camaye ilo'ogue qome 'enauac ana 'alhua.

Daniel 2:41

'Am nta'a, nataqa'en 'aula'a co'ollaxa da huo'o na huaña naua lapia'ate qataq naua lqona da nqatelliguishec 'alhua qataq huo'o na huaña na lcat, qaq de'era naigui ca no'onataxanaxac maye colaxagui qome, qaq na'aictaxa da ỹalectauo ca la'añaxac ca lcat, qalaxaye 'am nta'a 'aulota'a co'ollaxa da nataqa'en ỹaleeguet na nqatelliguishec 'alhua.