Daniel 2:4 - La'aqtaqa Ñim Lo'onatac 'Enauacna 2013

⁴ Nache so ỹaanaxanaxaicpi ỹauota'aisalo naua la'aqtaqa na arameo da 'enapega so nta'a, 'eeta': ¡Nache 'eetai' qome da 'anca'altauec 'am nta'a! 'Am nta'a ñaq 'aua'aqtaxanem ne'ena 'aramaxashecpi cam 'archoxonaxac, nache qomi' 'am sa'aqtaxanaxam qome ca naigui.

Daniel 2:4 Referans Kwoze

Daniel 5:10

qalaxaye asom nate'e, co'ollaq hua'aqtegueua'a da la'alaxac so nta'a qataq som ltauapi, nache pa'aigui so nỹec maye huaña so nquia'axac nache 'enapeco': ¡'Am nta'a, nache 'eetai' qome da 'anca'altauec! Qaq saishet qome da ỹapacauec da 'arhuogoxo, qataq saishet qome da 'anapagaqtec,

Daniel 3:9

nache soomaye 'eeta': ¡'Am nta'a, nache 'eetai' qome da 'anca'altauec, qataq da 'are'enaxat nache 'eetai' qome da qaiuennatega!

Esdras 4:7

Nataqa'en co'ollaq huaigui da lo'onataxanaxac so Artajerjes, maye nta'a ye Persia, nache so Bislán, Mitrídates, Tabel qataq so laỹepi ltauapi, ỹamaxa aso lere so nta'a Artajerjes, qaq asa'aso nere nanettaleguete naua na'aqtaqa arameo, ime, nache taiguilo qanqoỹen naua la'aqtaqa so lma' ye Persia da qaỹa'axategue 'enauac na huetalec asomaye.

Isaías 36:11

Nache so Eliaquín, Sebna qataq so Joah, ỹasatreguet so 'amaqtaqaic lataxala' na alleppi Asiria le'ecpi, 'eetra': –Ña qomi' 'anqouagueque da 'auota'aisalo naua na'aqtaqa arameo da qomi' 'autaxaỹoto, cha'aye qomi' saỹatena'q naamaye. Qaq saishet da 'auota'aisalo naua hebreo la'aqtaqa, cha'aye 'enauac nam shiỹaxauapi maye netalec na npaqtaxanaxat na'axaỹaxaatac.

Daniel 6:21

Nache so Daniel ỹasat, 'eeta': ¡Nache 'eetai' qome da 'anca'altauec, 'am nta'a!

Daniel 6:6

Qaq huaña nache soua ilotegueto so nta'alpi, qataq som nta'alpi, naỹamaxara't co'ollaxa da yaqto' nqo'oneua'a da detaxaỹapegue' so nta'a Darío, qaq somayepi co'ollaq mashe datata'aguet somaye, nache 'enapega, 'eeta': ¡'Am nta'a nache 'eetai' qome da 'anca'altauec!

1 Reyes 1:31

Qaq huaña nache aso Betsabé, ỹa'alyiñi naua l-llecte nache ivira'aguet naqa'en na latap na 'alhua, nache na'axannec so la'aqtac, 'eeta': «¡'Am nta'a David maye 'am ỹataxala', nache 'eetai' qome da 'anca'altauec!»

Mateo 21:9

Nache 'enauac nam shiỹaxauapi maye hua'auta qataq nam nca'ataxaatauo ỹataqta ỹa'alaqtagui, 'eeta': «¡Qomi' 'anca'alaxatre'c, 'am maye 'am Lca'aguishec Ñim Lo'onatac 'Enauacna! ¡Ỹataqta no'on da 'icỹaxac 'am maye 'auanactaigui da le'enaxat Ñim Lo'onatac 'Enauacna! Qomi' 'anqouagueque, ¡qomi' 'anca'alaxatre'c, 'am maye 'Aro'onatac 'Enauacna qataq 'am 'amaqtaqaic!»

Daniel 5:8

Nache 'enauac so ỹaanaxanaxaicpi maye do'onataxaatacot so nta'a pa'aigui so nỹec, qalaxaye somayepi qaica ca ishet da ỹaỹaten da itaxaỹaxan som nanettañi, qataq da ỹa'axatem so nta'a cam naigui somaye.

Daniel 4:19

Qaq huaña nache so Daniel maye nataqa'en le'enaxat Beltsasar, cara'acolec da na'axaỹaxanañi, qataq icolanaqchet na lhuennataxacpi maye taigui na lqaic. Qalaxaye aỹem nta'a shenapega somaye, sheeta': «'Am Beltsasar saishet qome da ỹapacauec da 'arhuogoxo, souaxat so ichoxonaxac, qataq da 'aua'axat ca naigui somaye. Nache so Beltsasar ỹasat, nache 'eeta': ‹¡Aicoue, ñaq talec qome 'enauac na 'ampa'aguenaxauapi ca naigui som 'archoxonaxac 'am nta'a!›

Daniel 4:7

Nache anac co'ollaxa 'enauac so 'oiquiaxaipi, qataq so ilaviigui ca lỹa, qataq so ỹaanaxanaxaicpi, qataq som napaxagueetegapi ana huaqaañipi na Babilonia, nache aỹem sa'axatem so ichoxonaxac, qalaxaye somayepi saishet da ỹañoxot da aỹem da'aqtaxanem cam naigui somaye.

Isaías 44:25

Aỹem saishet da ipacchigui ñaqa'en nam ỹa'axatta'api na na'aqtaxanaxanecpi maye saq'en, qataq na ilaviigui ca lỹa so'otec da santouen. Qataq na ỹaanaxanaxaicpi so'otec da nquictañi na laỹaanecpi.

Nehemías 2:3

Nache sasateguet se'eso nta'a, sheeta': ¡Ỹataqta nache 'eetai' qome da 'anca'altauec 'am nta'a! Ta'ainco' ctaxa da qaica ca ỹaquicoxo ye ỹataqta nlachiguiñi ye sachegoqchiguiña huaqta'a't nỹecpi maye nlattraña yeua ita'al, qataq so lasompi ỹataqta ỹavicta naqa'en so norec.

1 Reyes 1:25

Cha'aye quiye, somaye ỹalauat so toropi, huaca llalaqpi qataq aso qalota qaguetapi, nache ỹo'ottac so lquia'axac, qataq icoyeguen so 'aỹa'alaqpi qataq so lataxala'pi na alleppi, qataq so ntaxaỹaxanaxanec Abiatar. Qaq nache lquia'axauapi nagui, qataq nỹomtague' yemayepi, nache ỹa'alaqtai', 'eeta': ‹¡Nache 'eetai' qome da nta'a da Adonías!›

1 Samuel 10:24

Nache so Samuel inato' 'enauac somayepi, 'eeta': ¿Mashe qauloita'a da lca'aguishec Ñim Nataxala' da yaqto' nta'a? ¡Qaq ỹataqta qaica ca 'oonolec so Israel le'ecpi da 'eeta'am somaye! Nache so Israel le'ecpi 'enapeco': ¡Nachera qome da qarta'a!

Génesis 41:8

Qalaxaye so nte'etom so lỹa na'a'q nache so faraón ỹataqta lta'araic da lhuogoxo, nache damaxasoxoneuga da qanauegueuo 'enauac som ilaviigui na lỹa, qataq so ỹaanaxanaxaicpi maye lma' ye Egipto. Qaq huaña nache so faraón da'aqtaxanem somayepi soua lchoxonaxaco, qalaxaye somayepi qaica ca ishet da ỹa'axat ca naigui.

Génesis 31:47

Nache so Labán ỹauota'ai naua maiche la'aqtaqa da ỹauo'o da le'enaxat se'eso nma' «Yegar Sadutá», qaq so Jacob qalaq ỹanagui da le'enaxat «Galaad.»

2 Reyes 18:26

Nache so Eliaquín, Sebna, qataq so Yoaj ỹasategueta co'ollaxa so 'amaqtaqai nataxala' maye Asiria le'ec, 'eeta': Ña qomi' 'anqouagueeque da 'auauota'a na arameo la'aqtac da qomi' 'autaxaỹapegueto, cha'aye saỹatenaqtegueta naamaye. Qaq saishet da 'auauota'a na hebreo la'aqtac da 'autaqa, cha'aye 'enauac ne'ena shiỹaxauapi maye netasheguema na npaqtaxanaxat hua'aqtac.

Daniel 1:4

Qaq camayepi, iuen da nsoxoppiolec maye ỹataqta nalochiyiñi da lataxa'c, qataq qaica ca lque'emaxa na lo'oc, qataq ỹataqta nalaua'a da nauattonaxanaxac, qataq da naỹaanataxanaxac, qataq ỹaanataxanaxaicpi, qataq sanqalat da huo'o ca qaỹapaxaguenec, qataq nalaua'a da do'onataxaneua'a ñi lma' lta'araic ñi nta'a. Qaq camayepi qaỹapaxaguenec qome da neraxanaxac, qataq na la'aqtacpi na caldeopi.

Daniel 2:7

Nache som ỹaanaxanaxaicpi, qaltaq ỹe'eguelaxalec da ỹasat, 'eeta': 'Am nta'a, ñaq qomi' 'aua'aqtaxanema negue't co'ollaxa cam 'auchoxootega, nache qomi' 'am sa'aqtaxanaxam cam naigui camaye.

Daniel 4:9

'Am Beltsasar maye 'am lataxala' nam ilaviigui ca lỹa, aỹem saỹaten da so saqcha'a la'añaxac nam atamnaxala'pi maye qui'itta, 'am hueta'aguet, nache qaica ca ỹapogoñi 'anqa'en. Qaq 'ana'axaỹaxaachiguiñi, aỹem 'am sa'aqtaxanem som selota'a co'ollaxa maye huaigui so ỹo'ochaxa, nache aỹem 'aua'aqtaxanem qome ca naigui somaye.

Daniel 6:7

'Enauac na nta'alpi maye ilotague' na 'alhua, huo'o so laỹonaxac, som huaigui da qanasachigui da 'am qaiỹaxanot da 'aỹa'an cam 'erec maye huetalec ca 'aramaxasoxonaxac, da ivittre'c caua treinta na'axa'te, da qaica ca ishet da iỹaxaatacot ca lỹa atamnaxala', huo'otaq ca shiỹaxaua, nache 'amta, 'am nta'a da 'am qaiỹaxaatacot. Qaq cam saỹalaq, nache iuen da qaỹasaxangui añi nshere maye laỹe' na llonpi.