Daniel 2:39 - La'aqtaqa Ñim Lo'onatac 'Enauacna 2013

³⁹ Qaq 'am nta'a, qom ime de'era 'aro'onataxanaxac, nache huo'o qome ca lỹa nta'a maye nquicchiguiñi da la'amaqchec, qaq qom ime camaye nache huo'o ca lỹa nta'a maye nachera da naigui so lcat bronce, nache camaye ilo'ogue qome 'enauac ana 'alhua.

Daniel 2:39 Referans Kwoze

Daniel 2:32

Na lqaic se'eso ne'enaqtac qalaq imauec da oro, qaq ana ltogue qataq naua lhua'q qalaq lcat plata, qaq ana da'am qataq naua lteltaye qalaq 'enauac da lcat bronce,

Isaías 44:28

Aỹem shenapega ñi Ciro, sheeta': Nache 'am maye 'aulo'ogue qome ana ilopi qaguetapi, qataq 'am 'auo'ot qome nam sheetapeguecpi. Qataq shenapega ye Jerusalén, sheeta': 'Am, qaltaq 'am qano'oxoosheguem qome, qaq añim atamnaxaqui qalaq, sheeta': 'Am qalapaxañi qome ca 'aro'oxonaxala'.»

Daniel 10:20

Nache somaye aỹem 'enapega, 'eeta': ¿'Auaỹaten peta'a da ta'ainco' da 'am ñanaỹa? Cha'aye nagui she'eguelaxa da qaltaq selogui' ñim namaxashec maye ilotague' da no'onataxanaxac ye Persia. Qaq qom ime da selogui' ñimaye, nache anac qome ñi namaxashec maye ilotague' da no'onataxanaxac ye Grecia.

Daniel 8:20

So qagueta lhuaraic maye dos soua lcoue, somaye naigui nam nta'alpi ye Media qataq ye Persia.

Zacarías 6:6

Qaq aso naigona maye lauegaxala'ate soua caaỹo lairaxaiqa, taỹa ye 'alhua maye pa'aigue da sheu', qaq aso lauegaxala'ate soua caaỹo lapagaxaiqa, qalaq taỹa ye 'alhua maye pa'aigue da avit, qaq aso lauegaxala'ate soua caaỹo maye ỹapagaqalec da lo'oxoỹaxa'c, qalaq taỹa ye 'alhua maye pa'aigue da tagueñi.»

Zacarías 6:3

qaq aso lỹa qalaq lauegaxala'ate soua caỹol lapagaxaiqa, qaq aso pa'atec qalaq lauegaxala'ate soua caỹol ỹapagaqalec da lo'oxoỹaxa'c.

Daniel 7:23

Nache somaye, 'eeta': Som pa'atec se'esoua cuatro shiguiỹac lta'al, somaye naigui cam pa'atec que'ecaua cuatro nta'al maye huo'oi qome ana'ana 'alhua, qaq camaye saishet qome da 'eeta'am ca laỹepi. Qaq camaye chec qome 'enauac na huetalec ana 'alhua, petapigui qataq nlaxaañi.

Daniel 2:38

qataq da 'aulo'ogue 'enauac na 'alhuapi maye hueta'a na shiỹaxauapi, shiguiỹacpi qataq na maỹopi, Ñimaye 'am ỹanem 'am nta'a, da 'aulo'ogue 'enauac namayepi, maye nache 'am nqaic, maye nda'a't oro.

Daniel 2:40

Qataq anac qome ca lỹa nta'a, maye ỹataqta 'añaxaic 'eeta'am na lcat, nache camaye 'eeta'am qome na lcat da huo'o na ilaxachigui, qaq 'era da 'eetec que'eca nta'a da ilaxachigui qome 'enauac ca laỹepi nta'alpi.

Daniel 8:21

Qaq so quetaq lhuaraic, qalaq naigui ñi nta'a ye Grecia, qaq aso late'erai lcoue somaye, maye ñichiguinguilo soua la'ai'te, qalaq nacheca qome ca la'auaxanec nta'a.