Daniel 2:34 - La'aqtaqa Ñim Lo'onatac 'Enauacna 2013

³⁴ Qaq 'am nta'a, co'ollaq ña 'aulota'a, nache huo'o so coma' depoxoỹauec chegoqotcheguema aso qasoxonaxa, qaq na'aictaxa da qaica ca ỹamaxauec somaye, qalaq naañi nache tachiguilo naua lapia'ate se'eso ne'enaqtac, nache ilaxachigui.

Daniel 2:34 Referans Kwoze

Daniel 8:25

Qaq souaxat da sanqalat, nache da latenataxanaxac dauegaxaatai'. Qataq nlaxagui qome da ño'oxonnaxac, nache ique'elaxat qome da ỹalauat ca qalota shiỹaxauapi maye pe'etega camaye. Qataq dataỹa'aguet qome ca lta'a na nta'alpi, qalaxaye camaye qailaxachigui qome.

Zacarías 12:3

Qaq que'eca na'a'q, na Jerusalén 'eeta'am ñaqa'en ca qapa'atta coma' da talec 'enauac na ỹotta'a't shiỹaxauapi. Nache ique'emaqchet qome cam huotaique da nauaxaỹaxaasheguem. Qaq 'enauac na ỹotta'a't shiỹaxauapi, huaxaỹa't qome da dataỹa'aguet na Jerusalén,

Isaías 60:12

Qaq cam shiỹaxauapi maye saishet da 'am do'onataxanot qalaq qaỹapalaxat qome, qataq ca ỹotta'a't shiỹaxauapi imauec qome da qailaxachigui.

2 Corintios 5:1

Qaq ỹoqo'oye qomi' saỹaanaq da huo'otaq nlaguiñi de'era qaro'ocỹaxac, maye 'eeta'am ca nỹec maye saq 'eetai', qalaxaye Ñim Lo'onatac 'Enauacna sogote da iqataxaatai' ca qarma' da piguem maye qaica ca loga't. Camaye saishet da choche shiỹaxaua ca lo'onatac.

Zacarías 4:6

Nache somaye qaltaq 'enapec: «'Era da la'aqtac Ñim Nataxala' maye taỹa'a ñi Zorobabel, ‹Ñimaye saiuen qome ca qalota alleppi, qataq ca yo'oqchigui na'añaxac, maye nachesota so Saqcha'a Ỹa'añaxac.› 'era da la'aqtac Ñim Nataxala' maye Qaica ca Ỹaqalanapec.

Daniel 7:27

Qaq da lo'onataxanaxac, la'añaxac qataq da llo'oxoyec 'enauac nam nta'alpi maye netalec ana 'alhua, qoỹanem qome nam nhuo' le'ecpi maye lalamaxat Ñim Nataxala' maye Nataỹaña 'Enauacna. Qaq dam lo'onataxanaxac qalaq chochaq tatec qome, nache 'enauac qome na nhuo' le'ecpi ana 'alhua do'onataxanot qataq ỹalaxaguet.

Isaías 28:16

Qaq ỹoqo'oye Ñim Nataxala' 'enapec: «Aỹem sanaña qome ye Sión ca coma', ca coma' maye lleca'aguishec qataq ỹataqta lta'araic da lasheechiỹaxac, qaq camaye nacheca qome cam ỹactec da 'enec, qataq nacheca cam lo'oxonaxala' ca nỹec. Qaq cam pi'iỹa'a qome camaye qalaq ỹataqta ỹe'emaqtac.

1 Pedro 2:7

Qami' qaua'amaqchiñi Ñim Lo'onatac 'Enauacna, ỹoqo'oye ỹataqta huo'o naq naigui qanqa'eñi se'eso coma' maye qaica ca 'ena'am da lyac. Qalaxaye nam saishet da ỹa'amaqten, nache ỹo'ot dam la'aqtaxanaxac ana nere maye huetalec na la'aqtacpi Ñim Lo'onatac 'Enauacna maye 'eeta': «So coma' maye ỹo'otan co'ollaxa som ỹo'ottac añi no'onaxanaxaqui late'erai, nacheso nagui som ỹe'eguelaxa da ỹataqta nhuenec da qaỹo'ot ca nỹec.»

Mateo 16:18

Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Salmos 118:22

Qaq so coma' maye ỹo'otan co'ollaxa nam nỹec lo'opi, nacheso nagui som lo'oxonaxala' da huo'o ca qano'oxoosheguem.

Apocalipsis 17:14

Ime, nache se'eso shiguiỹac leguemaxaic qataq soua diez nta'al deloguito So Qagueta Llalec. Qalaxaye So Qagueta Llalec qataq som ca'attague'pi nauec soomaye. So Qagueta Llalec dauegaxan, cha'aye nacheso so ỹactec da 'amaqtaqaic, saq 'ena'am na laỹepi nataxala'pi qataq nacheso so ỹactec da la'añaxac napacalec na laỹepi nta'alpi. Somaye hueta'aguet nam ca'attague'pi. Ñim Lo'onatac 'Enauacna iỹaxana namayepi qataq lca'aguishecpi, cha'aye nache 'eetai' naxa da ỹalaq.»

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Hebreos 9:24

Cha'aye So Cristo saishet da inoxonoigui so npe'l maye lo'onatac so choche shiỹaxauapi, na'aictaxa da se'eso npe'l da somaye choche lqui'i acam ỹoqta 'eesa no'onaxanaxaqui. Cha'aye So Cristo taigue da piguem da yaqto' nqo'oneua'a Ñim Lo'onatac 'Enauacna, da qomi' detaqleguete da yaqto' qomi' ichoxore'n.

Hechos 4:11

Qami' de'era qauo'oche qoñiita'am ca nỹec lo'opi da ỹalat ca coma', qalaxaye nagui se'eso coma' ỹe'eguelaxa da ỹataqta nhuenec da nlletañi 'enauac ca nỹec.

Juan 1:13

Qaq namayepi nagui ỹataqta llalaqpi Ñim Lo'onatac 'Enauacna, chegoqchigui da maiche lhuennataxa Ñimaye, qaq saishet da nachera da maiche lhuennataxa na shiỹaxauapi.

Isaías 8:9

Qalapoñiỹa't qami' ỹotta'a't shiỹaxauapi, maye qami' nlaqchiguilo da qarcolanaqai, qana'axaỹaxañiỹa qome de'era qami' maye qauachegoqỹa'a na qaỹoqta 'alhuapi: na'aictaxa da qauacoñiỹa ca qaro'ogoxonaxache qalaxaye nache 'ena'am qami' qaiquichoqche't qome, aja', na'aictaxa da qauacoñiỹa ca qaro'ogoxonaxache qalaxaye nache 'ena'am qami' qaicolanaqche't qome.

Daniel 2:33

qaq naua lchel qalaq lcat, qaq naua lapia'ate qalaq huo'o na huaña na lcat qataq nqatelliguishec 'alhua.

Ezequiel 32:28

Qaq 'am Egipto, 'iye ye qoueta'a qome, da 'aualectaigui na ỹaqa'a da la'amqaanataxanaxac, 'am dolachigui qom 'am qailareñi da 'aualectaigui yem ileuaigui co'ollaxa so alaataxac.

Ezequiel 47:5

Ime qaltaq naloqten so lỹa quinientos metros, nache se'eso 'etaxat maye ỹa'auattac mashe 'eeta'am ca tala, nache sa seshet da sa'axasoxoolec. Cha'aye se'eso 'etaxat 'eeta'am ca tala maye ỹataqta qaỹoqchiguingui maye nacherata da qaỹauota'a naloxonaxac da qaỹa'axasoxongui.