Daniel 2:3 - La'aqtaqa Ñim Lo'onatac 'Enauacna 2013

³ nache se'eso nta'a 'enapec: Aỹem huo'o so ichoxonaxac, qaq aỹem ỹataqta huo'o da iuogoxo da sauotaique da saỹaten ca naigui somaye.

Daniel 2:3 Referans Kwoze

Génesis 41:15

Nache so faraón da'aqtaxanem somaye, 'eeta': «Aỹem huo'o so ichoxonaxac, qalaxaye qaica ca ishet da ỹa'axategue ca naigui. Qalaxaye aỹem, 'am ỹa'axaỹaxac da qoỹeetega da choche 'aua'axaỹa da qaỹa'axat ca nchoxonaxac, nache ishet da 'aua'axategue ca naigui.»

Génesis 40:8

Nache soomaye 'ena'apo': «Qomye huo'o so qarchoxonaxac, qalaxaye qaica ca qomi' da'aqtaxanema ca naigui.» Nache so José 'enapeco': «¿Peta'a sa nacheño' Ñim Lo'onatac 'Enauacna ñim ishet da ỹa'axat ca naigui ca nchoxonaxac? Ñaq aỹem qaua'aqtaxañim nagui, cam qauchoxoñiitega.»

Daniel 4:5

Qalaxaye huo'o so pe co'ollaq ñenaatai', nache huo'o so ichoxonaxac maye aỹem ỹe'elaqchet, nache na iuennataxacpi qataq na ỹauanaqchecpi ỹataqta aỹem nlaxatchigui da icolanaxa.

Daniel 2:1

Qaq co'ollaq mashe dos vi'iye soua lo'onataxanaxaqui' da nta'a so Nabucodonosor, nache somaye huo'o so lchoxonaxacpi, qaq souaxat somayepi, nache se'eso nta'a ỹataqta huo'o da lachetataic, nache saishet da do'oche.

Génesis 41:8

Qalaxaye so nte'etom so lỹa na'a'q nache so faraón ỹataqta lta'araic da lhuogoxo, nache damaxasoxoneuga da qanauegueuo 'enauac som ilaviigui na lỹa, qataq so ỹaanaxanaxaicpi maye lma' ye Egipto. Qaq huaña nache so faraón da'aqtaxanem somayepi soua lchoxonaxaco, qalaxaye somayepi qaica ca ishet da ỹa'axat ca naigui.