Daniel 2:29 - La'aqtaqa Ñim Lo'onatac 'Enauacna 2013

²⁹ 'Am nta'a, co'ollaq qouetalec so 'armala', nache 'auennataxaateguelec cam ñaq taỹa'a da yo'oq, qaq Ñim ỹachaxan cam saqcha'a, 'am ỹachaxana damaye.

Daniel 2:29 Referans Kwoze

Daniel 2:28

Qalaxaye huo'o Ñim Lo'onatac 'Enauacna maye neto'ot na piguem, maye ishet da ỹachaxan cam saqcha'a, qaq Ñimaye nacheñi ñi 'am ỹaỹaanaxanaxanec cam ñaq taỹa'a da yo'oq. 'Am nta'a, aỹem 'am sa'aqtaxanen som 'archoxonaxac qataq so 'arauanaqchec co'ollaq 'auo'ocheta:

Amós 4:13

Cha'aye nachaỹem da ỹo'onata ana qasoxonaxapi, qataq so'ot na la'at, qataq saỹaanaxanaxanec nam shiỹaxauapi nam iuen da ỹo'ot, qataq so'ot da yo'oqchiguiñi na napalaxa, qataq sequeuoteguelec nam ỹataqta qaỹoqotcheguemec 'alhua. Aỹem Nataxala', Aỹem Atamnaxala', 'era da ỹe'enaxat: Qaica ca Saqalanapec.

Daniel 2:47

Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.

Daniel 2:22

Ñimaye ỹachaxan cam huo'o da lqalaic qataq cam saqcha'a, qataq ỹauatton cam huetaigui na napalaxa, cha'aye Ñimaye huetaigui na yo'oqchiguiñi.

Ezequiel 38:10

Qaq Aỹem Nataxala', shenapec: Qaq que'eca na'a'q nache 'alapaxañi qome 'enauac cam qauempi.

Génesis 41:25

Nache so José ỹasateguet so faraón, 'eeta': «'Am nta'a, soua dos 'archoxonaxaco, soomaye 'eeta'a't da naigui. Ñim Lo'onatac 'Enauacna, 'am ỹaỹaanaxanaxanec da huotaique da ỹo'ot Ñimaye.

Daniel 2:23

'Am, maye 'Am Natamnaxala' so ita'alpi, 'Am sanot da ña'achecỹaxac qataq 'Am sho'oxoren, cha'aye 'auo'ot da aỹem ỹaanaxanaxaic qataq aỹem 'añaxaic, cha'aye nagui aỹem 'aỹa'anem da saỹaten dam seỹaxanaqtaique, qataq qomi' 'auaỹaanaxanaxaneque dam ỹo'ot da lhuogoxo ñim nta'a.»

Daniel 2:45

Qaq 'am nta'a, 'era da naigui so coma' maye 'auauaachigui co'ollaxa da depoxoỹauec, chegaqalec aso qasoxonaxa maye qaica ca ỹamaxauec, som coma' maye ỹe'eguelaxa naqa'en da lsoche so lcat, so bronce, qataq so nqatelliguishec 'alhua, so lcat plata qataq so oro. Qaq Ñim 'Amaqtaqaic Lo'onatac 'Enauacna, 'am ỹachaxana 'am nta'a cam ñaq taỹa'a da yo'oq. Qaq som 'archoxonaxac ỹataqta 'eesa, qataq dam naigui ỹataqta ipacchigui qome.