Daniel 2:27 - La'aqtaqa Ñim Lo'onatac 'Enauacna 2013

²⁷ Nache so Daniel ỹasat, 'eeta': Qaica ca ỹaanaxanaxaic, huo'otaq ca ilaviigui ca lỹa qataq ca huo'o da no'onataguec, huo'otaq cam napaxagueetega ana huaqaañipi da ishet da 'am da'aqtaxanem de'era saqcha'a, maye huotaique da 'auaỹaten 'am nta'a.

Daniel 2:27 Referans Kwoze

Daniel 2:2

Qaq huaña nache damaxasoxoneuga 'enauac som 'oiquiaxaipi, qataq som ilaviigui ca lỹa, qataq so 'iyaxaic lo'opi, qataq so ỹaanaxanaxaicpi, da yaqto' somayepi da'aqtaxanem somaye ca naigui se'eso lchoxonaxacpi. Nache somayepi jec da nachaateua'a so nta'a,

Isaías 44:25

Aỹem saishet da ipacchigui ñaqa'en nam ỹa'axatta'api na na'aqtaxanaxanecpi maye saq'en, qataq na ilaviigui ca lỹa so'otec da santouen. Qataq na ỹaanaxanaxaicpi so'otec da nquictañi na laỹaanecpi.

Isaías 19:3

Aỹem, she'eguelaxata qome da sa ntouen yemayepi, qataq sa ipaigui ñaqa'en nam lapaxañipi. Qaq huaña qome nache inat yem atamnaxala'pi, qataq ye conaxanaxaicpi, qataq na lqui'ipi so leuaxaicpi, qataq nam ilaviigui ca lỹa.

Génesis 40:8

Nache soomaye 'ena'apo': «Qomye huo'o so qarchoxonaxac, qalaxaye qaica ca qomi' da'aqtaxanema ca naigui.» Nache so José 'enapeco': «¿Peta'a sa nacheño' Ñim Lo'onatac 'Enauacna ñim ishet da ỹa'axat ca naigui ca nchoxonaxac? Ñaq aỹem qaua'aqtaxañim nagui, cam qauchoxoñiitega.»

Génesis 41:8

Qalaxaye so nte'etom so lỹa na'a'q nache so faraón ỹataqta lta'araic da lhuogoxo, nache damaxasoxoneuga da qanauegueuo 'enauac som ilaviigui na lỹa, qataq so ỹaanaxanaxaicpi maye lma' ye Egipto. Qaq huaña nache so faraón da'aqtaxanem somayepi soua lchoxonaxaco, qalaxaye somayepi qaica ca ishet da ỹa'axat ca naigui.

Jeremías 10:7

¿Negue'tom ca saishet da 'am ñi'iỹa, 'am Nta'a maye 'aulotague' na ỹotta'a't shiỹaxauapi? 'Am maye 'aiguet da huo'o naq 'enec qanqa'en. Cha'aye 'enauac na ỹaanaxanaxaicpi qataq na nta'alpi ana 'alhua qaica ca 'eeta'am 'am.

Daniel 1:20

Qaq 'enauac nam lataxacpi maye iuen ca naỹaanec, qataq naỹaanataxanaxac, maye denataxanec so nta'a, qaq somaye ila'a da ỹactec da laỹaane'c soomaye, napacalec som 'oiquiaxaipi, qataq som ilaviigui ca lỹa maye lo'onataxanaxanecpi somaye.

Daniel 4:7

Nache anac co'ollaxa 'enauac so 'oiquiaxaipi, qataq so ilaviigui ca lỹa, qataq so ỹaanaxanaxaicpi, qataq som napaxagueetegapi ana huaqaañipi na Babilonia, nache aỹem sa'axatem so ichoxonaxac, qalaxaye somayepi saishet da ỹañoxot da aỹem da'aqtaxanem cam naigui somaye.