Daniel 2:25 - La'aqtaqa Ñim Lo'onatac 'Enauacna 2013

²⁵ Nache so Arioc sanaỹaloxon da ỹauegueua'a so Daniel so nta'a Nabucodonosor, nache so Arioc 'enapega so nta'a, 'eeta': Nam ncoñeteguishecpi maye chegaqa'a ye Judá, huo'o nam ỹale selalec maye ishet da 'am ỹa'axatem 'am nta'a, cam naigui so 'archoxonaxac.

Daniel 2:25 Referans Kwoze

Daniel 6:13

Qaq somayepi nache queto'ot da detaqtac, nache 'eeta': Qalaxaye ñi Daniel, ñim 'oonolec nam judiopi maye ncoñeteguishecpi, saishet da huo'o ca 'enec naqa'en 'am, qataq som qalapaxañi nqataxac maye qaỹa'axatec, cha'aye ñimaye sauanaqchigui da tres naxa da ỹo'ot da natamnaxac ye na'a'q.

Daniel 5:13

Qaq huaña nache so Daniel qaỹauegueua'a so nta'a, nache so nta'a inat somaye, 'eeta': ¿Nache 'am Daniel, maye 'aualectaigui nam ncoñeteguishecpi judiopi, maye som ita'a Nabucodonosor nauec co'ollaxa ỹachegoxota'a ye Judá?

Daniel 1:6

Qaq se'eso nsoxoppiolec, nache ỹalectraigui soua Daniel, Ananías, Misael qataq so Azarías, maye chegoxoreguet so Judá,

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Proverbios 24:11

'Anca'alaxatec qome ca tata'a da l-leuaxa, qataq 'anca'alaxateeguesop da lchec ca ileetapigui'.

Nehemías 7:6

Qaq 'ana ana le'enaxat lmalate so shiỹaxauapi maye lma' co'ollaxa ye Judá, som shiỹaxauapi maye ỹauec co'ollaxa so Nabucodonosor maye nta'a ye Babilonia, qalaxaye somayepi qoỹanem co'ollaxa da ñe'eguelaxa ye Jerusalén qataq ye Judá. Qaq ñi 'oonolec somayepi ỹe'eguelaxa so maiche lalamaxat huaqta'a't nỹecpi.

Génesis 41:14

Qaq huaña nache so faraón damaxasoxoneuga so José, nache saqaỹaỹaloxon da qanqateeguesop aso ncoñetaxanaxaqui. Nache so José npetec na laue, qataq naralaxa't soua alogo, nache jec da nachaateua'a so faraón.