Daniel 2:23 - La'aqtaqa Ñim Lo'onatac 'Enauacna 2013

²³ 'Am, maye 'Am Natamnaxala' so ita'alpi, 'Am sanot da ña'achecỹaxac qataq 'Am sho'oxoren, cha'aye 'auo'ot da aỹem ỹaanaxanaxaic qataq aỹem 'añaxaic, cha'aye nagui aỹem 'aỹa'anem da saỹaten dam seỹaxanaqtaique, qataq qomi' 'auaỹaanaxanaxaneque dam ỹo'ot da lhuogoxo ñim nta'a.»

Daniel 2:23 Referans Kwoze

Daniel 2:18

da yaqto' iỹaxaaraique ca ltaunaxanaxac Ñim Lo'onatac 'Enauacna, maye neto'ot na piguem, souaxat de'era saqcha'a, da yaqto' saishet da qaỹalaua't, da lỹaueegueto so laỹepi ỹaanaxanaxaicpi ye Babilonia.

Éxodo 3:15

Ñim Lo'onatac 'Enauacna nataqa'en 'enapega so Moisés, 'eeta': «Qonapega qome ye llalaqpi so Israel, qoneta': ‹Ñim Nataxala', Ñim Natamnaxala' soua hua'au' qarta'alli' Abraham, Isaac qataq Jacob, Ñimaye aỹem namaxalo qami'.› Qaq 'era da ỹe'enaxat maye chochaq tatec, qataq 'era da ỹe'enaxat maye qaica ca loga't.»

Lucas 10:21

Huaña, nache So Saqcha'a Na'añaxac Qui'itta ỹo'ot da ntonapigui' So Jesús, nache Somaye 'enapeco': «'Am Ita'a maye 'aulotague' na piguem qataq ana 'alhua 'am sanot da ỹo'oxonnataxanaxac, cha'aye 'auachaxana de'era na ñaqpiolec qaltaq nam 'ena'am namayepi. Qalaxaye saishet da 'auachaxana na lta'araic da lauattonaxanaxac, qataq ỹaanaxanaxaicpi, cha'aye nachera dam maiche 'arhuennataxac 'am Ito'olec.»

Mateo 11:25

Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Daniel 1:17

Qaq Ñim Lo'onatac 'Enauacna ỹanema se'esoua cuatro nsoxoye da laỹaane'c, qataq da laỹaanataxanaxa'c da ỹaỹateetegueta 'enauac ana nerepi, qataq 'enauac na laỹepi naỹaanecpi. Qaq so Daniel qalaq nataqa'en ỹaỹaten da ỹa'axategue da naigui na nauanaqchecpi, qataq na nchoxonaxacpi.

Isaías 12:1

Qaq que'eca na'a'q, nache 'am qonapec qome «'Am sanot da ña'achecỹaxac 'Am Nataxala', cha'aye na'aictaxa da aỹem 'aualemataỹa co'ollaxa, qalaxaye da 'aralemataic mashe vi'iiguet, nache aỹem 'avi'eguelaxatem da ilagaxayec.

Salmos 50:14

Ỹoqo'oye 'aỹa'anot qome da 'ana'achecỹaxac Ñim Lo'onatac 'Enauacna, qataq 'aupactelec ca 'aỹa'anot 'ara'aqtac Ñim Nataỹaña 'enauacna.

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Apocalipsis 5:5

Qalaxaye huo'o so 'oonolec som nqueroxonecpi aỹem 'enapega, 'eeta': «Saishet da qoqueto'ot da 'anỹeetac, cha'aye Ñim talec da lo'onataxanaxac co'ollaxa so nta'a David, Ñim qaiỹaxana naxa da quiyoc lỹa maye chegoxoguet so Judá, Ñimaye mashe dauegaxan. Qaq ỹoqo'oye nachaqñita da huo'o da 'enec da nqa't naua siete na'anaxanaqtel qataq ishet da ỹauachigui ara nere.»

Apocalipsis 1:1

Ñim Lo'onatac 'Enauacna ỹachaxana So Jesucristo, nam mashe nayeeta'a da yo'oq da yaqto' Somaye ỹaỹaanaxanaxanec na lo'onataxanaxanecpi. Qaq ỹoqo'oye So Jesucristo da'aqtaxanem so Juan maye lamaxashec, ỹachegoxotchigui so lamaxashec piguem le'ec Ñim Lo'onatac 'Enauacna; qaq so Juan, nache ỹiyiñi 'enauac de'era na'aqtaxanaxac maye ỹataqta 'eesa.

Juan 11:41

Nache qanqat so coma'. Nache So Jesús ỹamato'ot na piguem, nache 'enapeco': –'Am Ita'a, 'am sanot da ña'achecỹaxac, cha'aye 'am Aỹem 'aua'axaỹa.

Eclesiastés 9:18

Ỹactec da 'onaxaic da naỹaanec, qaq saq 'ena'am cam no'ogoxonaxatpi da huo'o ye alaataxac. Qalaxaye da huo'o ca 'oonolec nsomaxac nache nlaxaañi cam qalota nogoxoshetpi.

Eclesiastés 7:19

Dam naỹaanec ỹa'añaqchet cam ỹaanaxanaxaic, napacalec cam diez 'añaxaicpi nta'alpi maye hueta'a cam huaqta'a't nỹecpi.

Proverbios 24:5

Cha'aye ca ỹaanaxanaxaic ỹataqta huo'o da la'añaxac, qataq ca huattonaxanaxaic nquictasheguem da la'añaxac,

Proverbios 21:22

Ca ỹaanaxanaxaic ishet da loxonec ca huaqta'a't nỹecpi maye lalamaxat na 'añaxaicpi, qataq ishet da nlaxaañi da la'añaxac ca qanteetacot.

Proverbios 8:14

Aỹem nache aỹem hueto'ot da nqataxac qataq da ntelaqchec, aỹem nache aỹem nauattonaxanaxac qataq na'añaxac.

2 Crónicas 20:6

nache 'eeta': «'Am Nataxala' maye Natamnaxala' so hua'au qarta'alpi, ¿saisheto' da nache 'Am Atamnaxala', maye qoneta'ague da piguem, qataq 'aulotague' na ỹotta'a't shiỹaxauapi? Qaq nam 'arhua'q huetaiguilo da 'ara'añaxac, qataq da qonec, maye qaica ca nala'aguet da npaxateguet.

1 Crónicas 29:13

Ỹoqo'oye 'Am Qanatamnaxala', 'am sanaxam da qana'achec qataq sho'oxorenaq da ỹo'oxoraic 'are'enaxat,

1 Crónicas 29:10

Huaña nache so David, ỹanot Ñim Nataxala' da llo'oxonnataxanaxac, ỹauaachigui 'enauac so lapoota'a't shiỹaxauapi, nache 'eeta': «¡Qaq nache 'eetai' qome da qaỹo'oxoreetac Ñim Nataxala', maye Natamnaxala' so qarta'a Israel!

1 Reyes 18:36

Qaq co'ollaq ivita da qoỹaneuo so nachetaqtaxanaxat maye qaỹavigaxatta, nache so na'aqtaxanaxanec Elías, nquigueuo, nache 'eeta': «¡'Am Nataxala' maye 'Am Natamnaxala' so Abraham, Isaac qataq so Israel, no'on nagui da 'auachaxan da nache 'Am Atamnaxala' ne'ena Israel, qataq da maiche aỹem 'aramaxashec, qataq so'ot 'enauac de'era, cha'aye maiche 'aramaxasoxonaxac!

1 Reyes 8:57

Qaq nagui, Ñim Nataxala' maye Qanatamnaxala', ñaq qomi' hueta'agueta, 'eeta'am co'ollaq hueta'aguet so hua'au qarta'alpi, qataq saishet qome da qomi' ca'aisalo qataq da qomi' ỹala't,

Génesis 18:17

Qaq huaña, nache Ñim Nataxala' deuennataxan, nache 'eeta': «Na Abraham, iuen da sa'aqtaxanem na dam so'ot,

Juan 15:15

Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'.

Eclesiastés 9:16

Qaq ỹoqo'oye aỹem shenapec da «ỹataqta ỹactec da 'onaxaic da naỹaanec, qaq saq 'ena'am da na'añaxac», na'aictoxo' da qaỹo'otan ca laỹaanec ca choxoraq, qataq da saishet da qana'axaỹaxanalo naua la'aqtaqa.

Génesis 31:42

Qaq taxa da saishet da aỹem hueta'aguet Ñim Natamnaxala' so Abraham, Ñim Natamnaxala' so ita'a Isaac, nache yo'oqtactaxa da choche aỹem 'auamaqtec, qui'itchiguilo 'anqa'en naua ihua'q. Qalaxaye Ñim Lo'onatac 'Enauacna ilota'a co'ollaxa da ỹaquicoxo, qataq dam naigui da ỹo'onataxanaxac, qaq ỹoqo'oye so pe 'am nlaxa.»

Salmos 21:2

'Am 'aupacchigui da 'aỹa'anem na 'eetapeguecpi da lquiyaqteỹaxac, qataq saishet da 'aullapeguem na iỹaxanaiquepi.

Salmos 21:4

Da 'am iỹaxanot da lca'alaxa, nache 'aỹa'anem, qataq da logoraic achaalataxac maye chochaq tatec.

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.