Daniel 2:22 - La'aqtaqa Ñim Lo'onatac 'Enauacna 2013

²² Ñimaye ỹachaxan cam huo'o da lqalaic qataq cam saqcha'a, qataq ỹauatton cam huetaigui na napalaxa, cha'aye Ñimaye huetaigui na yo'oqchiguiñi.

Daniel 2:22 Referans Kwoze

Da na'aqtaguec so Job 12:22

Ñimaye ỹo'ot da yo'oqchiguiñi na ỹataqta qaỹoqchiguiña napalaxa, qataq nqatsheguem da yaqto' qaila'a na lpaqal maye huetaigui da nleuaxa.

1 Juan 1:5

So Jesucristo qomi' ỹapaxagueneque da Ñim Lo'onatac 'Enauacna yo'oqchiguiñi qataq cam hueta'a Ñimaye qalaq qaica ca napalaxa. Qaq 'era dam qara'aqtaxanaxac maye qami' sa'aqtaxanaxama.

Santiago 1:17

Ñim Lo'onatac 'Enauacna nacheñi ñi qomi' ỹanema 'enauac na 'onaxaic qataq nalochiguiñi. Cha'aye Ñimaye nacheñi ñi maiche lo'onata 'enauac ana huaqaañipi maye neto'ot na piguem, qataq Ñimaye saishet da nqochen da lataxac.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Jeremías 23:24

¿Negue't, ca ishet da nqañoxocheesop da imeenaxanaxac? Ye Aỹem semattalec na piguem qataq ana 'alhua. Qaq 'era da ỹa'aqtac Aỹem Nataxala'.

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

1 Timoteo 6:16

Ñimaye maye choche tatec, qataq huetaigui na ne'eraxa maye saishet da huo'o ca nhuogoua'a. Qaica ca shiỹaxaua ila'a co'ollaxa Ñimaye, qataq qaica ca ỹañoxot da maiche ila'a nagui. Ñimaye maye hueto'ot da qaica ca 'ena'am llo'oxoyec, qataq da la'añaxac maye chochaq tatec. Aja', nache 'eetec de'era.

Daniel 5:11

cha'aye de'era 'aro'onataxanaxac, huo'o ñim ỹale maye hueta'aguet so saqcha'a la'añaxac nam atamnaxala'pi maye qui'itta. Cha'aye som 'arta'a co'ollaq nta'a, nache ñi'iñi ỹale ỹachaxan co'ollaxa da hueto'ot da ỹataqtegue da ntoonaxac, qataq naỹaanataxanaxac, qataq ỹaanaxanaxaic 'eeta'am na atamnaxala'pi. Qaq ỹoqo'oye so nta'a Nabucodonosor maye 'arta'a, ỹanem co'ollaxa ñi'iñi ỹale da lataxala' 'enauac na 'oiquiaxaipi, na ilaviigui ca lỹa, na ỹaanaxanaxaicpi, qataq nam napaxagueetega ana huaqaañipi maye hueta'a ne'ena 'alhua,

Salmos 36:9

cha'aye nache 'am hueto'ot da nca'alaxa, qataq na 'are'eraxa ỹo'ot da seloqtaigui na yo'oqchiguiñi.

Daniel 2:11

'Am nta'a, dam 'auỹaxaataique, damaye ỹataqta huo'o da lqalaic, qaica ca ishet da ỹa'axat, nachenata nam atamnaxala'pi. ¡Qalaxaye namayepi ye saishet da ỹalectaigui nam shiỹaxauapi!

Isaías 45:7

Aỹem so'ot co'ollaxa na yo'oqchiguiñi qataq na napalaxa, qataq so'ot dam ỹaỹamaqchiguiñi qataq dam qauem. Aỹem Nataxala' Aỹem maye so'ot 'enauac namayepi.

Efesios 3:5

De'era maye saqcha'a saishet co'ollaxa da huo'o ca qaỹaỹaanaxanaxanec som hua'au' vi'iye. Qalaxaye nagui Ñim Lo'onatac 'Enauacna ỹachegoxotchigui So Saqcha'a La'añaxac da ỹaỹaanaxanaxanec nam iỹotaugapi maye lamaxashecpi So Jesús qataq na la'aqtaxanaxanecpi.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Isaías 41:22

Ña qauanaqui da qomi' qaua'aqtaxañima cam ñaq taỹa'a da yo'oq, qataq qomi' qaua'aqtaxañima som hua'au, yaqto' seuennataxanaxalec, ña qomi' qaua'aqtaxañima cam ñaq naỹa'acna yaqto' saỹatenaq nataqa'en cam tachiguiña de'era,

Salmos 104:2

'Eeta'am 'anqa'en ca npo' da 'anapogoña na yo'oqchiguiñi. Qataq 'aupiguiisheguem na piguem 'eeta'am ca napoxonaxat.

Da na'aqtaguec so Job 26:6

Ana huachiqui qalaq yo'oqta naqa'en Ñimaye, qataq da nleuaxa qaica da huo'o ca ỹoxochiisop Ñim Lo'onatac 'Enauacna.

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Juan 1:9

Qaq som ỹoqta 'eesa da yo'oqchiguiñi mashe nvira ana 'alhua, nacheso nagui so icoỹarelec 'enauac na shiỹaxauapi.

Mateo 13:13

Qaq ỹoqo'oye da sapaxaguen na shiỹaxauapi, nache sauo'o ye saloqnaxana; yaqto' na'aictaxa da demeenaxatac qalaq 'eeta'am da saishet da nauaañi, qataq na'aictaxa da hua'aqtac qalaq saishet da ivira da ỹaỹaten.

Daniel 5:14

Aỹem qaỹa'aqtaxaateguem da so saqcha'a la'añaxac nam qui'itta atamnaxala'pi 'am hueta'aguet, qataq ỹataqtegue da 'antoonaxac, qataq 'am ỹaanataxanaxaic, qataq 'am ỹaanaxanaxaic.

Isaías 42:9

Ña qaumichiñi da ipacchigui nam sa'axata'a co'ollaxa, qaq nagui nache sa'axata'a cam dalaxaic lataxac, nache qami' saỹaanaxanaxaneque nagui, da ñaq saxanaxa da yo'oq.»

Isaías 41:26

¿Negue't co'ollaxa cam ỹa'axata'a ne'enapi da yaqto' ishet da saỹatenaq? Qataq ¿negue't cam ỹa'axata'a co'ollaq saxanaxa da yo'oq da yaqto' shenaqapec da 'eesa ca la'aqtaxanaxac? Qalaxaye da qoñiita qaica co'ollaxa ca ỹa'axata'a damaye, qataq qaica ca hua'aqchigui ca 'oonolec qara'aqtaqui.

Génesis 41:16

Nache so José 'enapeco': «Damaye saishet da nachaỹem chegoqchigui. Qalaxaye 'am nta'a, Ñim Lo'onatac 'Enauacna, 'am ỹanem qome ca lasataxac maye ỹo'ot ca 'araỹamaxa.»

Daniel 2:19

Qaq nacheso se'eso pe da so Daniel, qaỹachaxana som saqcha'a, huaigui so lauanaqchec, qaq huaña nache so Daniel ỹo'oxoren Ñim Lo'onatac 'Enauacna maye neto'ot na piguem

Daniel 2:47

Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.

Deuteronómio 29:28

nache ca'ai naqa'en nam na'alhua namayepi, irolec da ỹataqta lta'araic layeloxo da taỹa naqa'en naua ỹaqa'alo 'aleu', 'eeta'am da 'eetec nagui.

Eclesiastés 8:1

¿Negue't cam 'ena'am ca ỹaanaxanaxaic? Qataq ¿Negue't cam ỹaỹaten cam lataxac 'enauac nam chochena? Dam naỹaanec 'eeta'am da icoỹaroigui da lasheguiỹaxac cam shiỹaxaua, qataq naralaxat dam lasheguiỹaxac.

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.