Daniel 2:21 - La'aqtaqa Ñim Lo'onatac 'Enauacna 2013

²¹ Ñimaye naralaxa't naua na'axa'te qataq naua laloqo'ote, nqat ca nta'a qataq ỹauo'o ca nta'a, qataq ỹanem da laỹaanec nam ỹaanaxanaxaicpi, qataq ỹanem da laỹaanataxanaxac nam ỹaanataxanaxaicpi.

Daniel 2:21 Referans Kwoze

Daniel 4:17

Qaq 'era da lapaxañi la'aqtac som qui'itta namaxashecpi maye nauanaxanaxanecpi, yaqto' 'enauac na shiỹaxauapi ỹaỹaten da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue 'enauac da lo'onataxanaxac na shiỹaxauapi, Ñimaye ỹanem da no'onataxanaxac cam taalec da ỹanem, qataq ỹo'ot da lataxala' na ỹotta'a't shiỹaxauapi cam qaica ca la'amaqchec da ỹalectaigui na shiỹaxauapi.

Daniel 7:25

Qataq isheueetac qome Ñim Nataxala' maye Nataỹaña 'Enauacna, qataq nquigaxattañi qome nam nhuo' le'ecpi maye lalamaxat Ñimaye, qataq nmitaique qome ca lataxac da naralaxat na lqataxacpi Ñim Lo'onatac 'Enauacna, qataq nam lataxacpi da na'amqaanataxanaxac, nache na nhuo' le'ecpi maye lalamaxat Ñim Lo'onatac 'Enauacna, huetalec qome da la'añaxac camaye, choche ivittre'c caua tres vi'iye qataq ca laiñi ca lỹa vi'i.

Daniel 4:32

cha'aye 'am qanqateeguesop qome na shiỹaxauapi, nache 'aualectaigui na shiguiỹacpi, qataq qollectac qome ana huoue qoneta'am ca nauegaxanaxala'pi huacapi, ivittrec caua siete vi'iye, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.»

Da na'aqtaguec so Job 12:18

Ñimaye deuotaxanec da la'añaxac na nta'alpi, qataq ỹo'otec da noxonec qataq huetauec naqa'en namayepi.

1 Reyes 4:29

Qaq Ñim Lo'onatac 'Enauacna, ỹanem so Salomón da laỹaanec qataq na laỹaanataxanaxacpi, qataq qalota da lauattonaxanaxac, 'eeta'am na coma' lsoche maye huo'ot na loigue aso auaxai.

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Santiago 1:17

Ñim Lo'onatac 'Enauacna nacheñi ñi qomi' ỹanema 'enauac na 'onaxaic qataq nalochiguiñi. Cha'aye Ñimaye nacheñi ñi maiche lo'onata 'enauac ana huaqaañipi maye neto'ot na piguem, qataq Ñimaye saishet da nqochen da lataxac.

1 Reyes 3:28

Qaq 'enauac so Israel le'ecpi co'ollaq ỹaỹaten de'era 'eetec so nta'a, da ỹaỹamaxaañi de'era cotaxac, nache huo'o naq 'enec naqa'en se'eso nta'a, cha'aye ila'a da Ñim Lo'onatac 'Enauacna ỹanem da laỹaanec somaye da yaqto' ỹo'ot da nalochiguiñi lataxac.

Éxodo 31:3

ñimaye sanaigui da lta'araic ỹa'añaxac, da yaqto' ỹo'ot da laỹaanec, lauattonaxanaxac, laỹaanataxanaxac, qataq da sa nqalaate' da huo'o ca ỹo'ot,

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Daniel 2:9

Qaq ỹoqo'oye da saishet da aỹem qaua'aqtaxañim som sechoxootega, nache 'enauac qami' da 'eeta'a't qome ca qanhuaxanaguiqui, cha'aye mashe qanaỹaañiitega't da aỹem qaỹa'añim cam qarasataxaqui maye choche natenataxanaxac, qataq qauem ca taỹa'a, cha'aye qauauoitaique da ñaralaxat ca iuennataxac. Ñaq aỹem qaua'aqtaxañim negue't som sechoxootega, yaqto' saỹaten nataqa'en da qanaloỹaua'a da aỹem qaua'axachem cam naigui.

1 Crónicas 22:12

Qaq Ñim Nataxala', 'am ỹanem qome da naỹaanataxanaxac qataq da naỹaanec, yaqto' qom 'am ỹanem da 'aulo'ogue na Israel le'ecpi, nache ỹataqta 'aualaxalec na lqataxacpi Ñim Nataxala' maye 'Anatamnaxala'.

1 Reyes 10:24

Nache 'enauac so shiỹaxauapi ana 'alhua, nshetaique da ỹauatton so Salomón, da yaqto' na'axaỹaxana da laỹaanec somaye, maye chegoqo'ot Ñim Lo'onatac 'Enauacna,

Apocalipsis 19:16

Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»

Daniel 11:6

Qaq qom qaỹata'aguelo caua vi'iye, nache que'ecaua dos nta'al, ỹo'o't qome ca naỹamaxataxac, nache ca nta'a maye lma' da taguiñi, huaroneguet naqa'en aca llale ca nta'a maye lma' da sheu', da yaqto' huetraigui ca nlagaxayec. Qalaxaye que'eca qalapaxañi saishet qome da ipaigui, cha'aye que'eca nta'a maye lma' da sheu', qataq aca lhua, qataq ca llalec, qataq cam lamaxashecpi qaỹalaua't qome.

1 Crónicas 29:30

qataq 'enauac nam na'aqtaguecpi da lo'onataxanaxac qataq da la'añaxac so nta'a David, qataq nam lataxacpi maye ivireguet co'ollaxa somaye, qataq so Israel le'ecpi qataq som 'alhuapi maye lauoreuapi.

Éxodo 31:6

Qataq sauo'o ltaua ñi Aholiab, ñim llalec so Ajisamac, maye chegoxoguet so Dan. Qataq 'enauac ca laỹepi ỹaanaxanaxaicpi sami' da nquiguec da laỹaanec, yaqto' ỹo'ot 'enauac ca 'am samaxalecpi da 'auo'ot:

Ester 1:13

nache nnate' som shiỹaxauapi maye ỹaỹaten so nqataxacpi, cha'aye maiche lataxac naxa so nta'a da huo'o ca ỹo'ot, qalaq iuen da nnate' som ỹaỹaten na nqataxacpi, qataq dam nalochiguiñi lataxac.

Romanos 13:1

'Oonolec Ñim Lo'onatac 'Enauacna maye ishet da ỹami' da la'añaxac ca shiỹaxaua, qataq nacheñi Ñim ỹami' da damaxasoxon ca nta'a maye qomi' ilotegueto. Qaq ỹoqo'oye iuen da salaxasoxoguet nam nta'alpi.

Daniel 1:17

Qaq Ñim Lo'onatac 'Enauacna ỹanema se'esoua cuatro nsoxoye da laỹaane'c, qataq da laỹaanataxanaxa'c da ỹaỹateetegueta 'enauac ana nerepi, qataq 'enauac na laỹepi naỹaanecpi. Qaq so Daniel qalaq nataqa'en ỹaỹaten da ỹa'axategue da naigui na nauanaqchecpi, qataq na nchoxonaxacpi.

Daniel 2:20

nache 'eeta' da la'aqtac: «¡Nache 'eetai' qome da qaỹo'oxoreetac da le'enaxat Ñim Lo'onatac 'Enauacna, cha'aye Ñimaye lalamaxat da naỹaanec, qataq da na'añaxac!

Daniel 2:23

'Am, maye 'Am Natamnaxala' so ita'alpi, 'Am sanot da ña'achecỹaxac qataq 'Am sho'oxoren, cha'aye 'auo'ot da aỹem ỹaanaxanaxaic qataq aỹem 'añaxaic, cha'aye nagui aỹem 'aỹa'anem da saỹaten dam seỹaxanaqtaique, qataq qomi' 'auaỹaanaxanaxaneque dam ỹo'ot da lhuogoxo ñim nta'a.»

Daniel 10:1

Qaq co'ollaq mashe ivi' soua tres vi'iye da lo'onataxanaxac so Ciro da nta'a ye Persia, nache so Daniel maye nataqa'en le'enaxat Beltsasar, huo'o co'ollaxa so lauanaqchec, qalaxaye ỹataqta qalaqaic da qaỹaỹaten cam naigui somaye. Qalaxaye so Daniel ỹataqta deuennataxaalec co'ollaxa somaye, nache ishet da ỹaỹaten dam naigui se'eso lauanaqchec.

Daniel 4:14

nache somaye na'axannec da detaqa, 'eeta': Qaua'axasoxoñiiñi ara'ara qo'oipaq qauchiquiiuec qome ana lcouepi qataq qanqache ana lauepi, qataq qalagaxache ana alapi. Qataq datauec qanqa'aiñi na shiguiỹacpi maye hueto'ot na lpaqal, qataq na maỹopi maye netaigui ana lcouepi aramaye.

Daniel 4:22

qaq asa'aso qo'oipaq qalaq nache 'am, 'am nta'a, da 'anquictasheguem qataq 'am 'añaxaic. Qataq da 'ara'amaqchec 'am nta'a nquictauec, nache ivira'a da iviro'ot na piguem, qataq da 'aro'onataxanaxac imattalec ana 'alhua.