Daniel 2:20 - La'aqtaqa Ñim Lo'onatac 'Enauacna 2013

²⁰ nache 'eeta' da la'aqtac: «¡Nache 'eetai' qome da qaỹo'oxoreetac da le'enaxat Ñim Lo'onatac 'Enauacna, cha'aye Ñimaye lalamaxat da naỹaanec, qataq da na'añaxac!

Daniel 2:20 Referans Kwoze

Salmos 113:2

Qaỹo'oxoren qome da le'enaxat Ñim Nataxala', chegoqchiguiña nagui nache chochaq tatec qome.

Da na'aqtaguec so Job 12:13

Qalaxaye Ñim Lo'onatac 'Enauacna ỹataqta ỹaanaxanaxaic, qataq 'añaxaic, Ñimaye hueto'ot na nauattonaxanaxacpi qataq na naỹaanataxanaxacpi.

Apocalipsis 5:12

Qaq somayepi ỹataqta nlamaxaren da detaqtac, 'eeta': «Ñim Qagueta Llalec maye qoỹaneuo co'ollaxa da qaỹavigaxat da qaỹauo'o nachetaqtaxanaqte, nacheñi nagui ñi taiguet da ỹaconeguet da namaxasoxonaxac qataq da nsallaxa, naỹaanec, qataq da na'añaxac, na'amaqchec, qataq ño'oxonnataguec.»

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

Salmos 147:5

Ñim Qarataxala', ỹataqta lta'araic qataq 'añaxaic, qataq qaica ca loga't da laỹaanataxanaxac.

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Proverbios 8:14

Aỹem nache aỹem hueto'ot da nqataxac qataq da ntelaqchec, aỹem nache aỹem nauattonaxanaxac qataq na'añaxac.

Salmos 115:18

Qomi' qalaxaye sho'oxorenaqtac Ñim Nataxala', nagui qataq chochaq tatec qome. ¡Qaỹo'oxoren qome Ñim Nataxala'!

1 Reyes 8:56

«¡Ỹataqta qaỹo'oxoren qome Ñim Nataxala', maye ỹami' da l-lagaxayec na lalamaxat nhuo' Israel le'ecpi, cha'aye ỹataqta ipacchigui da ỹo'ot 'enauac nam ỹachaxanapecpi co'ollaxa! Qataq qaica ca saipaguelec nam ỹan la'aqtacpi maye ỹanem co'ollaxa so lamaxashec Moisés da ỹa'axat.

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Salmos 62:11

Huo'o so na'a'q detaqa Ñim Lo'onatac 'Enauacna, qataq dos da sa'aqchigui da 'eeta': «Ñim Lo'onatac 'Enauacna lalamaxat da na'añaxac,

Salmos 50:23

Ca Aỹem ỹanot da na'achecỹaxac, camaye Aỹem ỹo'oxoren. Qataq ca ỹaỹamaxatchiguiñi da lataxac, nache sachaxana da ica'alaqtaxanaxac.»

Salmos 41:13

¡Ỹataqta qaỹo'oxoren qome Ñim Nataxala', maye Natamnaxala' na Israel le'ecpi, nagui qataq nache 'eetai' qome! ¡Aja', nache 'eetec!

2 Crónicas 20:21

Qaq so Josafat co'ollaq ime da nnate' so shiỹaxauapi, nache ỹauo'o so 'onaxanaxaicpi, qataq ỹauo'o so logoxot maye sa qaishetapec maye huo'o na llo'oxoraxatpi, da yaqto' hua'auta'ague da taỹa'ague so alleppi da ỹo'oxoreetac Ñim Nataxala', da ỹo'ootac so no'onec maye 'eeta': «Qaỹa'añiỹot da qana'achecỹaxaqui Ñim Nataxala', cha'aye da lauotaxanaqtaic chochaq tatec.»

1 Crónicas 29:20

Qaq co'ollaq ime, nache so David detaxaigui se'eso laỹoota'a't shiỹaxauapi, 'eeta': «Nagui, qavio'oxoreñi Ñim Nataxala' maye Qanatamnaxala'ai». Huaña, nache 'enauac se'eso laỹoota'a't shiỹaxauapi ỹo'oxoren Ñim Nataxala', maye Natamnaxala' soua hua'au' lta'al, nache nqollemñi da ỹa'aldoto naua l-llecte Ñim Nataxala' qataq so nta'a.

Génesis 14:20

qataq qaỹo'oxoren qome Ñim Lo'onatac 'Enauacna, maye Nataỹaña 'enauacna ñim 'am ỹanem co'ollaxa da 'oxonec so 'ampa'aguenaxauapi.» Qaq huaña nache so Abram, ỹanem so Melquisedec, añi 'oonole ana diez 'enauac som lhuotaxanaxatpi.

Salmos 113:1

¡Qaỹo'oxoren qome Ñim Nataxala'! Qami' lamaxashecpi Ñim Nataxala', qavio'oxoyiñi qome da le'enaxat Ñimaye.

Ezequiel 28:3

¿'Aupettega peta'a da 'anapacalec da laỹaanec so Daniel? ¿'Aupettega peta'a da qaica ca ỹapoguiñi 'anqa'en?

Nehemías 9:5

Qaq soua leviita Josué, Cadmiel, Binuy, Hasabnías, Serebías, Hodías, Sebanías qataq so Petajías, na'axanneque naua la'aqtaqa, nache 'eeta': «Qanachaachiñi, nache qavio'oxoyiñi Ñim Nataxala' maye Qanatamnaxala'ai, qavio'oxoyiñi da le'enaxat Ñim Nataxala', maye nache 'eetai' da qaica ca loga't, nache 'eetai' qome da qaỹo'oxoreetac da le'enaxat Ñimaye, dam le'enaxat maye qaica ca 'ena'am da llo'oxoyec, qataq da ño'oxonnataguec.»