Daniel 2:2 - La'aqtaqa Ñim Lo'onatac 'Enauacna 2013

² Qaq huaña nache damaxasoxoneuga 'enauac som 'oiquiaxaipi, qataq som ilaviigui ca lỹa, qataq so 'iyaxaic lo'opi, qataq so ỹaanaxanaxaicpi, da yaqto' somayepi da'aqtaxanem somaye ca naigui se'eso lchoxonaxacpi. Nache somayepi jec da nachaateua'a so nta'a,

Daniel 2:2 Referans Kwoze

Daniel 1:20

Qaq 'enauac nam lataxacpi maye iuen ca naỹaanec, qataq naỹaanataxanaxac, maye denataxanec so nta'a, qaq somaye ila'a da ỹactec da laỹaane'c soomaye, napacalec som 'oiquiaxaipi, qataq som ilaviigui ca lỹa maye lo'onataxanaxanecpi somaye.

Daniel 4:6

Ime nache samaxasoxoneuga da aỹem qanauegueua'a 'enauac so ỹaanaxanaxaicpi na Babilonia, da yaqto' aỹem da'aqtaxanem cam naigui so ichoxonaxac.

Éxodo 7:11

Nache so faraón damaxasoxoneuga so ỹaanaxanaxaicpi qataq som 'oiquiaxaipi. Nache somayepi nataqa'en do'onataxana da lo'oiquiaxac da ỹe'enaxa't soomaye:

Génesis 41:8

Qalaxaye so nte'etom so lỹa na'a'q nache so faraón ỹataqta lta'araic da lhuogoxo, nache damaxasoxoneuga da qanauegueuo 'enauac som ilaviigui na lỹa, qataq so ỹaanaxanaxaicpi maye lma' ye Egipto. Qaq huaña nache so faraón da'aqtaxanem somayepi soua lchoxonaxaco, qalaxaye somayepi qaica ca ishet da ỹa'axat ca naigui.

Daniel 5:7

Qaq ime nache ỹataqta nlamaxaren da iỹaxaneuga som ilaviigui ca lỹa, ỹaanaxanaxaicpi, qataq som napaxagueetega anam huaqaañipi ye Babilonia, nache 'enapega somayepi, 'eeta': Ca ishet da itaxaỹaxan yi'iye nanettañi qataq aỹem da'aqtaxanem cam naigui yemaye, nache camaye qoỹanaxanaxanguilo qome caua anogo maye tocaleguete da lo'oxoỹaxa'c, qataq nqolaaña qanqa'en ca nqolac oro, qataq sanem da itaua da ỹo'onataxanaxac.

Daniel 2:10

Nache 'enauac som ỹaanaxanaxaicpi ỹasateguet so nta'a, 'eeta': Ana 'alhua qaica ca ishet da 'am ỹa'axatem som 'auchoxootega. Qataq da lỹa 'eeta': Saỹauano' da huo'o ca nta'a, na'aictoxo' da 'amaqtaqaic qataq 'añaxaic, da iỹaxanot cam huo'o da no'onataguec, qataq ca ilaviigui ca lỹa, qataq ca ỹaanaxanaxaic da iỹaxaneua'a ca 'eeta'am de'era maye 'auỹaxaataique.

Isaías 19:3

Aỹem, she'eguelaxata qome da sa ntouen yemayepi, qataq sa ipaigui ñaqa'en nam lapaxañipi. Qaq huaña qome nache inat yem atamnaxala'pi, qataq ye conaxanaxaicpi, qataq na lqui'ipi so leuaxaicpi, qataq nam ilaviigui ca lỹa.

Isaías 8:19

Qaq na shiỹaxauapi yo'oqta da qami' 'enapegalo qome, 'eeta': Ña qaunache na lqui'ipi na leuaxaicpi, qataq na ilaviigui ca lỹa maye nsoxootega't naxa da na'aqtaxaatega't. ¿Peta'a saisheto' da iuen na nhuo' le'ecpi da inat nam natamnaxala'pi, qataq da inat na leuaxaicpi da denataxaalec na ña nca'altauecpi,

Ester 1:13

nache nnate' som shiỹaxauapi maye ỹaỹaten so nqataxacpi, cha'aye maiche lataxac naxa so nta'a da huo'o ca ỹo'ot, qalaq iuen da nnate' som ỹaỹaten na nqataxacpi, qataq dam nalochiguiñi lataxac.

Daniel 1:4

Qaq camayepi, iuen da nsoxoppiolec maye ỹataqta nalochiyiñi da lataxa'c, qataq qaica ca lque'emaxa na lo'oc, qataq ỹataqta nalaua'a da nauattonaxanaxac, qataq da naỹaanataxanaxac, qataq ỹaanataxanaxaicpi, qataq sanqalat da huo'o ca qaỹapaxaguenec, qataq nalaua'a da do'onataxaneua'a ñi lma' lta'araic ñi nta'a. Qaq camayepi qaỹapaxaguenec qome da neraxanaxac, qataq na la'aqtacpi na caldeopi.

Daniel 2:27

Nache so Daniel ỹasat, 'eeta': Qaica ca ỹaanaxanaxaic, huo'otaq ca ilaviigui ca lỹa qataq ca huo'o da no'onataguec, huo'otaq cam napaxagueetega ana huaqaañipi da ishet da 'am da'aqtaxanem de'era saqcha'a, maye huotaique da 'auaỹaten 'am nta'a.

Daniel 3:8

Qalaxaye huo'oi co'ollaxa soua Caldea lashe' da iqopitaxanapec da ỹauo'o da lasouaxashet so judiopi, da ỹa'axateua'a so Nabucodonosor,

1 Samuel 6:2

Nache so filisteopi laỹona'to' so ltaxaỹaxanaxanecpi qataq so ilaviigui ca lỹa da yaqto' inat, 'eeta': ¿Ca shenaqtec añim laỹe' da naỹamaxataxac Ñim Nataxala'? Ña qomi' qaua'aqtaxañima ca shenaqtec da she'eguelaxataxa ye maiche lma'.

Daniel 4:3

¡Qaq ỹataqta lta'araicpi nam saqaỹauanapegapi qataq nam huo'o da llo'oxoyecpi maye ỹo'ot Ñimaye! Qaq da lo'onataxanaxac Ñimaye chochaq tatec qome, qataq da la'añaxac qaica qome ca loga't.