Daniel 2:19 - La'aqtaqa Ñim Lo'onatac 'Enauacna 2013

¹⁹ Qaq nacheso se'eso pe da so Daniel, qaỹachaxana som saqcha'a, huaigui so lauanaqchec, qaq huaña nache so Daniel ỹo'oxoren Ñim Lo'onatac 'Enauacna maye neto'ot na piguem

Daniel 2:19 Referans Kwoze

Números 12:6

nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Daniel 7:7

Qaq som pa'atec shiguiỹac maye sela'a co'ollaq huaigui so ỹauanaqchec, somaye ỹataqta chaqaic, qataq ỹo'ot da ñi'iỹaxa, qataq qaica ca 'ena'am da la'añaxac. Somaye huo'oi soua ỹataqta late'el lhue lcat, nache chec 'enauac nam huo'o, qataq icolaxattac, qataq petapigui nam lli'iỹoxot. Qaq se'eso shiguiỹac ỹataqta huaỹoqtec da lataxac, saishet da 'ena'ama soua lỹa't maye sela'alo co'ollaq sechoxootac, cha'aye na lqaic somaye diez aso lcouepi.

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Daniel 1:17

Qaq Ñim Lo'onatac 'Enauacna ỹanema se'esoua cuatro nsoxoye da laỹaane'c, qataq da laỹaanataxanaxa'c da ỹaỹateetegueta 'enauac ana nerepi, qataq 'enauac na laỹepi naỹaanecpi. Qaq so Daniel qalaq nataqa'en ỹaỹaten da ỹa'axategue da naigui na nauanaqchecpi, qataq na nchoxonaxacpi.

Da na'aqtaguec so Job 4:13

Qaq so pe co'ollaq mashe 'enauac da do'oche so shiỹaxauapi, nache ỹataqta qauem so ỹo'ochaxa.

Daniel 4:9

'Am Beltsasar maye 'am lataxala' nam ilaviigui ca lỹa, aỹem saỹaten da so saqcha'a la'añaxac nam atamnaxala'pi maye qui'itta, 'am hueta'aguet, nache qaica ca ỹapogoñi 'anqa'en. Qaq 'ana'axaỹaxaachiguiñi, aỹem 'am sa'aqtaxanem som selota'a co'ollaxa maye huaigui so ỹo'ochaxa, nache aỹem 'aua'aqtaxanem qome ca naigui somaye.

Daniel 2:22

Ñimaye ỹachaxan cam huo'o da lqalaic qataq cam saqcha'a, qataq ỹauatton cam huetaigui na napalaxa, cha'aye Ñimaye huetaigui na yo'oqchiguiñi.

Josué 22:33

nache ỹaỹamaxareeta de'era la'aqtac somayepi, nache qaỹo'oxoren Ñim Lo'onatac 'Enauacna. Huaña co'ollaxa nache saishet da qaitaxaỹa da qailoquiaxan so maiche nhuo' le'ecpi maye chegoxoguetpi so Rubén, qataq so Gad, huo'otaq da qailaxachigui 'enauac so na'alhuapi.

Daniel 4:26

Qaq dam namaxasoxonaxac co'ollaxa da qano'onaxatañi aso lamo qataq na lpa'a'pi aso qo'oipaq, damaye naigui da 'am qaỹe'eguelaxatot da 'aro'onataxanaxac 'am nta'a, qom 'auauatton da Ñim Lo'onatac 'Enauacna nacheñi ñim huo'o da la'añaxac.

Daniel 7:2

«Aỹem so sechoxootac, nache sela'alo soua cuatro la'a'che, maye ỹasheerelec naxa aso auaxai late'erai, nache ỹataqta iraxan na 'etaxat.