Daniel 2:18 - La'aqtaqa Ñim Lo'onatac 'Enauacna 2013

¹⁸ da yaqto' iỹaxaaraique ca ltaunaxanaxac Ñim Lo'onatac 'Enauacna, maye neto'ot na piguem, souaxat de'era saqcha'a, da yaqto' saishet da qaỹalaua't, da lỹaueegueto so laỹepi ỹaanaxanaxaicpi ye Babilonia.

Daniel 2:18 Referans Kwoze

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.

Mateo 18:19

Nataqa'en ỹataqta 'eesa da huo'otaq huo'oi caua dos da qoñiita, nagui da ñaq qoviita'a ana 'alhua da huo'otaq ỹataqta na'aqtaxaachiguilo ca iỹaxaaraique da iỹaxanot Ñim Lo'onatac 'Enauacna maye imattalecna, nache Ñimaye ỹanema caamaye ca iỹaxaatraique.

Mateo 18:12

Qami' ¿ca 'eetec ca qarhuennataxaqui? Da huo'otaq huo'o ca 'oonolec da qoñiita da huo'o aca cien lalo qaguetapi, qaq da huo'otaq noma da isomapec aca 'oonole, qaq ¿peta'a saisheto' da no'onaxatalec aca qaỹoqotcheguemec 'alhua aca noventa y nueve qaguetapi, ime, nache jec da nmitaique aca 'oonole maye isomapec?

Salmos 91:15

Qataq qom aỹem iỹaxana, nache sasateguet, qataq soota'aguet qom huo'o da nque'eenaxac, qataq ñeca'alaxatec qome qataq sanem da ño'oxonnataguec.

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Malaquías 3:18

Huaña qome, nache qami' qaltaq ỹataqteguet qanqa'eñi ca no'on qataq ca qauem, qataq cam ỹo'oxoreetac Ñim Lo'onatac 'Enauacna, qataq cam saishet da ỹo'oxoren Ñimaye.»

Isaías 37:4

Qaq 'onaxaictoxo' da Ñim nataxala' maye 'anatamnaxala', da hua'aqchiguilo naua la'aqtaqa som lataxala' na alleppi maye lamaxashec ñim nta'a ye Asiria, cha'aye anac da isheueetac Ñim Lo'onatac 'Enauacna maye nca'altauec, qataq 'onaxaictoxo' da ỹauo'o ca nhuaxanaguec souaxat nam qauem la'aqtacpi, maye yo'oqta da hua'aqchigui Ñim 'Anatamnaxala'. Ñaq 'auo'ot taxa ca 'anatanmaxac da 'auỹaxaalec nam no'onañi nhuo' le'ecpi maye ña nca'altauecpi.»

1 Samuel 17:37

Qaq Ñim Nataxala' maye aỹem nca'alaxateeguesop naxa na llon qataq na oso, Ñimaye nataqa'en aỹem nca'alaxateeguesop qome da lhuaqỹaxac de'era filisteo. Huaña nache so Saúl, 'enapeco': 'Aue qojec, qaq Ñim Nataxala' nache 'am nnaictague' qome.

Génesis 18:28

Qaq da huo'otaq qaicaua caua cinco maye qaica ca lasouaxashe't, que'ecaua cincuenta, ¿qaq peta'a da qaicaua que'ecaua cinco, qaq nache 'ena'am 'aulaxachigui qome 'enauac yi'iye huaqta'a't nỹecpi?» Nache Ñim Nataxala', 'enapeco': «Da selaleguete caua cuarenta y cinco maye qaica ca lasouaxashe't, nache saishet qome da selaxachigui.»

2 Pedro 2:9

Qaq de'era qomi' ỹachaxanalo Ñim Lo'onatac 'Enauacna, da Ñimaye ỹaỹaten da ỹaỹamaxaañi nam lqalaiguesat qataq nam ishet da nqanaxat nam ỹalaxaguet Ñimaye, qataq nataqa'en ỹaỹaten da ỹauo'o ca nhuaxanaguec nam ỹo'ottac na qauem. Qaq damaye ỹo'ot que'eca na'a'q qom nmit 'enauacna.

Romanos 15:30

Qami' ỹaqaỹañicpi, aỹem qami' ñachoxoreetoiguilo souaxat So Qarataxala' Jesucristo, qataq souaxat da nsoxoyec maye qomi' ỹanema So Saqcha'a Na'añaxac Qui'itta, da aỹem qautauañi qome da qanqouagaxauñiỹot Ñim Lo'onatac 'Enauacna da aỹem qanqouagaxauñiitalec.

Hechos 12:4

Qaq co'ollaq mashe qaỹaconeua'a so Pedro, nache so Herodes ỹanaigui somaye aso ncoñetaxanaxaqui. Nache nauaatalec naqa'en so dieciséis huataxanaqpi, cuatro naqa'en naua huaxaỹapega't, cha'aye somaye ỹauotaique da qom ime so naponaxac le'enaxat Lapascua, nache nqatec so Pedro da ỹachaxana 'enauac na shiỹaxauapi da ỹalauat.

Daniel 3:17

Cha'aye Ñim Qanatamnaxala' maye sho'oxorenaqtac, Ñimaye ishet da qomi' nca'alaxateeguesopa na le'eraxa aca nqatelaxanaxaqui, qataq qomi' nca'alaxateeguesopa 'enauac nam qauem maye huotaique da qomi' 'auo'oteque 'am nta'a.

Ezequiel 36:37

Qaq Aỹem Nataxala', shenapec: Nataqa'en huo'o da lỹa so'ot qome. Sanem qome na nhuo' Israel le'ecpi cam iỹaxanaique da so'otec namayepi, qataq ñequigaxatec qome ye lcata na lauo' le'ecpi, 'eeta'am ñaqa'en ana qaguetapi.

Daniel 2:23

'Am, maye 'Am Natamnaxala' so ita'alpi, 'Am sanot da ña'achecỹaxac qataq 'Am sho'oxoren, cha'aye 'auo'ot da aỹem ỹaanaxanaxaic qataq aỹem 'añaxaic, cha'aye nagui aỹem 'aỹa'anem da saỹaten dam seỹaxanaqtaique, qataq qomi' 'auaỹaanaxanaxaneque dam ỹo'ot da lhuogoxo ñim nta'a.»

Daniel 4:26

Qaq dam namaxasoxonaxac co'ollaxa da qano'onaxatañi aso lamo qataq na lpa'a'pi aso qo'oipaq, damaye naigui da 'am qaỹe'eguelaxatot da 'aro'onataxanaxac 'am nta'a, qom 'auauatton da Ñim Lo'onatac 'Enauacna nacheñi ñim huo'o da la'añaxac.

Jonás 1:9

Nache so Jonás, 'enapeco': «Aỹem hebreo le'ec, qaq huo'o naq 'enec ñaqa'en Ñim Nataxala', maye lo'onatac na piguem, auaxai qataq ana 'alhua.»

Salmos 136:26

Qaỹa'añiỹot qome da qana'achecỹaxaqui Ñim Lo'onatac 'Enauacna maye neto'ot na piguem, cha'aye da lauotaxanaqtaic chochaq tatec.