Daniel 2:12 - La'aqtaqa Ñim Lo'onatac 'Enauacna 2013

¹² Qaq so nta'a, co'ollaq hua'axaỹa de'era, nache ỹataqta dalemata, nache damaxasoxoolec da qaỹalauat 'enauac so ỹaanaxanaxaicpi ye Babilonia.

Daniel 2:12 Referans Kwoze

Daniel 3:13

Nache so Nabucodonosor ỹataqta dalemata, nache damaxasoxoneugalo da qanauegueua'a somaye, so Sadrac, Mesac, qataq so Abednego. Qaq co'ollaq ivildeuo soomaye

Mateo 2:16

Qaq so Herodes co'ollaq ỹaỹaten da soua ỹaanaxanaxaiqa ỹatenache't, nache somaye ỹataqta dalemata. Nache damaxasoxoolec da qanmatchiguiñi da qaỹalauat so ñaqpiolec, nam cheta'ague da ñiguiñi qataq na mashe ivi' naua dos vi'iye da llaxa 'enauac som netaña ye nỹecpi le'enaxat Belén qataq naua loiguiye, ipagaqchiichiguilo soua vi'iye maye ỹecchiyiña soua ỹaanaxanaxaiqa co'ollaq ilora'a aso huaqaañi.

Daniel 3:19

Qaq so Nabucodonosor co'ollaq hua'axaỹa de'era la'aqta'c soomaye, nache ỹataqta ntoguec na lashec souaxat da lauel da ỹalleto'oto soua tres nsoxorolqa. Huaña nache damaxasoxoolec da siete da qaỹe'eguelaxalec da qaỹalonoigui aso nqatelaxanaxaqui, napacalec ye lcata naxa da qaỹalonoigui asomaye,

Salmos 76:10

Da lalemataic ca shiỹaxaua qalaq nmeneguet da 'año'oxonnataguec, ivira'a ca saq 'amaqtaq lalemataic qalaq ỹo'ot da 'ayo'oxoyec.

Daniel 2:5

Nache so nta'a 'enapeco': Mashe secoua'ai cam 'eetec so ichoxonaxac, qalaxaye qami' da saishet da aỹem qaua'axachem cam 'eetec som ichoxonaxac, nache qami' qailaxachiguilo qome, qataq na qarma'aipi 'eeta'am qome ca logosheguem lasogoñi.

Proverbios 29:22

Ca sa qaỹaloxonguit da lalemataic ỹo'ot da loquiaxac, qataq ca sancherapec camaye qalota na lsomaxac.

Proverbios 20:2

Ca nta'a da denotac qalaq 'eeta'am ca quiyoc da desoqtac, qaq ca inogoqchet camaye, nache huetalec da lchec da nachaalataxac.

Proverbios 19:12

Da lalemataic ca nta'a 'eeta'am ca quiyoc da desoqo, qaq da lqouagaxanaqtaic 'eeta'am na 'aỹa da talec na 'auaqpi.

Proverbios 16:14

Da lalemataic ca nta'a ỹa'axata'a da nleuaxa, qalaxaye naua la'aqtaqa ca ỹaanaxanaxaic ishet da nmanaqchet camaye.

Da na'aqtaguec so Job 5:2

Cha'aye da nalemataic taỹa'a da nleuaxa, qataq da nquiỹaxanaqtaic ỹalauat ca qaica ca ỹaỹaana'a.

Mateo 5:22

Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Daniel 2:24

Qaq co'ollaq ime de'era, nache so Daniel nqo'oneua'a so Arioc, som ỹamaq co'ollaxa so nta'a da ỹalauat som ỹaanaxanaxaicpi ye Babilonia, nache 'enapego', 'eeta': Saishet qome da 'aualauat nam ỹaanaxanaxaicpi. Ñaq aỹem 'auauegueua'a cam nta'a, yaqto' sa'aqtaxanem 'enauac da naigui som lchoxonaxac.

Daniel 5:19

Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec.