Daniel 2:11 - La'aqtaqa Ñim Lo'onatac 'Enauacna 2013

¹¹ 'Am nta'a, dam 'auỹaxaataique, damaye ỹataqta huo'o da lqalaic, qaica ca ishet da ỹa'axat, nachenata nam atamnaxala'pi. ¡Qalaxaye namayepi ye saishet da ỹalectaigui nam shiỹaxauapi!

Daniel 2:11 Referans Kwoze

Daniel 5:11

cha'aye de'era 'aro'onataxanaxac, huo'o ñim ỹale maye hueta'aguet so saqcha'a la'añaxac nam atamnaxala'pi maye qui'itta. Cha'aye som 'arta'a co'ollaq nta'a, nache ñi'iñi ỹale ỹachaxan co'ollaxa da hueto'ot da ỹataqtegue da ntoonaxac, qataq naỹaanataxanaxac, qataq ỹaanaxanaxaic 'eeta'am na atamnaxala'pi. Qaq ỹoqo'oye so nta'a Nabucodonosor maye 'arta'a, ỹanem co'ollaxa ñi'iñi ỹale da lataxala' 'enauac na 'oiquiaxaipi, na ilaviigui ca lỹa, na ỹaanaxanaxaicpi, qataq nam napaxagueetega ana huaqaañipi maye hueta'a ne'ena 'alhua,

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

Juan 14:23

Nache So Jesús 'enapeco': –Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye.

Juan 14:17

Qataq camaye qami' ỹapaxagueneque cam ỹoqta 'eesa lataxac. Qaq nam shiỹaxauapi maye sa ỹa'amaqten Ñim Lo'onatac 'Enauacna, namayepi saishet da ỹaconeguet camaye, cha'aye saishet da ila'a, qataq saishet da ỹauatton. Qami' qalaxaye qauauattoñi, cha'aye qami' hueta'agueta, qataq camaye nache 'eetai' da qami' netaiguilo.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Mateo 19:26

Nache So Jesús ỹamataiguilo soomaye, nache 'enapeco': –Na shiỹaxauapi ỹataqta lta'araic naqa'en da lqalaic de'era. Qalaxaye Ñim Lo'onatac 'Enauacna saishet da huo'o ca ỹaqalanapec.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Éxodo 29:45

Qaq Aỹem, nache sootaigui qome na Israel le'ecpi, nache namayepi Aỹem Natamnaxala'.

Génesis 41:39

Nache so faraón 'enapego' so José, 'eeta': «Ỹataqta qaica ca ỹactec da ỹaanataxanaxaic qataq ỹaanaxanaxaic da 'eeta'am 'am, cha'aye Ñim Lo'onatac 'Enauacna 'am ỹaỹaanaxanaxanec 'enauac de'era.

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

Joel 3:21

Qaq aỹem qome, sepalaique lvi' som qaỹalauatpi co'ollaxa, nache saishet da sechoxoren nam icoraxatre'c soua ltago'q som qaica ca ỹasouaxat. Qaq Aỹem Nataxala', nache sonaña qome ye Sión.

Isaías 8:18

Aỹem qataq na ỹalaqpi maye aỹem ỹanem Ñim Nataxala', qomi' la'anaqa'ate dam sa qaỹauanapega ne'ena Israel, dam chegoqo'ot Ñim Nataxala' maye Qaica ca Ỹaqalanapec maye netasheguema añi qasoxonaxa Sión.

Salmos 132:14

«'Ena qome na chochaq tatec da ỹanataqa', 'ena qome na ỹanataqa' cha'aye namaye ỹataqta saỹamaxareeta.

Salmos 68:18

'Am Ñatamnaxala', 'asheguema co'ollaxa na qaỹoqotcheguema da 'auauec na 'oxonecpi, nache 'auaconeguet ana lsheetenaxanaqte na shiỹaxauapi, qataq ivira'a na saỹalaq huo'o 'anqa'en añi isheeten.

2 Crónicas 6:18

Qalaxaye 'Am Atamnaxala', ¿peta'a 'ausheto' da 'aualectaigui na shiỹaxauapi maye netalec ana 'alhua? Ye na piguem maye ỹataqta qalochiguiñi qalaq saishet da 'am nalo'oguet da 'am nllañi, ¿qaq ca 'eeteco' da 'am nala'aguet da qonetaigui ana'ana atamnaxaqui maye sauotaique da 'arma'?

1 Reyes 8:27

Qalaxaye ¿peta'a 'eesa da Ñim Lo'onatac 'Enauacna, ishet da netalec ana 'alhua? Ye nam pa'asheguem na piguem maye ỹataqta qalochiguiñi, qalaq saishet da nalo'oguet, ¿qaq ca 'eeteco' da ishet da hueta'a ne'ena nỹec maye ño'oxoosheguem?

Números 35:34

Nache saishet da qana'aqchichi ca 'alhua maye qoñiỹalec qome, cha'aye nataqa'en Aỹem sootaña camaye, cha'aye Aỹem, maye nachaỹem Nataxala', nache sootaigui qome na Israel le'ecpi.»

Éxodo 8:19

Nache so 'oiquiaxaipi 'enapega so faraón, 'eeta': «Nacheñi Ñim Lo'onatac 'Enauacna ñim ỹo'ottac 'enauac de'era.» Qalaxaye so faraón ñaqaiyeta ỹataqta qaramchigui da lquiyaqteỹaxac, qaq saishet da ỹoqocha'a de'era. Qaq ipacchigui dam 'enapec co'olloxocheye Ñim Nataxala'.

Génesis 41:8

Qalaxaye so nte'etom so lỹa na'a'q nache so faraón ỹataqta lta'araic da lhuogoxo, nache damaxasoxoneuga da qanauegueuo 'enauac som ilaviigui na lỹa, qataq so ỹaanaxanaxaicpi maye lma' ye Egipto. Qaq huaña nache so faraón da'aqtaxanem somayepi soua lchoxonaxaco, qalaxaye somayepi qaica ca ishet da ỹa'axat ca naigui.

Isaías 47:12

Qaq nache qoqueto'ot qome da 'aye'eyaqnataxanaxac qataq dam 'araconaxanaxac maye 'anapaxagueetega co'ollaq ñaq 'am qa'añole, shapegueto' da huo'o ca naigui, qataq shapegueto' da 'auañoxot na shiỹaxauapi da 'am ñi'iỹa.

Daniel 4:4

Aỹem Nabucodonosor she'emaqtac co'ollaq soota'a ñi ima' lta'araic, qataq sootaigui da qaica ca seueetaique.