Daniel 2:10 - La'aqtaqa Ñim Lo'onatac 'Enauacna 2013

¹⁰ Nache 'enauac som ỹaanaxanaxaicpi ỹasateguet so nta'a, 'eeta': Ana 'alhua qaica ca ishet da 'am ỹa'axatem som 'auchoxootega. Qataq da lỹa 'eeta': Saỹauano' da huo'o ca nta'a, na'aictoxo' da 'amaqtaqaic qataq 'añaxaic, da iỹaxanot cam huo'o da no'onataguec, qataq ca ilaviigui ca lỹa, qataq ca ỹaanaxanaxaic da iỹaxaneua'a ca 'eeta'am de'era maye 'auỹaxaataique.

Daniel 2:10 Referans Kwoze

Daniel 2:27

Nache so Daniel ỹasat, 'eeta': Qaica ca ỹaanaxanaxaic, huo'otaq ca ilaviigui ca lỹa qataq ca huo'o da no'onataguec, huo'otaq cam napaxagueetega ana huaqaañipi da ishet da 'am da'aqtaxanem de'era saqcha'a, maye huotaique da 'auaỹaten 'am nta'a.

Isaías 47:13

'Am, qalota co'ollaxa na 'am detaqtaua'a, nache ivitta'a da 'anasamiisop. ¡Qaq ña nachaateuo 'anqa'en da yaqto' 'am mpaxaalec nam ỹaỹaten da lataxac ana huaqaañipi, qataq nam ishet da huo'o ca ỹa'axata'a da ilo'ot ana huaqaañipi, qataq nam 'am da'aqtaxaateguem naxa ima'ape naua ca'agoxoiqa da ỹa'axata'a cam ñaq natauo!

Daniel 2:2

Qaq huaña nache damaxasoxoneuga 'enauac som 'oiquiaxaipi, qataq som ilaviigui ca lỹa, qataq so 'iyaxaic lo'opi, qataq so ỹaanaxanaxaicpi, da yaqto' somayepi da'aqtaxanem somaye ca naigui se'eso lchoxonaxacpi. Nache somayepi jec da nachaateua'a so nta'a,

Daniel 3:8

Qalaxaye huo'oi co'ollaxa soua Caldea lashe' da iqopitaxanapec da ỹauo'o da lasouaxashet so judiopi, da ỹa'axateua'a so Nabucodonosor,

Daniel 4:7

Nache anac co'ollaxa 'enauac so 'oiquiaxaipi, qataq so ilaviigui ca lỹa, qataq so ỹaanaxanaxaicpi, qataq som napaxagueetegapi ana huaqaañipi na Babilonia, nache aỹem sa'axatem so ichoxonaxac, qalaxaye somayepi saishet da ỹañoxot da aỹem da'aqtaxanem cam naigui somaye.