Daniel 12:6 - La'aqtaqa Ñim Lo'onatac 'Enauacna 2013

⁶ Qaq so 'oonolec soomaye, inat so ỹale maye ỹaatrañi soua alogo maye chegaqaigui na lino, som nachattañi petalec so 'etaxat se'eso tala, 'eeta': ¿chaq lagui qaq ime de'era maye saqaỹauanapega?

Daniel 12:6 Referans Kwoze

Daniel 8:13

Qaq huaña nache sa'axaỹa so 'oonolec namaxashec piguem le'ec, da inattac so lỹa namaxashec piguem le'ec, 'eeta': «¿Chaq lagui qaq ime de'era semeenaqtac nachetaqtaxanaxac ye na'a'q maye qaỹachalec naxa añi nca'atoxonaxalate? ¿Chaq laỹe' qome qaq ime dam qauem nasouaxashet da qoỹaategueua'a añi atamnaxaqui maye lalamaqte Ñim Nataxala' qataq nam ỹa'amaqteetac Ñimaye da yaqto' qaỹapetapigui?»

Ezequiel 9:2

Qaq huaña nache sela'alo soua seis shiỹaxau' da pa'areuo, tatreua'a ñi lasom lta'araic maye datata'ague da sheu', qaq ñi 'oonolec soomaye nasoqta'a so lo'ogoxonaxat. Qaq nache ỹalectaiguilo soomaye so ỹale maye ỹaatrañi soua alogo chegaqaigui na lino qataq nshettañi so lo'onataxanaxat da deraxan. Qaq soomaye pa'areuo, nache huera'a ye saqaỹapeque aso nca'atoxonaxalate bronce.

Daniel 8:16

nache sa'axaỹa so lavilỹaxac na shiỹaxaua chemaqteuga aso tala Ulay maye, 'eeta': «Gabriel, 'aua'aqtaxanem de'era shiỹaxaua dam naigui so lauanaqchec.»

Apocalipsis 19:14

Qaq ca'attaueegue Somaye so alleppi piguem le'ecpi, ỹaatrañi naua alogo maye chegaqaiguilo na lino, ỹataqta ỹapaga'q qataq qui'itte', netalec na caaỹo lapagaxaicpi.

Apocalipsis 15:6

Qaq nache chegoqtroiguilo soua siete namaxa'she piguem lashe' ỹachetra'c soua siete napaxaco maye qaica ca 'ena'am da lche'c maye taỹa'alo da yo'o'q. Nataqa'en soomaye ỹaatrañi soua alogo maye chegaqaiguilo na lino, maye ỹataqta qaỹoqtegue añi lasheue ỹataqta qui'itte' qataq qashelectrapiguiñi, qataq naua ltogue npaxattaleguete na lpaqtaxanaxa't ndota't na chegaqaigui na lcat le'enaxat oro.

Apocalipsis 6:10

Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»

1 Pedro 1:12

Qalaxaye Ñim Lo'onatac 'Enauacna ỹaỹaanaxanaxanec somayepi da de'era ỹa'axattac saishet da lalamaxat somayepi, cha'aye damaye qaỹauotaique da qaralamaxache. Qaq 'era dam na'aqtaxanaxac maye qami' ỹanema som qami' da'aqtaxanema da no'on na'axaỹaxac. Qaq somayepi ỹachegoxotchigui da la'añaxac So Saqcha'a Na'añaxac Qui'itta maye chegoqo'ot na piguem. ¡Qaq de'era nachera da huotaique nataqa'en da ỹauaachigui co'ollaxa nam chegaqasheguem lamaxashecpi Ñim Lo'onatac 'Enauacna!

Efesios 3:10

Qaq qoỹeetec de'era nagui, yaqto' ishet da chegoqchigui qanqa'en na 'amqaanataxanaxaicpi da 'enauac nam 'añaxaicpi qataq nam damaxasoxonapecpi maye hueto'ot na piguem ishet da ỹaỹaten 'enauac na ỹotta'a't laỹaaneguesat Ñim Lo'onatac 'Enauacna.

Salmos 74:9

Qaq mashe sa selaqa'a da netasheguem ana qara'anaxanaqtepi, qataq qaica ca na'aqtaxanaxanec qataq sa saỹaanaq ca ivitta'ague qome de'era.

Mateo 24:3

Qaq co'ollaq ime de'era, nache So Jesús qataq soua lapaxaguenataqa taresheguemec aso saqaỹoqotcheguemec 'alhua maye nanqa' ana Olivo. Nache So Jesús nso'ooñi, nache co'ollaq ndoteto soua lapaxaguenataqa, nache qainat Somaye, qoỹeeta': –Sauoqtaique da qomi' 'aua'axatema ¿chaq lagui qaq ivita de'era, da qailaxachigui añi no'onaxanaxaqui late'erai? ¿Ca 'eetec da saỹaanaq da ỹoltaq 'añe'eguelaq qome, qataq da ivita cam loga't ana 'alhua? ¿Chaq 'eetec ca la'anaxat qome?

Marcos 13:4

–¿Chaq lagui, qaq ivita ca laloqo' da qailaxachigui añi no'onaxanaxaqui late'erai? Qataq ¿chaq negue't ca la'anaxat 'enauac de'era qom ivita da ipacchigui?

Daniel 12:5

Qaq aỹem Daniel, sela'alo soua lỹa't dos ỹale't nachattrañi, so 'oonolec neto'ot na loigue so tala, qaq so lỹa qalaq neto'ot so lỹa loigue.

Daniel 12:8

Qaq aỹem sa'aqchigui co'ollaxa se'eso ỹa'axattac, qalaxaye saishet da saỹaaneguet. Qaq huaña nache senat somaye, sheeta': 'Am Nataxala', ¿chaq negue't cam huo'o qom ime 'enauac de'era?