Daniel 12:2 - La'aqtaqa Ñim Lo'onatac 'Enauacna 2013

² Qalota qome cam do'ochetapi maye huetangui aca nhuachiqui, qalaq nlouec qome: qaq huo'o qome ca chochaq tatec da nca'altauec qataq huo'o qome ca nca'alec qalaxaye nque'etaxangui ca chochaq tatec la'agaxa qataq ca qauem.

Daniel 12:2 Referans Kwoze

Isaías 26:19

Qalaxaye so 'aralamaxatpi maye ileu, somayepi qaltaq nca'alec qome, so mashe qailareñi qalaq ỹoltaq nca'alec qome, qaq nam do'ochetapi maye huetaigui ana 'alhua qalaq nlouec qome nache ỹa'alaqtagui souaxat da ntonaxac, cha'aye 'am 'anamaxa qome ca 'arcoỹaraxanaxac 'eeta'am 'anqa'en na 'aỹa ye nte'etom, nache nam leuaxaicpi chegoqtoigui qome ana 'alhua da qaltaq nachaañi.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Ezequiel 37:12

Qaq ỹoqo'oye 'auachegoxotchigui da ỹe'enaxat da 'aua'aqtaxanem namayepi, qoneta': Da la'aqtac Ñim Nataxala', 'eeta': Qami' ỹalamaxat nhuo' le'ecpi, Aỹem sauaangui qome ana huachiquipi maye qoviitangui, qami' sachegoxotchiguinguilo anamayepi da qami' ñeqatyeshegue'm, nache so'ot da qavi'eguelaqaỹa ye 'alhua ye Israel.

Apocalipsis 20:12

Nache sela'a 'enauac nam ileu co'ollaxa nam qaica ca la'amaqchec qataq na 'añaxaicpi, nachattaua'a aso so'onaxaqui. Huaña, nache qaỹauachigui aso nerepi maye nanettalec nam ỹo'ot ñim 'oonolec shiỹaxaua. Nataqa'en qaỹauachigui aso lỹa nere maye naneraxalate nam qanca'alaxatec qataq chochaq tatec da hueta'aguet Ñim Lo'onatac 'Enauacna. Qaq nam leuaxaicpi qanmit ñi 'oonolec qaipagaqchiichigui nam ỹo'otpi maye nanettalec asa'aso nerepi.

Hechos 24:15

Qataq nache shena'am namayepi dam qanaquitaxac Ñim Lo'onatac 'Enauacna da na leuaxaicpi ishet da qaltaq nca'alec naqa'en, cam no'on da lataxac qataq cam qauem da lataxac.

1 Ts 4:14

Qomi' sa'amaqtenaq So Jesús da ileu co'ollaxa, qalaxaye qaltaq nca'alec, qaq nache 'eetec nataqa'en da Ñim Lo'onatac 'Enauacna nca'alaxateeguesop da nleuaxa nam ỹa'amaqteetac Somaye.

Isaías 66:24

Qaq qom anac namayepi nache ilalec na shiỹaxauapi leuaxaicpi, nam shiỹaxauapi maye Aỹem dataỹa'aguet co'ollaxa. Qaq saishet qome da ileu nam qoche'lpi maye chec qome namayepi, qataq saishet qome da 'om cam norec maye ỹavigaxat namayepi. ¡Nache 'enauac qome na shiỹaxauapi da deqaiga namayepi!»

Jeremías 20:11

Qalaxaye 'am Nataxala', aỹem qoueta'aguet qoneta'am ca alaataxaic maye saqanauec, nam aỹem icaatacpi qalaq huañi qome, nache saishet da aỹem loxonec, namayepi saipac qome cam 'eetapeguec, nache huo'o da la'aloxo, nache chochaq tatec qome da ne'enaguec qataq saishet da qaicoua'ai.

Oseas 13:14

Qaq namayepi, ¿peta'a ñeca'alaxateeguesop qome da la'añaxac añi huachiqui? Qataq ¿peta'a ñeca'alaxateeguesop qome da nleuaxa? Qaq 'am nleuaxa ¿Hueta'ague ca 'ara'añaxac? 'Am huachiqui ¿Hueta'ague cam qauem 'aro'onataxanaxac? ¡Aỹem saishet da sechoxoreetac qome ne'ena shiỹaxauapi!

Romanos 9:21

Cha'aye cam 'alhua lo'o, camaye maiche ỹoiqueetac ca nshaxa ca lataxac naqa'en. Camaye ishet da ỹachegoxotchigui que'eca 'alhua, da ỹo'ot aca lo'oxona 'alhua maye taiguet da qaiuen da ivita ca laloqo' cam no'onataxanaxac maye lataxaua acamaye, qataq nataqa'en acam taiguet da qaiueetac ye na'a'q.

Hechos 7:60

Qaq co'ollaq ime, nache ỹa'alyiñi naua l-llectel, nache ỹataqta na'axannec da la'alaxac, 'eeta': –'Am Ỹataxala', saishet qome da 'aulogui da lasouaxashet ne'enapi. Qaq co'ollaq ime da nasaxauec de'era la'aqtac, nache ileu.

Proverbios 12:8

Ca ỹale qaỹo'oxoren souaxat da huo'o na laỹaanec, qaq ca qauema naua lhuennataxaco qalaq nda'a't da no'otanaguec.