Daniel 12:12 - La'aqtaqa Ñim Lo'onatac 'Enauacna 2013

¹² Qaq ỹataqta machiguiñi qome cam huo'o da lpi'iỹaxac, choche inoxootre'c naqa'en caua mil trescientos treinta y cinco na'axa'te.

Daniel 12:12 Referans Kwoze

Daniel 8:14

Nache so lỹa namaxashec piguem le'ec ỹasat, 'eeta': «Qomye qom ivittrec caua dos mil trescientos avit, qataq nte'eta, nache qaiqui'itaxat qome añi atamnaxaqui.»

Isaías 30:18

Qalaxaye Ñim Nataxala' qami' iuatta'alo, da yaqto' qami' ichoxore'n, Ñimaye ỹataqta huo'o da lyaxa da qami' ỹachaxanalo da lsoxoyec, cha'aye Ñim Nataxala' ỹataqta no'on da lataxac. Qaq ỹataqta machiguiñi qome 'enauac nam pi'iỹa'a Ñimaye.

Apocalipsis 20:4

Qaq can ime, nache sela'a aso so'onaxaquipi. Qaq asomayepi nso'ootangui som qaỹalauatpi co'ollaxa, souaxat da saishet da ỹaxanec da lpi'iỹaxac So Jesús, qataq da la'aqtaxanaxac Ñim Lo'onatac 'Enauacna. Somayepi nacheso so saishet da ỹo'oxoren so shiguiỹac leguemaxaic qataq som ne'enaqtac maye lqui'i somaye, qataq saishet da nasheneguet aso la'anaxanaqte da yaqto' qaỹa'an na latap, qataq na lhuaq. Qataq sela'a somayepi da qaltaq nca'alec, nache Ñim Lo'onatac 'Enauacna ỹami' da lo'onataxanaxaua Ñim Lca'aguishec Ñimaye, choche iviraxattraue'c caua mil vi'iye.

Romanos 11:15

Cha'aye Ñimaye da huo'otaq imaqa'aguet nam judiopi, nache ỹaconeguet nam laỹepi shiỹaxauapi maye huetalec ana 'alhua, nache ¡chaq 'eetec qome que'eca na'a'q na judiopi qom ỹoltaq ỹaconeguet! ¡Damaye qome ỹataqta 'eeta'am ca leuaxaicpi da ỹaconeguet ca nca'alaxa maye chochaq tatec!

Apocalipsis 11:2

Qalaxaye saishet qome da 'analoqten ye nqasoxoc añi no'onaxanaxaqui, cha'aye yi'iye ndaqa' sanem nam saishet da ỹa'amaqten Aỹem. Namayepi ilo'ogue qome ye Jerusalén iviraxattre'c caua tres vi'iye qataq laiñi ca lỹa vi'i.

Apocalipsis 12:6

Qaq asa'aso 'alo qalaq datauec, taỹa cam toolec 'alhua, qaq huaña da Ñim Lo'onatac 'Enauacna ỹami' ca lma' qataq ilo'ogue, iviraxattre'c caua tres vi'iye qataq ca laiñi ca lỹa vi'i.

Apocalipsis 13:5

Qaq se'eso shiguiỹac leguemaxaic qaỹasheetem da 'eetega 'amaqtaqaic qataq da ỹa'axat da 'eetega nacheñi Ñim Lo'onatac 'Enauacna. Qataq nataqa'en qoỹami' da lo'onataxanaxac ca nta'a iviraxattre'c caua cuarenta y dos ca'agoxoiqa.

Ezequiel 4:6

Qaq qom inoxoorec que'ecaua na'axa'te, nache qaltaq 'apa'axaañi na 'oiguishec 'araỹe da 'annaañi, nache 'anỹoxola't na lasouaxashetpi na nhuo' le'ecpi ye Judá, nache ivittrec caua cuarenta na'axa'te. 'Oonolec na'a'q ye 'oonolec vi'i na lasouaxashetpi namaye.