Daniel 12:11 - La'aqtaqa Ñim Lo'onatac 'Enauacna 2013

¹¹ Qaq mil doscientos noventa na'axa'te caua inoxoore'c qome, chegoqchiguiña cam huaigui da qaỹa'axaneguet cam nachetaqtaxanaxatpi maye qoỹaategueuo naxa ye na'a'q, nache nmeneguet qanqa'en cam nachetaqtaxanaxat maye ỹataqta qauem da qoỹaneua'a aca atamnaxaqui maye lalamaqte Ñim Nataxala'.

Daniel 12:11 Referans Kwoze

Daniel 11:31

Qaq cam nalleppi, qalaq ishepaxanaqchet qome aca atamnaxaqui, qataq cam mpaqtaxanaxatpi, qataq ỹa'axaneguet qome aca qoỹaategueuo nachetaqtaxanaqtepi ye na'a'q, nache nmeneguet naqa'en ca nachetaqtaxanaxat maye ỹataqta qaiqaiga.

Mateo 24:15

So Jesús queto'ot da na'aqtaxaategueto soua lapaxaguenataqa, da'aqtaxaateguema cam loga't ana 'alhua, nache 'enapeco': Cam itaxaỹaxan de'era, nache iuen da npogoxoinapegue' da ỹaỹaten dam ỹa'axat som la'aqtaxanaxanec Ñim Lo'onatac 'Enauacna le'enaxat Daniel. Somaye ỹiyiñi co'ollaxa da huo'o ca na'a'q, nache qoỹaneua'a aca qauem nachetaqtaxanaqte añi no'onaxanaxaqui late'erai. Qaq qom qauloỹa'a yi'iye ndaqa' añi no'onaxanaxaqui maye sa qaishetapec da ipacchigui dam ỹa'axat co'ollaxa so na'aqtaxanaxanec, nache qami' qome qauataiuec.

Marcos 13:14

Qaq cam itaxaỹaxan de'era, nache iuen da mpogoxoinapegue' da ỹaỹaten de'era sheetega. Qom qauloỹa'a ca ne'enaqtac maye ỹataqta qaiqaiga da hueta'a ye ndaqa' maye saishettaxa da hueta'a, nache sa qanaỹaloxoñi qome da qauataiueeguesop. Qaq nam shiỹaxauapi maye hueta'a na 'alhua Judea, no'on da datauec da tasheguema ana qaỹoqotcheguemec 'alhuapi,

Daniel 9:27

Qaq huaigui qome ca lỹa la semana nache que'eca nta'a naỹamaxate' qome ca qalota shiỹaxauapi, qalaxaye ca laiñi que'eca la semana, nache ỹa'axaneguet qome na nachetaqtaxanaxatpi maye qaỹavigaxatta, qataq ana laỹe nachetaqtaxanaqtepi. Qaq huo'o qome ca ỹataqta qauem qaỹo'ot da hualec qanqa'en añi nca'atoxonaxalate maye lmalate na nachetaqtaxanaxat qaỹavigaxatta, nache ivitta'a da cam nlaqtaxanaxac maye qalapaxañi co'ollaxa talec cam ỹo'ot de'era qauem.»

Apocalipsis 13:5

Qaq se'eso shiguiỹac leguemaxaic qaỹasheetem da 'eetega 'amaqtaqaic qataq da ỹa'axat da 'eetega nacheñi Ñim Lo'onatac 'Enauacna. Qataq nataqa'en qoỹami' da lo'onataxanaxac ca nta'a iviraxattre'c caua cuarenta y dos ca'agoxoiqa.

Apocalipsis 11:2

Qalaxaye saishet qome da 'analoqten ye nqasoxoc añi no'onaxanaxaqui, cha'aye yi'iye ndaqa' sanem nam saishet da ỹa'amaqten Aỹem. Namayepi ilo'ogue qome ye Jerusalén iviraxattre'c caua tres vi'iye qataq laiñi ca lỹa vi'i.

Daniel 7:25

Qataq isheueetac qome Ñim Nataxala' maye Nataỹaña 'Enauacna, qataq nquigaxattañi qome nam nhuo' le'ecpi maye lalamaxat Ñimaye, qataq nmitaique qome ca lataxac da naralaxat na lqataxacpi Ñim Lo'onatac 'Enauacna, qataq nam lataxacpi da na'amqaanataxanaxac, nache na nhuo' le'ecpi maye lalamaxat Ñim Lo'onatac 'Enauacna, huetalec qome da la'añaxac camaye, choche ivittre'c caua tres vi'iye qataq ca laiñi ca lỹa vi'i.

Daniel 8:26

Qaq som 'arauanaqchec co'ollaq 'am qaỹachaxana so avit qataq nte'eta, somaye ỹataqta 'eesa, qalaxaye 'am saishet qome da 'aua'axattac, cha'aye somaye ipacchigui qome da yo'oq qom qaỹoqteguelo naua vi'iye.

Daniel 1:12

Aỹem 'am ñachoxonnot da ñaq 'avi'igue'n qome ne'enaua 'aramaxa'she: 'Auauo'o qome ca 'ara'aqtac da ivittrec caua diez na'axa'te da sacheguenaqtac qanqa'en ana huoue maye nañiguishe, qataq da nda'a't na 'etaxat da ñeỹomaqtapigui.

Apocalipsis 12:6

Qaq asa'aso 'alo qalaq datauec, taỹa cam toolec 'alhua, qaq huaña da Ñim Lo'onatac 'Enauacna ỹami' ca lma' qataq ilo'ogue, iviraxattre'c caua tres vi'iye qataq ca laiñi ca lỹa vi'i.

Ezequiel 4:6

Qaq qom inoxoorec que'ecaua na'axa'te, nache qaltaq 'apa'axaañi na 'oiguishec 'araỹe da 'annaañi, nache 'anỹoxola't na lasouaxashetpi na nhuo' le'ecpi ye Judá, nache ivittrec caua cuarenta na'axa'te. 'Oonolec na'a'q ye 'oonolec vi'i na lasouaxashetpi namaye.

Oseas 3:4

Cha'aye qaỹoqtrec qome caua na'axa'te da na Israel le'ecpi, qaica ca lta'a, lataxala', qataq qaica ca lachetaqtaxanaxat, qataq aca lca'atoxonaxalatepi qataq qaica ca ltogue lapoxot, qataq ca natamnaxala' na maiche llalaqpi.

Éxodo 29:38

«Qaq 'enauaque naua na'axa'te da 'auachalec qome aca nca'atoxonaxalate da 'auavigaxattac aca nachetaqtaxanaqte. Ye 'oonolec na'a'q dos qagueta ca mashe ivi' ca 'oonolec vi'i ca 'aỹa'aareuo.