Daniel 11:9 - La'aqtaqa Ñim Lo'onatac 'Enauacna 2013

⁹ nache cam nta'a maye lma' da sheu', nmitaique qome ca lataxac da inoxotaua'a ye 'alhua maye pa'aigue da taguiñi, qalaxaye camaye saỹañoxot qome nache ca'ai da ỹe'eguelaxa ye na'alhua.

Daniel 11:9 Referans Kwoze

Daniel 11:5

Qaq ca nta'a maye lma' da taguiñi, camaye ỹataqta 'añaxaic qome, qalaxaye ca 'oonolec cam lataxala' cam nalleppi, ỹactec qome da la'añaxac napacalec camaye, nache camaye nquigaxattauec qome da lo'onataxanaxac da ilo'ogue ca lta'araic 'alhua.

Daniel 11:8

Qaq nataqa'en era'a qome ye Egipto ca atamnaxala'pi maye chegaqaigui na nqatelliguishec lcat, qataq cam laỹepi no'on nogoxoshetpi maye chegaqaigui na oro qataq na lcat plata. Qaq qom huo'oi caua inoxoorec vi'iye, da qaica ca alaataxac que'ecaua dos 'alhua,

Daniel 11:10

Qalaxaye caua llalqa cam nta'a maye lma' da sheu', naỹamaxa't qome da yaqto' ỹo'ot ca alaataxac, nache laỹona't cam qalota nalleppi. Nache ca 'oonolec caamaye lỹatac qome ca nalleppi da iloquiaxan da yaqto' deuotaxanec ye 'alhua maye pa'aigue da taguiñi, nache ỹataqta ilaxachigui 'enauac dam tata'ague, 'eeta'am ca tala da ipa'axanec, ime qome nache qaltaq ỹe'eguelaxalec da iloquiaxan nache iviraua'a cam qampaxattaua'a nỹec maye lalamaxat ca nta'a maye lma' da taguiñi.

Daniel 11:11

Qaq de'era ỹo'ot qome da dalemata ca nta'a maye lma' da taguiñi, nache camaye nnaicapegue' qome ca nalleppi da delogui' cam nta'a maye lma' da sheu', nache loxonec na'aictaxa da camaye qalota ca nalleppi.

Zacarías 6:6

Qaq aso naigona maye lauegaxala'ate soua caaỹo lairaxaiqa, taỹa ye 'alhua maye pa'aigue da sheu', qaq aso lauegaxala'ate soua caaỹo lapagaxaiqa, qalaq taỹa ye 'alhua maye pa'aigue da avit, qaq aso lauegaxala'ate soua caaỹo maye ỹapagaqalec da lo'oxoỹaxa'c, qalaq taỹa ye 'alhua maye pa'aigue da tagueñi.»

Apocalipsis 17:14

Ime, nache se'eso shiguiỹac leguemaxaic qataq soua diez nta'al deloguito So Qagueta Llalec. Qalaxaye So Qagueta Llalec qataq som ca'attague'pi nauec soomaye. So Qagueta Llalec dauegaxan, cha'aye nacheso so ỹactec da 'amaqtaqaic, saq 'ena'am na laỹepi nataxala'pi qataq nacheso so ỹactec da la'añaxac napacalec na laỹepi nta'alpi. Somaye hueta'aguet nam ca'attague'pi. Ñim Lo'onatac 'Enauacna iỹaxana namayepi qataq lca'aguishecpi, cha'aye nache 'eetai' naxa da ỹalaq.»