Daniel 11:8 - La'aqtaqa Ñim Lo'onatac 'Enauacna 2013

⁸ Qaq nataqa'en era'a qome ye Egipto ca atamnaxala'pi maye chegaqaigui na nqatelliguishec lcat, qataq cam laỹepi no'on nogoxoshetpi maye chegaqaigui na oro qataq na lcat plata. Qaq qom huo'oi caua inoxoorec vi'iye, da qaica ca alaataxac que'ecaua dos 'alhua,

Daniel 11:8 Referans Kwoze

Isaías 37:19

qataq ỹasaxangui co'ollaxa so norec so natamnaxala'pi, cha'aye saishet da 'eesa da atamnaxala'pi, somayepi chochaq 'epaq qataq coma', maye lo'onatac cam shiỹaxaua. Qaq ỹoqo'oye ishet co'ollaxa da ilaxachigui.

Oseas 13:15

Qaq na Israel, na'aictaxa qome da dasovi da 'eeta'am aca huoue, qalaxaye anac qome ca la'at maye chegaqa'ague da nala' lliguisheguem, cam lta'araic la'at maye chegoqtelec ye toolec 'alhua, nache deqaqa naqa'en ana laỹe'pi na 'etaxat qataq na npaxaatasheguem 'etaxat. Qataq na npa'aguenaxauapi namayepi deuotaxanec qome na logoxoshetpi, qataq nam ỹataqta no'on no'otaxatpi.

Oseas 8:6

Cha'aye ñi'iñi huaca llalec ñimaye lalamaxat na Israel le'ecpi, ñimaye le'enaqtac som ỹaỹaten da le'enaqtaxanaxac, qaq ñimaye saishet da nacheñi Ñim Lo'onatac 'Enauacna. Qaq ỹoqo'oye ñi'iñi huaca llalec, maye netaña ye Samaria, ñimaye dolagui qome.

Daniel 10:3

Nache saishet da sachec ca no'on nallec, qataq saishet da she'eguen ca lapat, qataq ca lataxa, qataq saishet da huo'o ca ñecoyigui coraxat, choche ivitta'a da inoxoore'c se'esoua tres semanas.

Jeremías 46:25

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': «Aỹem sauo'o qome ca nhuaxanaguec ñi Amón, maye atamnaxala' ye Tebas, qataq ye Egipto cañe' ñaqa'en nam natamnaxala'pi, qataq nam lta'alpi, qataq ñi faraón qataq nam ỹa'amaqteetac ñimaye.

Isaías 2:16

qataq dataỹa'aguet 'enauac nam 'eetega 'eeta'am ana notaxaquipi da qanayiguingui na 'etaxat maye chegaqa'a ye Tarsis, huo'otaq ana notaxaquipi maye ỹataqta huo'o da lyac.

Jueces 18:24

Nache so Micaía 'enapec: Qami' qauotaxañic ca ñatamnaxala'pi maye maiche ỹo'onatacpi, qataq qanaviqui ca ntaxaỹaxanaxanec, nache ỹataqta qaica ca aỹem qano'onaxachiỹo'ot. Qalaq aỹem qaunachiitac, qoñiita': ¿Ta'ainco' 'am?

Deuteronómio 12:3

Qataq qaulaxachiigui qome 'enauac aye lca'atoxonaxalatepi coma', qataq qauavigaxache ye lqui'ipi aso Aserá, qataq na laỹe natamnaxala'piolec, nache ỹataqta qauapalaxache 'enauac na le'enaxatpi namayepi yi'iye 'alhua.

Números 33:4

qaq so Egipto le'ecpi, ñaq ilattapiguiñi co'ollaxa so la'auaxanec llalaqpi maye Ñim Nataxala' ileu naqa'en, qataq Ñimaye nataqa'en ỹo'ot co'ollaxa da nhuaxanaguec so lataxala'pi somayepi.

Éxodo 12:12

Qaq que'eca pe nache Aỹem ñanaguelec 'enauac na Egipto. Nache salauat 'enauac na la'auaxanec llalec na Egipto le'ecpi, nataqa'en nam la'auaxanec llalec na na'atetpi. Qataq sauo'o da nhuaxanaguec 'enauac na l-latacpi na Egipto le'ecpi. Aỹem Nataxala', 'era da ỹa'aqtac.

Génesis 31:30

Qalaxaye, ye ỹataqta huo'o da 'aryaxa da 'avi'eguelaxa ca lma' ca 'arta'a, qaq ¿ta'ainco' ye 'aucachiỹalo caua iqolac?»

Daniel 11:9

nache cam nta'a maye lma' da sheu', nmitaique qome ca lataxac da inoxotaua'a ye 'alhua maye pa'aigue da taguiñi, qalaxaye camaye saỹañoxot qome nache ca'ai da ỹe'eguelaxa ye na'alhua.

2 Samuel 5:21

Cha'aye nataqa'en huaña co'ollaxa yemaye da so filisteopi ỹalat so lqolacpiolec, nache so David qataq so nalleppi laỹona't somayepi nache ỹache.