Daniel 11:5 - La'aqtaqa Ñim Lo'onatac 'Enauacna 2013

⁵ Qaq ca nta'a maye lma' da taguiñi, camaye ỹataqta 'añaxaic qome, qalaxaye ca 'oonolec cam lataxala' cam nalleppi, ỹactec qome da la'añaxac napacalec camaye, nache camaye nquigaxattauec qome da lo'onataxanaxac da ilo'ogue ca lta'araic 'alhua.

Daniel 11:5 Referans Kwoze

Daniel 11:25

Qaq camaye souaxat da nomteguet da la'añaxac, nache nnaictague' ca qalota alleppi da iloquiaxan ca nta'a maye lma' da taguiñi. Qaq que'eca nta'a maye lma' da taguiñi, dataỹa'aguet qome camaye, nache lỹatac ca qalota qataq 'añaxaicpi nalleppi, qalaxaye que'eca nta'a maye lma' da taguiñi qaỹatenachet qome, nache saishet da nalo'oguet da dataỹa'aguet que'eca mpa'aguenaxauapi.

Daniel 11:14

Qaq qom yo'oq de'era, nache qalota qome ca dataỹa'aguet ca nta'a maye lma' da taguiñi. Qaq camayepi huo'o qome ca ỹalectaigui ỹalleppi qauemaicpi maye lma' ye Israel, qaq ipacchigui qome som 'arauanaqchec co'ollaxa, qalaxaye camayepi saishet qome da dauegaxan.

Daniel 11:11

Qaq de'era ỹo'ot qome da dalemata ca nta'a maye lma' da taguiñi, nache camaye nnaicapegue' qome ca nalleppi da delogui' cam nta'a maye lma' da sheu', nache loxonec na'aictaxa da camaye qalota ca nalleppi.

Daniel 11:40

Qaq qom ivita que'eca loga't, nache ca nta'a maye lma' da taguiñi, iloquiaxan ca nta'a maye lma' da sheu', qalaxaye que'eca nta'a maye lma' da sheu', ca'ata'aguet qome camaye, nache 'eeta'am ca la'at lta'araic da iloquiaxan ca nta'a maye lma' da taguiñi, nache aca nnaigonapi maye alaataxaquipi imattalec qome que'eca 'alhua, qataq ca qalota nalleppi maye netalec na caipi, qataq aca qalota notaxaquipi da quiguingui na 'etaxat.

Zacarías 6:6

Qaq aso naigona maye lauegaxala'ate soua caaỹo lairaxaiqa, taỹa ye 'alhua maye pa'aigue da sheu', qaq aso lauegaxala'ate soua caaỹo lapagaxaiqa, qalaq taỹa ye 'alhua maye pa'aigue da avit, qaq aso lauegaxala'ate soua caaỹo maye ỹapagaqalec da lo'oxoỹaxa'c, qalaq taỹa ye 'alhua maye pa'aigue da tagueñi.»