Daniel 11:40 - La'aqtaqa Ñim Lo'onatac 'Enauacna 2013

⁴⁰ Qaq qom ivita que'eca loga't, nache ca nta'a maye lma' da taguiñi, iloquiaxan ca nta'a maye lma' da sheu', qalaxaye que'eca nta'a maye lma' da sheu', ca'ata'aguet qome camaye, nache 'eeta'am ca la'at lta'araic da iloquiaxan ca nta'a maye lma' da taguiñi, nache aca nnaigonapi maye alaataxaquipi imattalec qome que'eca 'alhua, qataq ca qalota nalleppi maye netalec na caipi, qataq aca qalota notaxaquipi da quiguingui na 'etaxat.

Daniel 11:40 Referans Kwoze

Daniel 11:35

Qaq nataqa'en huo'o qome ca qaicanapec cam ỹapaxagueetac que'eca nhuo' le'ecpi, qaq yaqto' qom huo'o que'eca ñe'eguenataguec nache ishet da qui'itta, qataq ỹaỹamaqchiguiñi da lataxac, nache ivitta'a cam laloqo' maye mashe qaỹa'axata'a.

Daniel 11:10

Qalaxaye caua llalqa cam nta'a maye lma' da sheu', naỹamaxa't qome da yaqto' ỹo'ot ca alaataxac, nache laỹona't cam qalota nalleppi. Nache ca 'oonolec caamaye lỹatac qome ca nalleppi da iloquiaxan da yaqto' deuotaxanec ye 'alhua maye pa'aigue da taguiñi, nache ỹataqta ilaxachigui 'enauac dam tata'ague, 'eeta'am ca tala da ipa'axanec, ime qome nache qaltaq ỹe'eguelaxalec da iloquiaxan nache iviraua'a cam qampaxattaua'a nỹec maye lalamaxat ca nta'a maye lma' da taguiñi.

Isaías 5:28

Aca lchecnapi qalaq ỹataqta ỹaxaraipi, qaq ca lchecnecpi qalaq ỹataqta ichegaxattelec. Aca naro'opi ca lalopi caipi qalaq 'eeta'am na coma', qaq naua lasaxanna acam laigonapi qalaq 'eeta'am ana daua'ache,

Apocalipsis 16:12

Qataq jec so lỹa namaxashec piguem le'ec da icorelec so huetagui aso ỹomaxaqui so lta'araic tala le'enaxat Éufrates. Huaña, nache 'em na le'ec 'etaxat se'eso tala da yaqto' so nta'alpi maye chegaqa'ague da nala' lliguisheguem, ishet da ỹa'axasoxoolec somaye.

Zacarías 9:14

Ñim Nataxala' nachaxan qome, da hueta'aguet na lalamaxat nhuo' le'ecpi; qaq da ỹaỹenec aca lchecna qalaq 'eeta'am da layaqchec ca nqashelgaxa. Ñim Lo'onatac 'Enauacna maye Nataxala', ỹasheeyegui qome aca lasheere, ime nache jec, queuoigui na la'at maye chegaqa'ague da taguiñi.

Daniel 12:4

Qalaxaye 'am Daniel, saishet qome da 'aua'axattac de'era, qataq 'aunana't ana'ana nere, nache 'autoqoolec aca 'ara'anaxanaqte da 'auapogui, choche ivitta'a qome da ivita cam loga't. Qalota qome ca shiỹaxauapi maye coleetega't, nmittaique da nquigaxatec da lauattonaxanaxac.

Ezequiel 38:4

Aỹem 'am she'eguelaxat qome, shemaqtagui na 'ap aca qoina, 'am so'orauec qome, qataq na 'analleppi, qataq na netalec naxa na caipi maye ỹaatrañi naua no'oñi anogo. Nam qalota alleppi maye na'atchigui naxa na lainecpi, qataq ana lpaqtaxanaqtepi maye ỹotta'a't da lataxac.

Jeremías 4:13

Ña qauloỹa nam pa'aguenaxauapi mashe anacta, 'eeta'am na lo'oc na piguem, ana nnaigonapi maye nalaataxaquipi qalaq 'eeta'am ana daua'ache, qaq na lalopi caipi qalaq ỹataqta qayaqaicpi napacalec na vi'icpi. ¡Choxoraiqolqa qomi' mashe seqataq!

Isaías 21:1

Da na'aqtac da qaỹa'axata'a ye toolec 'alhua maye huaqta'ai' aye auaxai, 'eeta': 'Eeta'am ca la'at maye chegoxogue da taguiñi, da anac nam chegaqalec ye toolec 'alhua, yem 'alhua maye ncolanaxat.

Apocalipsis 9:16

Ime, qaq sa'axaỹa ye lcata so alleppi maye nalaataxala' na caaỹo, qaq ivi' na doscientos millones.

Daniel 11:22

Nache loxonec qome cam 'añaxaicpi maye dataỹa'aguet camaye, qataq nataqa'en ỹalauat qome cam nataxala' maye naỹamaxate' co'ollaxa.

Daniel 8:17

Qaq huaña, nache somaye aỹem nquigueua'a. Qaq aỹem ỹataqta she'e, nache sa'alyiñi naua illecte, seviraxata'aguet na ỹatap na 'alhua, qalaxaye somaye aỹem 'enapega, 'eeta': «'Am shiỹaxaua llalec, iuen da 'auaỹateeta de'era 'arauanaqchec da ỹa'axatta'alo caua pa'atrec na'axa'te.»

Isaías 66:15

Cha'aye Ñim Nataxala' qom anac qalaq nactaigui ca norec, aca nnaigonapi qalaq 'eeta'am qome ana daua'ache, huaña nache icorec na le'eraxa da layeloxo, qataq nalaqaasheguem na le'eraxa da lhuaxanaxanaxac.

Daniel 11:7

Qalaxaye ca 'oonolec cam chegoxoguet iloquiaxan qome ca alleppi maye lma' da sheu', nache deuotaxanec ca qampaxattaua'a nỹec maye lle'eguenaxaqui ca nta'a, qaq qom loxonec nache maiche ỹoiqueetac cam ỹo'otec camaye.

Daniel 11:11

Qaq de'era ỹo'ot qome da dalemata ca nta'a maye lma' da taguiñi, nache camaye nnaicapegue' qome ca nalleppi da delogui' cam nta'a maye lma' da sheu', nache loxonec na'aictaxa da camaye qalota ca nalleppi.

Daniel 11:13

cha'aye ca nta'a maye lma' da sheu', ỹe'eguelaxalec qome da laỹona't cam qalota nalleppi saq 'ena'am cam hua'auñi, nache qom qaỹata'aguelo caua vi'iye, nache qaltaq ỹe'eguelaxa da iloquiaxan ca nta'a maye lma' da taguiñi.

Daniel 11:25

Qaq camaye souaxat da nomteguet da la'añaxac, nache nnaictague' ca qalota alleppi da iloquiaxan ca nta'a maye lma' da taguiñi. Qaq que'eca nta'a maye lma' da taguiñi, dataỹa'aguet qome camaye, nache lỹatac ca qalota qataq 'añaxaicpi nalleppi, qalaxaye que'eca nta'a maye lma' da taguiñi qaỹatenachet qome, nache saishet da nalo'oguet da dataỹa'aguet que'eca mpa'aguenaxauapi.

Daniel 11:39

Qaq da yaqto' mpaxaalec cam nỹecpi maye qanpaxattaua'a, nache huaxaiguet ca shiỹaxauapi maye ỹo'oxoreetac ca atamnaxala' chegaqauec, qaq 'enauac cam ỹo'oxoren qome que'eca nta'a, nache ỹanem ca lta'araic la'amaqchec, qataq ỹanem ca ỹo'oxoraq lo'onataxanaxac, qataq ỹanem ca 'alhua da isheeten.

Daniel 12:9

Nache somaye aỹem ỹasateguet, 'eeta': 'Am Daniel, qoquetegue qome da 'anqa'aicỹaxac, cha'aye de'era iuen da saishet da qaỹa'axattac, choche ivitta'a cam loga't.

Habacuc 3:14

Qataq 'aualauat so lataxala', 'aurolec aso maiche lchecna, co'ollaq som nalleppi 'eeta'am na la'at lta'araic, da ilagaxattac nam qaica ca iueelec, da yaqto' sa qananoma da ilaxachigui.

Ezequiel 38:9

Qaq qom 'anvita yemaye, nache qoneta'am ca napo da ipegueelec 'enauac yi'iye 'alhua, qataq 'aunoxotaua'a qome yemaye qoneta'am ca la'at lta'araic, 'arỹateuo ca qalota 'analleppi, qataq ca qalota nhuo' le'ecpi.»