Daniel 11:21 - La'aqtaqa Ñim Lo'onatac 'Enauacna 2013

²¹ Qaq qom mashe ileu camaye, nache cam lo'onataxanaxac talec qome cam shiỹaxaua maye ỹataqta nqaigaxat cam saishet da taiguet da nta'a, qaq ỹoxottañi qome nam qauem maye 'eetapeguecpi, qaq camaye deuotaxanec qome da no'onataxanaxac ỹachegoxotchigui dam latenataxanaxac.

Daniel 11:21 Referans Kwoze

Daniel 11:34

Qaq qom ivita da huo'o que'eca ncanaguec, nache huo'o qome ca saq 'amaqtaq ntaunaguec, qalaxaye qalota qome ca 'eetega itauan, qalaxaye saq 'en.

Daniel 8:25

Qaq souaxat da sanqalat, nache da latenataxanaxac dauegaxaatai'. Qataq nlaxagui qome da ño'oxonnaxac, nache ique'elaxat qome da ỹalauat ca qalota shiỹaxauapi maye pe'etega camaye. Qataq dataỹa'aguet qome ca lta'a na nta'alpi, qalaxaye camaye qailaxachigui qome.

Salmos 55:21

Naua la'aqtaqa qalaq isotta'ape 'eeta'ama na da'añiỹa'a't huaca lche', qalaxaye naua lhuennataxaco nda'a't da nalaataxac. Do'onataxanalo naua la'aqtaqa isotta'ape 'eeta'am na aceite, qalaxaye naamaye da llaxa 'eeta'am na ỹeelonec.

Nahúm 1:14

Qalaxaye 'am nta'a na Nínive, Ñim Nataxala' 'am talec naqa'en de'era 'eeta': «Qaica qome ca 'aỹa'alaqpi da yaqto' nache queta da 'are'enaxat, qataq añi atamnaxaqui maye lalamaqte nam 'anatamnaxala'pi qalaq ñelaxaañi qome nam ne'enaqtacpi atamnaxala'pi maye chegaqaigui na nqachilliguishec lcat, qataq nache naña ñaqa'en qome aca 'anhuachiqui, cha'aye ỹataqta 'am nqaigaxat».

Daniel 11:32

Qaq que'eca nta'a ỹo'ot qome da nauochaxaua cam saishet da ỹalaxaguet som aỹamaxataxac, qalaxaye choche ỹatenachet, qalaxaye nam nhuo' le'ecpi maye ỹauotec Ñim Natamnaxala', saishet qome da dasheuec da lhuennataxac, nacherata da dataỹa'aguet qome cam qanayeuaigui.

Daniel 11:20

Qaq cam lo'onataxanaxac camaye, qalaq talec qome ca lỹa nta'a, nache que'eca nta'a, ỹauo'o qome ca lamaxashec da laỹona't ana nsheetenaxanaqtepi, da yaqto' nquictasheguem naqa'en da lsallaxa da lo'onataxanaxac, qalaxaye qom qaỹata'aguelo caua na'axa'te nache qaỹalauat, qalaxaye saishet qome da hualec cam no'onaxa maye alaataqa'.

Daniel 11:7

Qalaxaye ca 'oonolec cam chegoxoguet iloquiaxan qome ca alleppi maye lma' da sheu', nache deuotaxanec ca qampaxattaua'a nỹec maye lle'eguenaxaqui ca nta'a, qaq qom loxonec nache maiche ỹoiqueetac cam ỹo'otec camaye.

Daniel 8:23

Qaq qom ivita ca loga't da la'añaxac que'ecaua nta'al, qataq qom mashe ỹapacauec da qauem, nache nachaañi qome ca 'oonolec nta'a maye qaica ca iren, qataq ño'oxonnaxaic nache talec qome da no'onataxanaxac.

Daniel 8:9

Qaq aso 'oonole soomaye, nache chegoqtoigui da ñaxatec aso lỹa lcoue maye saq 'amaqtaq maye nquictauec da lañaxataxac, nache ivira'ague da sheu', qataq da nala' lliguisheguem, qataq dam pa'aigue ye ỹataqta 'onaxaic 'alhua.

Daniel 7:8

Qaq so ñaq selota'a aso lcouepi somaye, nache sauaachigui da chegoqchiguingui asomayepi, da nnoxoosheguem aso lcoue lỹa maye saq 'amaqtaq, qaq huaña nache qanapo'c soua tres lcoue, da yaqto' huo'o ca ldaqa' asom pa'atec lcoue maye nnoxoosheguem, qaq asomaye huo'oi naua la'ai'te, 'eeta'am na shiỹaxaua, qataq huo'o so alap maye qalota da napagaqaanaxac da detaqtac.

Isaías 32:5

Qaq nam shiỹaxauapi saishet qome da ỹamata'ac no'on da lataxac nam qauemaicpi, qataq saishet da huo'o naq 'enec naqa'en nam tenataxanaxaicpi.

Salmos 15:4

qataq cam ỹo'otan ca shiỹaxaua maye 'itchiguiñi da qaỹo'otan, qalaxaye ỹo'oxoren ca huo'o naq 'enec naqa'en Ñim Nataxala', qataq ca ipacchiguilo naua la'aqtaqa Ñimaye, na'aictaxa da huo'otaq qauem ca ivireguet,

Salmos 12:8

Cha'aye ne'ena qauemaicpi 'enauac da coleetega't nache na shiỹaxauapi ỹo'oxoreetac na qauemsat.

1 Samuel 3:13

Mashe sa'aqtaxanem ñimaye da sauo'o qome ca nhuaxanaguec soua llalqa souaxat da lle'etaxaloxo, cha'aye ñimaye mashe ỹaỹateetac da soua llalqa ỹataqta qauem na aỹem ỹasaxarelec la'aqtaqa qalaq saishet da nhuogaxalo.

Daniel 4:17

Qaq 'era da lapaxañi la'aqtac som qui'itta namaxashecpi maye nauanaxanaxanecpi, yaqto' 'enauac na shiỹaxauapi ỹaỹaten da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue 'enauac da lo'onataxanaxac na shiỹaxauapi, Ñimaye ỹanem da no'onataxanaxac cam taalec da ỹanem, qataq ỹo'ot da lataxala' na ỹotta'a't shiỹaxauapi cam qaica ca la'amaqchec da ỹalectaigui na shiỹaxauapi.