Daniel 11:18 - La'aqtaqa Ñim Lo'onatac 'Enauacna 2013

¹⁸ Qaq ime qome, nache iloquiaxan cam huaqta'a't nỹecpi maye ỹotta'a't naua nañalo, maye hueto'ot na loigue aso auaxai, nache qalota qome ca loxonec que'eca nỹecpi, qalaxaye huo'o qome ca lataxala' ca alleppi cam ỹa'axaneguet qome de'era, nache ỹaneguet da la'agaxa que'eca nta'a maye lma' da sheu'.

Daniel 11:18 Referans Kwoze

Oseas 12:14

Qalaxaye na shiỹaxauapi ye Efraín, inogoqchet Ñim Nataxala'. Qaq ỹoqo'oye Ñimaye ỹauo'o qome ca nhuaxanaguec namayepi, souaxat da lalaataxanaxac, nache namayepi maiche talec qome nam qauem maye ỹo'otpi.

Sofonías 2:11

Ñim Nataxala' ỹataqta huo'o da lchec qom dataỹa'aguet namayepi. Cha'aye ilaxachigui qome 'enauac na atamnaxala'pi yi'iye 'alhua, qaq huaña qome nache 'enauac nam pa'aiguelo da qaỹo'oxoren Ñimaye, ivira'a nam shiỹaxauapi maye netaleguete nauatai' ỹaqa'atalo 'alhuole.

Jeremías 31:10

Qaq qami' ỹotta'a't shiỹaxauapi ñaq qana'axaỹaxañiỹa da la'aqtac Ñim Nataxala', qataq qaua'aqtaxañim nam hueto'ot na qaỹoqta loiguepi: ‹Ñim Nataxala' ilagaxattac co'ollaxa na Israel le'ecpi, qalaxaye qaltaq laỹona't qome nache ilo'ogue namayepi, 'eeta'am ca qagueta lo'o da ilo'ogue aca lalo qaguetapi.›

Jeremías 2:10

Qanqo'oñiỹa aye ỹaqauga 'alhuapiole maye pa'aigue da nala' lliguiñi, nache qaumichiñi; qataq qauauo'oi ca qauamaqỹa ye Quedar da yaqto' imeteeta da huo'otaq huo'o co'ollaxa ca 'eeta'am de'era,

Mateo 7:2

Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Ezequiel 27:6

so 'arlloctaxanaxatpi qalaq qaỹachegoxotaigui na robles ye Basán, qaq so 'ansoxonaxala' qalaq chegaqaigui na cipreses maye qaỹachegoxota'a ye loigue ye Chipre, qataq qalapaxalec na marfil.

Isaías 66:19

Qaq Aỹem, sauo'o qome ca la'anaxat huaigui namayepi, cam lca'alaxaicpi namayepi qalaq samaxa qome nam ỹotta'a't shiỹaxauapi. Samaxa qome ye Tarsis, Libia qataq ye Lidia, yem 'alhua maye hueta'a na shiỹaxauapi maye ỹaỹaten da do'ogoxona na checnec, qataq ye Tubal, ye Grecia qataq anam qaỹoqta ỹaqauga 'alhuapiole aso auaxai, maye saỹauanego' da hua'aqteguelec Aỹem, qataq saishet da ỹauaachigui co'ollaxa da ỹo'oxoyec, qaq namayepi ỹa'axatem qome da ỹo'oxoyec nam ỹotta'a't shiỹaxauapi.

Jueces 1:7

Nache somaye 'enapeco': «Huo'o so na'a'q nache aỹem secheguerec soua dos llaxaata late'el qataq soua dos lqona late'el so setenta nta'alpi, qataq hueto'ot ñaqa'en na pa'aguiñi so iquia'axala' da yaqto' natotac na anoq lsoche. Qalaxaye Ñim Lo'onatac 'Enauacna, aỹem ỹe'enaxattem nagui de'era sheetec co'ollaxa somayepi.» Huaña nache so Adonisédec qaỹauega ye Jerusalén, yem huaña co'ollaxa da ileu.

Ester 10:1

So nta'a Asuero, ỹauo'o co'ollaxa aso iỹaxanaique, da lsheetenaxanaqte so shiỹaxauapi maye netalec 'enauac so 'alhuapi maye ilotague' somaye, qataq aso ỹaqa'ata 'alhuapi aso auaxai.