Daniel 11:16 - La'aqtaqa Ñim Lo'onatac 'Enauacna 2013

¹⁶ Qaq que'eca alleppi maiche ỹoiqueetac qome cam ỹo'otec cam loxonecpi, cha'aye qaica ca ishet da dataỹa'aguet, nache camayepi naña qome ca ỹataqta 'onaxaic 'alhua, nache ilaxachigui 'enauac ca huetangui na llec.

Daniel 11:16 Referans Kwoze

Daniel 8:9

Qaq aso 'oonole soomaye, nache chegoqtoigui da ñaxatec aso lỹa lcoue maye saq 'amaqtaq maye nquictauec da lañaxataxac, nache ivira'ague da sheu', qataq da nala' lliguisheguem, qataq dam pa'aigue ye ỹataqta 'onaxaic 'alhua.

Daniel 11:41

Qaq nataqa'en inoxoneua'a qome cam ỹataqta 'onaxaic 'alhua, nache ỹataqta qalota qome ca ỹalauat shiỹaxauapi, qalaxaye nca'alec qome cam hueta'a ye Edom, Moab, qataq ca qalota maye hueta'a ye 'alhua Amón.

Daniel 11:36

Qaq que'eca nta'a maye lma' da sheu', ỹo'ot qome 'enauac cam maiche 'eetapeguec. Qaq huo'o qome da ño'oxonnaxac, nache 'eetega napacalec 'enauac nam atamnaxala'pi, qataq qauema qome naua la'aqtaqa da isheueetac Ñim 'eesa da Lo'onatac 'Enauacna, nache 'enauac qome da saq na'aigue nam ỹo'otpi, choche ivitta'a da Ñim Lo'onatac 'Enauacna namaxa ca nhuaxanaguec camaye, cha'aye cam huotaique da ỹo'ot Ñim Lo'onatac 'Enauacna, qalaq ipacchigui qome da ỹo'ot.

Daniel 11:3

Qalaxaye qaltaq nachaañi qome ca lỹa nta'a maye alaataxaic, nache camaye nquictauec qome da la'añaxac da lo'onataxanaxac, nache maiche ỹoiqueetac cam ỹo'ot.

Daniel 8:7

nache ỹacagaxa't soua dos lcoue, qaq som qagueta lhuaraic ỹataqta qaica ca la'añaxac da dataỹa'aguet somaye. Ỹoqo'oye so quetaq lhuaraic huetaiya' naqa'en so qagueta lhuaraic, nache petapigui, nache somaye qaica ca ishet da nca'alaxatec.

Daniel 8:4

Nache sela'a so qaỹoqta qagueta lhuaraic iquetogoqtapeegue da nala' lliguisheguem, qataq da sheu', qataq da taguiñi, nache qaica ca lỹa shiguiỹac da ishet da dataỹa'aguet, huo'otaq da naneltaxaneguet da lquetogoqtaxanaxac somaye. Qaq maiche ỹoiqueetac cam ỹataxaateuga ca ỹo'ot, qaq nache nquictauec da la'añaxac.

Daniel 11:45

nache ỹa'ayiñi qome ca lanataqa', ñichiguinguilo naqa'en na laiñi aso auaxai, qataq añi qui'itta qasoxonaxa maye ỹataqta 'onaxai. Qalaxaye nache huaña qome yemaye da ivita ca laloqo' da ileu, nache qaica qome ca ishet da anac da itauan.

Jeremías 3:19

'Am Israel, aỹem 'am saconeguet co'ollaxa da 'am ỹalec, qataq 'am sanem yem 'alhua maye nqopitaxat, yem 'alhua maye napactelec da lyac 'enauac na laỹepi ana 'alhua, qaq Aỹem sepi'itaxaatega da aỹem 'autaxaỹa nache aỹem 'arta'a, qataq da saishet da aỹem qaỹoqta 'anqa'en.

Isaías 8:8

qaq ivira'a ye Judá da ipaxaalec qome, qataq nquictasheguem ivitta'a da iviro'ot na lqosot. Qaq nache 'eeta'am qome ca qoỹo da ỹauachiguilo naua laua't, nache imattalec 'enauac ye 'ana'alhua, 'am Emanuel.»

Josué 1:5

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

Daniel 5:19

Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec.