Daniel 10:5 - La'aqtaqa Ñim Lo'onatac 'Enauacna 2013

⁵ qaq so ñamatasheguem nache sela'a so ỹale, ỹaatrañi soua alogo maye chegaqaiguilo na lino, qataq so nsaataxaqui oro.

Daniel 10:5 Referans Kwoze

Ezequiel 9:2

Qaq huaña nache sela'alo soua seis shiỹaxau' da pa'areuo, tatreua'a ñi lasom lta'araic maye datata'ague da sheu', qaq ñi 'oonolec soomaye nasoqta'a so lo'ogoxonaxat. Qaq nache ỹalectaiguilo soomaye so ỹale maye ỹaatrañi soua alogo chegaqaigui na lino qataq nshettañi so lo'onataxanaxat da deraxan. Qaq soomaye pa'areuo, nache huera'a ye saqaỹapeque aso nca'atoxonaxalate bronce.

Jeremías 10:9

Nam natamnaxala'pi qalaq nda'a't na lcat plata maye ỹachegoxota'a ye Tarsis qataq na oro maye ỹachegoxota'a ye Ufaz, nam lo'onatacpi nam ne'enaqtac lo'opi qataq na lcat lo'opi, qataq ỹaatañi qanqa'en ana npoto maye imalaqalec qataq togaxaraic, qaq 'enauac namayepi lo'onatac nam sa nqalaate' da huo'o na ỹe'enaxat.

Josué 5:13

Huo'o so na'a'q, nache so Josué hueta'a ye sa qaỹapeque ye Jericó, nache co'ollaq namatasheguem, nache ila'a so ỹale nachattañi, nasoqta'a so lainec, nache so Josué nquicot somaye nache inat, 'eeta': «¿Peta'a maiche 'am qarỹa, qalqo' 'am qampa'aguenaxaua?»

Efesios 6:14

Nache ỹataqta qanaỹamaxacheetai', qansachiigui da 'eesa lataxac, qataq qaupaqtaxañiỹa da no'on nataxac da 'eeta'am qanqa'eñi aca npaxaalec ana ltogue ca huataxanaq le'ec.

Zacarías 1:8

Qaq huo'o so pe, nache huo'o so ỹauanaqchec: Aỹem sela'a so ỹale netalec so caaỹo togaxaraic. Somaye netangui so ca'amegue nachattanguilo soua 'epaq le'enaxat arrayanes, qataq hueta'ague na l-laq somaye so laỹepi caipi, huo'o so togaxaraicpi, tocalecpi, qataq so lapaxaxaicpi.

Isaías 11:5

Camaye nache 'eetai' qome da ỹaatañi da nalochiguiñi qataq dam 'eesa lataxac.