Daniel 10:3 - La'aqtaqa Ñim Lo'onatac 'Enauacna 2013

³ Nache saishet da sachec ca no'on nallec, qataq saishet da she'eguen ca lapat, qataq ca lataxa, qataq saishet da huo'o ca ñecoyigui coraxat, choche ivitta'a da inoxoore'c se'esoua tres semanas.

Daniel 10:3 Referans Kwoze

Mateo 6:17

Qalaxaye qami' da ivita da qanqouaqchichi, qalaq qanapilocheeta, qataq qantaquiichiguiñi na qaravi,

Amós 5:11

Qaq souaxat da ỹataqta huetaiya' qanqa'eñi nam choxoraqpi, nache desheetenaxana qanqa'eñi na ala na trigo da qami' isheete'n, qaq ỹoqo'oye qami' saishet qome da qoñiỹaigui na nỹecpi, nam chegaqaigui na no'onatac coma' maye qano'oxoñiisheguem, qataq saishet qome da qauañoxoche da qanỹomiigui na lataxa maye chegaqaigui anam qaỹa'añiiñi co'ollaxa uva.

Daniel 11:8

Qaq nataqa'en era'a qome ye Egipto ca atamnaxala'pi maye chegaqaigui na nqatelliguishec lcat, qataq cam laỹepi no'on nogoxoshetpi maye chegaqaigui na oro qataq na lcat plata. Qaq qom huo'oi caua inoxoorec vi'iye, da qaica ca alaataxac que'ecaua dos 'alhua,

1 Corintios 9:27

Nachaqrata da aỹem selotegue da ñapaxaguenataguec qataq ỹataqta huo'o da iuogoxo da ñellañi da maiche ỹataxac. Cha'aye da aỹem sa'aqtaxaatapeguem da no'on na'axaỹaxac ca lỹa shiỹaxaua, nache sa saỹamaxaren da Ñim Lo'onatac 'Enauacna aỹem nqateua'a.

Nahúm 2:9

¡Ña qauotaxañec qome na plata qataq na oro! ¡Cha'aye ye Nínive ỹataqta ỹaguec da lsallaxa!

Daniel 6:18

Qaq co'ollaq ime, nache so nta'a taua'a so lma' lta'araic, nache nnaañi, qataq saishet da deque'e, qataq sa nasheneguet da na'axaỹaxaatega qanqa'en aca nvique, nache imauec so pe da qaica ca lo'ochaxa.

Da na'aqtaguec so Job 33:20

Nache ivira'a da ỹataqta deqaiga na nallec, na'aictaxa da ỹataqta ama qalaq qaica ca lamaic naqa'en.

2 Samuel 19:24

Qaq nataqa'en so Mefiboset, som laual so Saúl, huaqata'aguet co'ollaxa so nta'a. Qaq somaye, nache chegoqta'a so na'a'q co'ollaq jec so nta'a, da saishet da iỹoi' naua lchel, saishet da npetec ana lqa' laue, qataq saishet da iỹoi' soua alogo, choche ivitta'a da ñe'eguelaq qataq qaica ca camachaqca da nachaalataxac so nta'a.

Lucas 7:46

Nataqa'en saishet da 'aucorelec na ỹaqaic ca coraxat, qalaxaye añimaye icoreleguete naua ichel so coraxat ama na laita.

Daniel 10:12

Qaq huaña nache somaye aỹem 'enapega, 'eeta': «'Am Daniel saishet da 'añi'i, cha'aye chegoqchiguiña so hua'auchiguiñi na'a'q co'ollaq 'auennataxaalec da yaqto' 'auaỹaten som lataxac maye ỹataqta huo'o da lqalaic, nache 'auacona da qaica ca 'ara'amaqchec da 'auataỹot Ñim 'Anatamnaxala', nache Ñimaye hua'axaỹa co'ollaxa so 'anatamnaxac. Qaq ỹoqo'oye aỹem ñanac.