Daniel 10:19 - La'aqtaqa Ñim Lo'onatac 'Enauacna 2013

¹⁹ nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.

Daniel 10:19 Referans Kwoze

Isaías 35:4

qataq qoñiỹapega nam colanqaicpi, qoñeeta': «¡Qana'añaxache, saishet qome da qayi'iitac! ¡Cha'aye Ñim Qanatamnaxala'ai mashe anacta da yaqto' qami' nca'alaxatrec qataq ỹauo'o cam 'itchiguiñi nhuaxanaguec na qampa'aguenaxauaipi!»

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Jueces 6:23

Nache Ñim Nataxala' 'enapeco': «'Am talec da nlagaxayec. Qaq saishet da 'añi'i, cha'aye saishet da 'aleu.»

Daniel 9:23

Cha'aye co'ollaq choche 'anatamen, nache Ñim Lo'onatac 'Enauacna 'am ỹasateguet. Qaq aỹem ñanac da 'am sa'axatem dam lasataxac Ñimaye, cha'aye Ñim Lo'onatac 'Enauacna ỹataqta 'am ỹauotec. Qaq nagui, ỹataqta 'ana'axaỹaxaachigui de'era, yaqto' 'auaỹateeta da naigui som 'arauanaqchec:

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

2 Corintios 12:9

Qalaxaye Ñimaye aỹem ỹasateguet, 'eeta': «Da iqouagaxanaqtaic mashe 'am hueto'ot, qaq saqca ca lỹa 'aueetac. Cha'aye da ỹa'añaxac yo'oq da nachattaigui ca shiỹaxaua qaica ca la'añaxac.» Qaq ỹoqo'oye ỹataqta samachiguiñi da saqca ca ỹa'añaxac yaqto' da la'añaxac So Cristo yo'oq da aỹem nachattaigui.

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

2 Timoteo 2:1

'Am ỹalec Timoteo, Ñim Lo'onatac 'Enauacna ỹataqta lta'araic da lauoche 'am, cha'aye 'aua'amaqten So Jesucristo. Qaq no'on da 'auỹaxanot Ñimaye da 'am ỹami' ca 'ara'añaxac da yaqto' 'anala'aguet 'enauac na chochena.

Juan 19:26

Nache So Jesús co'ollaq ila'a aso late'e da nachattañi, huaqta'ai' som lapaxaguenatac maye ỹataqta lauotaxat, nache 'enapego' aso late'e, 'eeta': –'Am 'alo, 'era qome da 'aỹa'alec.

Juan 21:20

Qaq co'ollaq namatapec so Pedro, nache ila'aguet so napaxaguenaxaua maye ỹataqta nauochaxaua So Jesús, som huetaua'a co'ollaxa na laỹe co'ollaq huo'o so lquia'axa'c so na'a'q le'enaxat Lapascua, som inattac somaye co'ollaq 'eeta': «'Am Ỹataxala', ¿chaq negue't cam taỹa'a da 'am ỹaneuo?»

Juan 11:36

Nache so shiỹaxauapi maiche na'aqtaxaatega't, 'eeta': –Ña qauloỹa damaye ỹataqta 'eesa da lauotaxat yemaye.

Juan 11:5

Qaq So Jesús ỹataqta nauochaxaua aso Marta, qataq aso lqaỹa, qataq so Lázaro.

Juan 11:3

Nache se'esoua dos nqaỹa't, ỹamaxalo co'ollaxa da la'aqta'c So Jesús, 'eeta': –'Am Nataxala', yem 'anauochaxaua Lázaro, yemaye sa no'on.

1 Corintios 16:13

Ỹataqta qanloitec, qataq qana'añaxacheetec da qarpi'iỹaxaqui. Qaue'enaxache ca shiỹaxaua ỹataqta qaramchigui qataq 'añaxaic.

Hageo 2:4

¡Qalaxaye 'ana'añaxat nagui 'am Zorobabel! ¡Qataq 'ana'añaxat 'am Josué, maye 'am lataxala' nam ntaxaỹaxanaxanecpi! Qataq qana'añaxache 'enauac qami' nhuo' le'ecpi, maye qoñeetalec ne'ena 'alhua. Qauo'onataxañe, cha'aye Aỹem qami' soota'agueta. Qaq 'era da ỹa'aqtac Aỹem Nataxala' maye Qaica ca Seqalanapec.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Zacarías 8:9

Qaq 'era da la'aqtac, Ñim Nataxala' maye Qaica ca Ỹaqalanapec: «Qana'añaxache qome, qami' maye qaua'aqaichigui se'esoua na'axa'te, da la'aqtaxanaxac so na'aqtaxanaxanecpi, chegoqchiguiña so na'a'q co'ollaq qalapaxañi so lo'oxonaxala', da yaqto' qaltaq qano'oxoosheguem añi atamnaxaqui, maye lalamaqte Ñim Nataxala' maye Qaica ca Ỹaqalanapec.

Daniel 10:18

Qaq se'eso maye 'eeta'am ca shiỹaxaua, qaltaq ỹe'eguelaxalec da aỹem ipoteua'a, nache aỹem ỹanem da dalaxaic da ỹa'añaxac

Isaías 41:14

Ñim Nataxala' da la'aqtac, 'eeta': 'Am Israel, maye 'auachegoxoguet so Jacob, na'aictaxa da qaica ca 'ara'amaqchec qataq ca 'ara'añaxac, qalaxaye saishet qome da 'añe'etac, Aỹem 'am setauan qome. Aỹem, maye Aỹem Qui'itta Natamnaxala' na Israel le'ecpi, Aỹem, 'am ñeca'alaxatec.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Salmos 138:3

Co'ollaq 'am seỹaxanot qalaq aỹem 'auasateguet, aỹem 'aua'añaqchet qataq dalaxaic 'anqa'en da ỹa'añaxac.

Efesios 6:10

Qaq nagui qami' ỹaqaỹa't, qanmichiỹaique ca qara'añaxaqui maye chegoqo'ot So Cristo cam qaviñiitaique nagui.

Zacarías 8:13

Qaq qami' Judá le'ecpi, qataq qami' Israel le'ecpi, maye qami' ỹasaqtegueleguete na qauem nam qaualliquiita'aguet co'ollaxa ỹotta'a't shiỹaxauapi, qaq nache 'eetec nagui da Aỹem qami' ñeca'alaxatrec, qataq qami' chegoqchiguilo ñaqa'en da no'on. ¡Qaq saishet qome da qayi'iitac! ¡Nacherata da qana'añaxache!»