Daniel 10:18 - La'aqtaqa Ñim Lo'onatac 'Enauacna 2013

¹⁸ Qaq se'eso maye 'eeta'am ca shiỹaxaua, qaltaq ỹe'eguelaxalec da aỹem ipoteua'a, nache aỹem ỹanem da dalaxaic da ỹa'añaxac

Daniel 10:18 Referans Kwoze

Daniel 10:16

Qalaxaye se'eso aỹem nachatto'ot maye 'eeta'am ca shiỹaxaua, ipoteua'a na aỹap qaq ỹoqo'oye seshet da setaqa, nache shenapega somaye sheeta': «'Am Nataxala', de'era ỹauanaqchec ỹataqta aỹem nlaxagui naqa'en da ỹaquicoxo, qataq ỹo'ot da qaica ca ỹa'añaxac.

Lucas 22:43

[Nache anac som namaxashec chegoqo'ot na piguem da ỹanem da la'añaxac Somaye.

Daniel 8:18

Qaq so ñaq aỹem da'aqtaxaateguem somaye, nache aỹem secopche, nache sootaiya', qalaxaye somaye aỹem ỹacoosop, nache aỹem nachalataxaañi,

Colosenses 1:11

Qataq ỹachegoxotchigui da lta'araic la'añaxac Ñimaye da qami' 'añaxaiqa naqa'en, da yaqto' huo'o da qanhualaxaunaxaqui qataq ishet da qanaloỹa'aguet 'enauac na lqalaiguesat. Huaña, nache ỹataqta lta'araic da qantonaxaqui,

Filipenses 4:13

So Cristo aỹem ỹami' da ỹa'añaxac da yaqto' ñala'aguet da sataỹa'aguet 'enauac nam sevireguet.

Efesios 3:16

Souaxat dam lta'araic lsallaxa qataq da llo'oxoyec, nache seỹaxaatacot Ñim Lo'onatac 'Enauacna da ỹachegoxotchigui So Saqcha'a La'añaxac da qami' ỹanema ca la'añaxac da qarvilỹaxaqui.

Hechos 18:23

Qaq co'ollaq mashe huo'oi soua na'axa'te da hueta'a yemaye, nache qaltaq inoxonec, quetaguilo yeua 'aleu' Galacia qataq ye Frigia, da ỹa'añaqchettac 'enauac na 'amqaanataxanaxaicpi.

Lucas 22:32

Qalaxaye Aỹem 'am ñeqouagaxaueetapeguelec, da yaqto' saishet da saqca ca 'arpi'iỹaxac Aỹem. Qaq 'am qom ivita da Aỹem 'añe'eguelqot, nache 'autauan qome na 'arqaỹañecpi da yaqto', nache 'eetai' da lpi'iỹaxac.

Daniel 10:10

Qalaxaye saqaỹaloq da huo'o so nhuaq da aỹem ỹacoosop, nache aỹem nauaxaỹaxaasheguem, nache iviraxata'a da ishet da sashelñi qataq sa'alyiñi naua illecte.

Da na'aqtaguec so Job 23:6

Qalaxaye yo'oqta da saishettaxa da aỹem irolec da la'añaxac Ñimaye, da aỹem ncotaỹapegue' nachaqrata da aỹem na'axaỹaxana,

Da na'aqtaguec so Job 16:5

Qalaxaye naua no'o'n ỹa'aqtaqa qami' ỹa'añaqche't taxa, da yaqto' qami' qaramchiguilo qataq 'añaxaiqa.

1 Samuel 23:15

Qaq so David co'ollaq ỹaỹaten da so Saúl nmittaique somaye da yaqto' ỹalauat, nache somaye hua'a ye Horeb, yem toolec 'alhua ye Zif.

Daniel 8:15

Qaq aỹem Daniel so ñaq semeteetac se'eso ỹauanaqchec qataq sauotaique da saỹaten cam naigui, nache nque'elaxatta da nachattot aỹem so 'eeta'am na shiỹaxaua,

Salmos 138:3

Co'ollaq 'am seỹaxanot qalaq aỹem 'auasateguet, aỹem 'aua'añaqchet qataq dalaxaic 'anqa'en da ỹa'añaxac.