Daniel 10:12 - La'aqtaqa Ñim Lo'onatac 'Enauacna 2013

¹² Qaq huaña nache somaye aỹem 'enapega, 'eeta': «'Am Daniel saishet da 'añi'i, cha'aye chegoqchiguiña so hua'auchiguiñi na'a'q co'ollaq 'auennataxaalec da yaqto' 'auaỹaten som lataxac maye ỹataqta huo'o da lqalaic, nache 'auacona da qaica ca 'ara'amaqchec da 'auataỹot Ñim 'Anatamnaxala', nache Ñimaye hua'axaỹa co'ollaxa so 'anatamnaxac. Qaq ỹoqo'oye aỹem ñanac.

Daniel 10:12 Referans Kwoze

Daniel 10:19

nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.

Isaías 58:9

Qaq huaña nache da Aỹem 'aỹaxana nache 'am sasateguet qome, Qataq da 'aua'alaq da 'auỹaxanaique ca 'antaunaguec, nache Aỹem shenapec, qome: ‹Aja', Aỹem soota'a ne'ena.› Da 'am 'aỹa'axaañi da 'aupataqta'a't ca 'arỹa, qataq saishet da 'aunogoqchettac ca 'arỹa qataq saishet da 'anqañoxotta'a da 'auasaqteguelec cam saq 'en,

Mateo 28:5

Nache so namaxashec 'enapegalo soua 'alol, 'eeta': «Saishet qome da qayi'i. Aỹem saỹaten da qami' qanmichiitaique So Jesús som qaỹalauat qataq qaiuaxaneuo co'ollaxa.

Isaías 65:24

Namayepi qom saxanaxa da aỹem iỹaxana, nache Aỹem sasateguet qome, qom saxanaxa da ivirec ca ltaxaỹaxac, nache Aỹem mashe sa'axaỹa qome.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Isaías 41:14

Ñim Nataxala' da la'aqtac, 'eeta': 'Am Israel, maye 'auachegoxoguet so Jacob, na'aictaxa da qaica ca 'ara'amaqchec qataq ca 'ara'añaxac, qalaxaye saishet qome da 'añe'etac, Aỹem 'am setauan qome. Aỹem, maye Aỹem Qui'itta Natamnaxala' na Israel le'ecpi, Aỹem, 'am ñeca'alaxatec.

Isaías 35:4

qataq qoñiỹapega nam colanqaicpi, qoñeeta': «¡Qana'añaxache, saishet qome da qayi'iitac! ¡Cha'aye Ñim Qanatamnaxala'ai mashe anacta da yaqto' qami' nca'alaxatrec qataq ỹauo'o cam 'itchiguiñi nhuaxanaguec na qampa'aguenaxauaipi!»

Lucas 24:38

Qalaxaye So Jesús 'enapeco': –¿Ta'ainco' ye qami' ỹe'elaqche't de'era? Qataq ¿ta'ainco' ye huo'o da lqolectaxanaxa'c naua qarquiyaqchilli'?

Levítico 16:31

Qaq 'era da qoñiitec da ivireuga yi'iye na'a'q, nache imauec da qanmachiiuec qataq saishet da huo'o ca qollequi. Qaq 'era qome da nache 'eetai' da qoyecỹaxaqui.

Levítico 16:29

Qaq 'era da nache 'eetai' qome lataxac da qoyecỹaxaqui: Da ivita ca na'a'q diez caua siete ca'agoxoiqa, nache qanqouaqchichi qataq qaica ca do'onataxan 'enauac na Israel le'ecpi qataq na chegaqauecpi maye qami' netaiguilo.

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

Hechos 27:24

Qaq somaye aỹem 'eetega, 'eeta': «Saishet qome da 'añe'etac, 'am Pablo, cha'aye 'am 'anachaateua'a qome ñi nta'a maye neta'ague da Roma. Qaq souaxat da qoneta, nache Ñim Lo'onatac 'Enauacna nca'alaxateeguesop qome da l-leuaxa 'enauac nam 'anqotta'ai'pi ana notaxaqui.»

Salmos 69:10

Da ivita da ñeỹeetac qataq da ñeqouaqchet, nache namayepi aỹem isheueetac.

Lucas 2:10

qalaxaye so lamaxashec Ñim Lo'onatac 'Enauacna 'enapeco': «Saishet da qayi'i, cha'aye aỹem qami' ñera'alo da no'on qara'axaỹaxaqui. Qaq damaye ỹo'ot qome da lta'araic da qantonaxaqui:

Lucas 1:30

Nache se'eso namaxashec 'enapeco': –María, 'am saishet da 'añi'i, cha'aye Ñim Lo'onatac 'Enauacna ỹataqta 'am tatelec da lqouagaxanaqtaic.

Lucas 1:13

Qalaxaye so namaxashec 'enapeco': –Zacarías, saishet da 'añi'i, cha'aye Ñim Lo'onatac 'Enauacna hua'aqtega da 'anqouagaxaunaxac. Qaq nagui añi 'arhua Elisabet huo'o qome ca llalec. Qaq camaye 'anagui qome da le'enaxat Juan.

Marcos 16:6

qalaxaye so nsoq 'enapegalo' soomaye, 'eeta': «Saishet da qayi'i. Qami' qanmichiitaique So Jesús som ỹale maye Nazaret le'ec, som ileu qaiuaxaata'aguet so npe'enaxala' soua na'axa'te lỹa't. Somaye saishet da hueta'a ne'ena. Somaye qaltaq nca'alec. Ñaq qaumichiñi yem qaỹachaña co'ollaxa so lo'ocỹaxac.

Mateo 28:10

Nache So Jesús 'enapegalo soomaye, 'eeta': «Saishet qome da qayi'i. Nachaqrata da qanqalgoqoi da yaqto' qaua'aqtaxañim qome caua ỹapaxaguenataqa da taregue da Galilea. Huaña qome yemaye, nache ñauaneto.»

Daniel 10:11

Ime, nache aỹem 'enapega, 'eeta': «'Am Daniel maye 'am lauotaxat Ñim Lo'onatac 'Enauacna, ñaq 'ana'axaỹaxaachigui dam 'am sa'axatem: ñaq qoñisheguem, cha'aye aỹem qanamaq da 'am ñanaỹa.» Qaq so choche ime da nasaxauec se'eso la'aqtac, nache aỹem ñachaañi qalaxaye ñaq seviloxoltai'.

Números 29:7

Qaq ca na'a'q diez que'eca ca'agoxoic siete, nataqa'en qauo'oche qome ca ỹo'oxoraq qaraponaxaqui. Qaq que'eca na'a'q qanqouaqchichi qome, qataq qaica ca qauo'oche no'onatac.