Daniel 10:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe ivi' soua tres vi'iye da lo'onataxanaxac so Ciro da nta'a ye Persia, nache so Daniel maye nataqa'en le'enaxat Beltsasar, huo'o co'ollaxa so lauanaqchec, qalaxaye ỹataqta qalaqaic da qaỹaỹaten cam naigui somaye. Qalaxaye so Daniel ỹataqta deuennataxaalec co'ollaxa somaye, nache ishet da ỹaỹaten dam naigui se'eso lauanaqchec.

Daniel 10:1 Referans Kwoze

Daniel 8:26

Qaq som 'arauanaqchec co'ollaq 'am qaỹachaxana so avit qataq nte'eta, somaye ỹataqta 'eesa, qalaxaye 'am saishet qome da 'aua'axattac, cha'aye somaye ipacchigui qome da yo'oq qom qaỹoqteguelo naua vi'iye.

Daniel 6:28

Qaq so Daniel, nache queto'ot da ỹataqta huo'o da la'amaqchec da huetaua'a da lo'onataxanaxac so nta'a Darío, qataq da lo'onataxanaxac so Ciro maye nta'a ye Persia.

Daniel 1:21

Qaq so Daniel, nache hueta'a co'ollaxa yemaye, ivitta'a da inoxonec so 'oonolec vi'i da lo'onataxanaxac da nta'a so Ciro.

Daniel 1:7

qaq som lataxala' som do'onataxaategueua'a so nma' lta'araic, somaye naralaxa't naua le'enaqa'ate soomaye. So Daniel ỹanagui da Beltsasar, so Ananías qalaq ỹanagui da Sadrac, so Misael qalaq ỹanagui da Mesac, qaq so Azarías qalaq ỹanagui da Abednego.

Daniel 1:17

Qaq Ñim Lo'onatac 'Enauacna ỹanema se'esoua cuatro nsoxoye da laỹaane'c, qataq da laỹaanataxanaxa'c da ỹaỹateetegueta 'enauac ana nerepi, qataq 'enauac na laỹepi naỹaanecpi. Qaq so Daniel qalaq nataqa'en ỹaỹaten da ỹa'axategue da naigui na nauanaqchecpi, qataq na nchoxonaxacpi.

Apocalipsis 19:9

Nache som namaxashec piguem le'ec aỹem 'enapega, 'eeta': «'Iyiñi qome de'era 'eeta': Ỹataqta machiguiñi 'enauac qome na qaicoyeguen da ỹalectaua'a ca nquia'axac da huaigui ca laronaxac Ñi Qagueta Llalec.» Nataqa'en aỹem 'enapega 'eeta': «'Era da la'aqtac Ñim Lo'onatac 'Enauacna, qaq Ñimaye saishet da datenataxan.»

Daniel 12:9

Nache somaye aỹem ỹasateguet, 'eeta': 'Am Daniel, qoquetegue qome da 'anqa'aicỹaxac, cha'aye de'era iuen da saishet da qaỹa'axattac, choche ivitta'a cam loga't.

Daniel 12:4

Qalaxaye 'am Daniel, saishet qome da 'aua'axattac de'era, qataq 'aunana't ana'ana nere, nache 'autoqoolec aca 'ara'anaxanaqte da 'auapogui, choche ivitta'a qome da ivita cam loga't. Qalota qome ca shiỹaxauapi maye coleetega't, nmittaique da nquigaxatec da lauattonaxanaxac.

Daniel 10:14

Qaq ỹoqo'oye ñanac nagui da 'am sa'aqtaxanem, dam 'eetec qome na 'arhuo' le'ecpi que'ecaua pa'atrec na'axa'te, cha'aye som 'arauanaqchec co'ollaxa, nache ỹa'axatta'alo que'ecaua na'axa'te.»

Daniel 5:17

Qaq huaña nache so Daniel ỹasateguet so nta'a, 'eeta': 'Am nta'a, nache 'am hueto'ot qome cam huotaique da ñeme 'anqa'en, qataq 'aỹa'anem ca lỹa shiỹaxaua dam ño'oxoyec da do'onataxaneua'a na 'arma' lta'araic. Qaq aỹem qalaq choche 'am sa'aqtaxanem 'am nta'a, dam naigui yi'iyiua na'aqtaqa maye nanettaleguete na lque.

Daniel 2:21

Ñimaye naralaxa't naua na'axa'te qataq naua laloqo'ote, nqat ca nta'a qataq ỹauo'o ca nta'a, qataq ỹanem da laỹaanec nam ỹaanaxanaxaicpi, qataq ỹanem da laỹaanataxanaxac nam ỹaanataxanaxaicpi.

Isaías 44:28

Aỹem shenapega ñi Ciro, sheeta': Nache 'am maye 'aulo'ogue qome ana ilopi qaguetapi, qataq 'am 'auo'ot qome nam sheetapeguecpi. Qataq shenapega ye Jerusalén, sheeta': 'Am, qaltaq 'am qano'oxoosheguem qome, qaq añim atamnaxaqui qalaq, sheeta': 'Am qalapaxañi qome ca 'aro'oxonaxala'.»

Esdras 6:14

Qaq 'era da 'eetec so lataxala'pi so judiopi, da ishet da qaltaq cot da qano'oxoosheguem qataq da qaimatta aso atamnaxaqui. Nache ỹataqta ipacchiguilo naua la'aqtaxanaxaco soua na'aqtaxanaxanaqa Hageo, qataq so Zacarías maye chegoxoguet so Iddo. Qaq 'era da 'eetec da ipacchigui da lamaxasoxonaxac Ñim Natamnaxala' so Israel le'ecpi, qataq da ipacchiguilo naua lleco maye lapaxayiñi co'ollaxa soua Ciro, Darío qataq so Artajerjes, maye nta'al ye Persia.

Esdras 6:3

«Qaq so la'auaxanec vi'i da nta'a so Ciro, nache somaye ỹan de'era lamaxasoxonaxac, 'eeta': ‹Ñaq qano'oxoosheguem aca atamnaxaqui acam lalamaqte Ñim Lo'onatac 'Enauacna, maye naña ye Jerusalén da yaqto' qaỹavigaxat aca nachetaqtaxanaqte. Qaq aca'aca atamnaxaqui ivi' qome ye veintisiete metros ye lshequitcheguema, qataq veintisiete metros ye lcategue.

Esdras 4:5

Nataqa'en ivira'a da huo'o so desheenaxana so ltauapi so nataxala', da nqanaxat da qano'oxootapiguisheguem aso atamnaxaqui. Qaq se'eso nache huetoiguilo soua vi'iye da lo'onataxanaxac so Ciro, nache ivitta'a da lo'onataxanaxac so Darío, maye nta'al ye Persia.

Esdras 4:3

Qalaxaye so Zorobabel qataq so Josué, qataq so lataxala'pi so Israel le'ecpi, 'enapeco': 'A'i, qomi' sa seshetaq da qami' ñashenaqtegueta da qomi' qauauaqaigueta da ño'oxonaxasheguem añi atamnaxaqui maye lalamaqte Ñim Qanatamnaxala'. Qomi' ñeroqte' da souaqapegue' da ño'oxonaxasheguem añi atamnaxaqui maye lalamaqte Ñim Nataxala', maye Natamnaxala' so Israel le'ecpi, cha'aye nachera da lamaxasoxonaxac ñi Ciro, maye nta'a ye Persia.

2 Crónicas 36:22

Qaq so la'auaxanec vi'i da lo'onataxanaxac so Ciro maye nta'a ye Persia, qataq da yaqto' ipacchigui so la'aqtac Ñim Nataxala' maye ỹa'axat co'ollaxa so Jeremías, nache Ñim Nataxala' ỹamaxalec co'ollaxa so Ciro da 'enauac som ilotague'pi da ỹa'axatem, ỹauota'aisalo naua la'aqtaqa, qataq ỹereñi de'era lapaxañi lataxac maye, 'eeta':

Génesis 41:32

Qaq 'am nta'a, dos co'ollaxa soua 'archoxonaxaco maye 'eeta'a't, cha'aye Ñim Lo'onatac 'Enauacna mashe lhuennataxac da ỹo'ot de'era, qaq damaye saqaỹaloq da ỹo'ot.

Lucas 1:20

Qalaxaye 'am ye saishet da aỹem 'aua'amaqten, qaq nagui qaicaua naua 'ara'aqtaqa. Nato' qom mashe ivita da ipacchigui de'era 'am sa'aqtaxaateguem.

Daniel 11:2

Qaq nagui 'am sa'aqtaxanem dam ỹataqta 'eesa lataxac. Ye Persia huo'oi qome caua tres nta'al, qaq qom ime nache huo'o qome ca lỹa nta'a, qaq camaye sallaxanec qome napacaleguete caua lỹa't tres nta'al, qaq qom huo'o da la'añaxac souaxat da lsallaxa, nache naỹamaxat qome da dataỹa'aguet da lo'onataxanaxac na lta'alpi ye Grecia.

Daniel 8:16

nache sa'axaỹa so lavilỹaxac na shiỹaxaua chemaqteuga aso tala Ulay maye, 'eeta': «Gabriel, 'aua'aqtaxanem de'era shiỹaxaua dam naigui so lauanaqchec.»

Daniel 5:12

qaq ñimaye nacheñi ñi Daniel, maye so nta'a ỹanagui co'ollaxa da le'enaxat da Beltsasar, ñimaye hueta'aguet so saq cha'a na'añaxac maye qaica ca 'ena'am, qataq ỹaanataxanaxaic, qataq hueto'ot da naỹaanec da ỹaỹaten ca naigui na nchoxonaxacpi, qataq ỹa'axategue cam naigui ca na'aqtac maye saqcha'a, qataq ỹaỹamaxaañi cam ỹataqta huo'o da lqalaic. 'Am nta'a, ñaq 'auỹaxaneuga ctaxa ñi Daniel, yaqto' ñimaye 'am ỹa'axatem qome cam naigui yem nerec maye nanettalec ye lque.

Daniel 4:8

Qaq pa'atec nache aỹem nachaateua'a so Daniel, maye nataqa'en le'enaxat Beltsasar souaxat dam sho'oxoren ñim ñatamnaxala', qaq da nachaalataxac somaye hueta'aguet som saqcha'a la'añaxac nam atamnaxala'pi maye qui'itta, nache sa'aqtaxanem som ichoxonaxac, sheeta':

Esdras 3:7

Ime, nache qoỹanem aso nsheetenaqte so nỹec lo'opi qataq so qo'oipaq lo'opi. Qaq so lma' ye Sidón qataq ye Tiro qalaq qoỹanem so nallec, qataq so nỹomaxat lataxa qataq so aceite, da yaqto' ndoi' so qo'oipaqpi cedro da ỹachangui aso nnotaxaquipi da quetangui aso auaxai, ỹachegoxotchiguiña ye Líbano, nache nvitta'ata naqa'en so notaqa' maye le'enaxat da Jope, cha'aye nachera da la'aqtac so Ciro, maye nta'a ye Persia.